Қазақстан әлем елдерінің демографиялық, экономикалық және әлеуметтік деректерін жинау мен жүйелеуге маманданған «World Population Review» халықаралық статистикалық платформасы жариялаған «Most Powerful Countries 2026» рейтингінде 100 мемлекеттің ішінде 34-орынға ие болды, деп хабарлайды Ertenmedia.kz.
Рейтингтің әдіснамасы мен бағалау критерийлері
Жарияланған рейтинг бірнеше негізгі параметр бойынша «мемлекеттік қуатты» кешенді бағалауды көздейтін әдіснама негізінде жасалған. Олардың қатарына, атап айтқанда, экономикалық даму, ішкі саяси институттардың кемелденуі, өңірлік және халықаралық экономикалық әрі саяси бірлестіктер мен альянстарға қатысу, сондай-ақ әскери әлеует кіреді.
Бұл ретте рейтинг құрастырушылары әрбір мемлекет экономикасының объективті ауқымын немесе қарулы күштерінің санын ғана емес, сонымен қатар мемлекеттің әлемдік аренадағы қабылданатын рөлін, оның халықаралық процестерге ықпал ету және геосаяси күн тәртібін қалыптастыру қабілетін де ескереді, ал әдіснаманың өзі бір ғана критерийлер жиынтығы бойынша саралауға сая бермейді, ол әлемнің түрлі аймақтарынан жиналған респонденттердің сауалнамалары негізінде қалыптасатын салыстырмалы бағалауды білдіреді.
Рейтингте барлығы 100 мемлекет қамтылған, бұл тізімнің алғашқы үштен біріне енуді кез келген ел үшін елеулі нәтиже етеді. Қазақстан үшін бұл көрсеткіш халықаралық деңгейде ықпалы маңызды деп танылған мемлекеттер тобындағы орнын бекітуді білдіреді. Бұл ретте рейтингтің алғашқы үштігіне Қытай, АҚШ және Үндістан бастамашы болса, ал үздік ондыққа төртіншіден оныншы орындарды бөліскен Германия, Жапония, Оңтүстік Корея, Франция, Ұлыбритания, Мексика және Италия да енді.
Қазақстан халықаралық ықпал деңгейі бойынша посткеңестік кеңістікте Ресейден кейінгі екінші орында тұрған және рейтингтің алғашқы үштен біріне енген Орталық Азиядағы жалғыз мемлекет болды.
Өңірдегі көшбасшылық және халықаралық ұйымдардағы рөл
Қазақстан экономикасы дамыған және халықаралық деңгейде кеңінен танылған бірқатар мемлекеттерді басып озды. Қазақстаннан төменгі орындарға Біріккен Араб Әмірліктері мен Сауд Арабиясы жайғасса, ал рейтингте ұсынылған посткеңестік елдер арасында Қазақстаннан тек 11-орынды иеленген Ресей ғана жоғары тұр. Өзбекстан 71-орынға, Латвия 74-орынға, Эстония 75-орынға, Армения 80-орынға, Грузия 91-орынға тұрақтаған. Осылайша, Қазақстан аталған әдіснамаға сәйкес халықаралық ықпалы бойынша посткеңестік кеңістіктегі екінші ел және тізімнің алғашқы үштен біріне енген Орталық Азияның жалғыз мемлекеті болып отыр.
Сондай-ақ Қазақстанның бұл рейтингтегі орны Еуропалық одақ пен НАТО әскери-саяси блогына мүше бірқатар елдерден жоғары, ал осы елдермен қатар тұруы рейтинг құрастырушылары қолданған критерийлер бойынша жиынтық бағалаудың тең деңгейін көрсетеді әрі халықаралық альянстарға қатысуды ескереді. Бұл Қазақстан үшін Еуразиялық экономикалық одақ (ЕАЭО), Шанхай ынтымақтастық ұйымы (ШЫҰ), Ұжымдық қауіпсіздік туралы шарт ұйымы (ҰҚШҰ) және өзге де көпжақты форматтар тәрізді құрылымдардағы рөлінің мойындалуын білдіреді.
Бұған дейін IMD (WCC) Дүниежүзілік бәсекеге қабілеттілік орталығының экономикалардың бәсекеге қабілеттілігінің осыған ұқсас рейтингінде Қазақстан Испания, Португалия, Польша және Италияны артқа тастап, 38-орынды иеленген болатын.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
