Инсульттің алғашқы белгілері кенеттен басталып, қай жерде болсаңыз да – үйде, жұмыста, көшеде орын алуы мүмкін. Мұндай жағдайда дереу әрекет ету маңызды екенін еске салу маңызды, деп жазады Ertenmedia.kz.
Дәрігерлер инсульттің мына белгілеріне жіті назар аударуға кеңес береді:
дененің бір жағы кенеттен әлсіреп, қол немесе аяқ жансызданады, қимылдауы қиындайды;
адамның бет-әлпеті өзгеріп, бір жағына қарай қисаяды, күлімсірегенде аузының бір бұрышы төмен түсіп кетеді;
қатты бас ауруы кенеттен басталады, бұл көбінесе жүрек айну, құсу және есінен танумен қатар жүреді;
бір көздің көру қабілеті күрт төмендеп немесе мүлде көрмей қалады;
сөйлеу бұзылады, сөздері анық болмай, түсініксіз болады немесе адам мүлде сөйлей алмайды.
Осы белгілердің тіпті біреуі байқалса да, дереу жедел жәрдем шақырған жөн.
«Диспетчерге нақты қандай симптомдар байқалғанын міндетті түрде хабарлаңыз. Бұл қажетті көмектің жылдам келуіне септігін тигізеді», – дейді мамандар.
Есіңізде болсын: ем неғұрлым ерте басталса, адамның аман қалуы мен ауыр зардаптардың алдын алу мүмкіндігі де соғұрлым жоғары болады.
Мамандар жүктіліктің жайлы өтуі және сәбидің дені сау болуы үшін бірқатар қарапайым, бірақ тиімді кеңестер ұсынады.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
