БЖЗК салымшысы жинақ ақшасының азайғанын байқап, алаңдаушылық білдірді. Ол Отбасы банкіндегі депозитіне зейнетақы жинағының артық бөлігін аудармақ болған, алайда есепшоттағы соманың кенет азайып кеткенін көрген. Салымшы зейнетақы қорынан жағдайды түсіндіруді талап етті, деп жазады Ertenmedia.kz.
БЖЗК мамандары зейнетақы жарналарының түрлі қаржы құралдарына инвестицияланатынын түсіндірді. Осы инвестициядан алынатын табыс тұрақты емес, яғни әр ай сайын белгіленген нақты сома болмауы мүмкін. Табыс көлеміне құнды қағаздар бағасының нарықтағы ауытқуы, валюта бағамының өзгеруі және басқа да қаржылық факторлар әсер етеді.
«2026 жылдың наурыз айында теңгенің долларға қатысты бағамы күшейіп, сыртқы басқарудағы активтердің нарықтағы бағасы төмендеді. Бұл жағдай салымшылардың шотына теріс инвестициялық табыс ретінде жазылды», – деп мәлімдеді ЕНПФ өкілдері.
Қордың мәліметінше, мұндай жағдайда жинақ ақшаның жалпы сомасы уақытша азаюы мүмкін. Соның ішінде шекті мөлшерден асатын, мерзімінен бұрын алуға болатын ақша сомасы да қысқарады. Егер салымшының сұраған сомасы қолжетімді мөлшерден асатын болса, БЖЗК жинақты мерзімінен бұрын алуға өтінішті орындай алмайды.
Айта кетейік, Қазақстанда зейнетақы жинағын мерзімінен бұрын алу үшін белгіленген жеткіліктілік шегі жақында қайта қаралуы мүмкін. Дегенмен 8 сәуірде Еңбек министрлігі осы жылы жеткіліктілік шегі қайта көтерілмейтінін хабарлады.
Kaspi.kz танымал финтех-сервисі мобильді қосымшаға қатысты қатаң шектеулер енгізді. Бұдан былай жүйеде тек қазақстандық телефон нөмірімен тіркелуге болады.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
