Республикалық референдум күні Қонаев қаласының тұрғындары үшін маңызды шара өтті. Тұрғындардың дауыс беру учаскелеріне еркін жетуін қамтамасыз ету мақсатында қоғамдық көлік қызметі тегін ұйымдастырылды. Бұл бастама халықтың референдумға қатысу белсенділігін арттырып, дауыс беру процесін барынша қолжетімді етті, деп жазады Ertenmedia.kz.
Бұл күні қала көшелерінде жалпы саны 30 автобус жолаушыларға қызмет көрсетті. Олар 9 бағыт бойынша жүріп, қаланың барлық аумағын, соның ішінде шалғайдағы елдімекендерді де қамтыды. Автобустардың 4 бағыты қала маңындағы ауыл-аймақтар мен елдімекендер арасында қатынаса, қалған 5 бағыты қалаішілік бағыттарға қызмет көрсетті.
Қала тұрғындары, әсіресе егде жастағы қариялар, студент жастар мен қала маңындағы ауылдарда тұратын азаматтар бұл бастаманы қуанышпен қарсы алды. Олар мұндай игі шараның әлеуметтік маңызы зор екенін айтып, алғыс білдірді.
Қаладағы жолаушылар тасымалына жауапты мамандардың айтуынша, мұндай бастамалар халықтың ел өміріндегі маңызды қоғамдық-саяси науқандарға қатысуын жеңілдетеді. Сондай-ақ қоғамдық көлік қызметін тегін ұсыну азаматтардың белсенділігін арттырып, елдегі демократиялық процестерге үлес қосудың тиімді жолы болып табылады.
Осылайша, Қонаев қаласында қоғамдық көліктің тегін қызметі тұрғындарға референдумға қатысып, өз азаматтық ұстанымын білдіруге толық мүмкіндік берді.
Қанның қалыпты сұйықтық деңгейінде болуы, адам ағзасының дұрыс жұмыс істеуі үшін аса маңызды. Сол себепті күніне 1,5-2 литр сұйықтық тұтыну қажет.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
