Жол жөндеу кезінде асфальтты жай ғана үстінен қайта құя салу тиімді емес. Себебі ескі жолдағы жарықтар уақыт өте жаңа асфальттың бетіне қайта шығып кетеді. Осы мәселені шешу үшін арнайы «аралық мата» технологиясы қолданылады, деп жазады Ertenmedia.kz.
Бұл әдісте ескі жолдың үстіне жаңа асфальт құймас бұрын арнайы синтетикалық мата төселеді. Ол қарапайым мата емес, битуммен (сұйық асфальтпен) сіңдірілген арнайы материал.
Жүйенің негізгі бөліктері қарапайым:
Ең үстінде – жаңа асфальт қабаты. Бұл көлік жүретін тегіс жол беті.
Оның астында – арнайы мата. Ол су өткізбейтін қабат ретінде қызмет етеді және ескі жарықтардың жоғары шығуын тежейді.
Төменде – бұрынғы жол жабыны. Ол көбіне жарылған, тозған күйде болады. Одан әрі қиыршық тас немесе негіз қабаты. Бұл жолға беріктік береді. Ең төменде тығыздалған топырақ. Бұл бүкіл жолдың негізі.
Бұл матаның басты қызметі екі бағытта жұмыс істейді. Біріншіден, ол судың төменгі қабаттарға өтуіне жол бермейді. Егер су кірсе, жол тез бұзылады. Екіншіден, ол ескі жарықтардың жаңа асфальтқа шығуын тежейді. Яғни жолдың қызмет ету мерзімін ұзартады.
Қарапайым тілмен айтқанда, бұл мата жолға төселетін «қорғаныс қабаты». Ол ескі проблемаларды жаңа асфальтқа өткізбей, жолды ұзақ уақытқа сақтайды.
Мұндай технология жолды қайта-қайта жөндей бермеу үшін қолданылады. Соның арқасында жол сапасы артып, шығын да азаяды.
Кір жуғыш машинаның ішкі құрылысы мен жұмыс істеу принципін қарапайым тілмен түсіндіріп, оған қалай дұрыс күтім жасау керектігі туралы кеңестер құлақ асыңыз.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
