Шетелдік астрологтар 2026 жылғы 21 қаңтарға арналған жұлдыз жорамалын ұсынды, деп жазады Ertenmedia.kz.
Астрологтардың пайымынша, 21 қаңтар күрт шешімдер қабылдауға, қақтығысқа баруға немесе шамадан тыс жүктеме алуға қолайсыз. Күннің энергетикасы қарқынды әрекеттен гөрі тыныштықты, сезімге құлақ асуды және ішкі қуатты жинақтауды талап етеді. Сондықтан жұлдыздар күн тәртібін жеңілдетіп, асығыстықтан аулақ болуға кеңес береді.
Бұл күні Тоқты белгісінде туғандар шаршауды айқынырақ сезініп, жалғыз қалуға ұмтылуы мүмкін. Артық міндеттемелерден бас тартып, демалысқа уақыт бөлген дұрыс. Торпақтар үшін сыртқы қысымнан алшақтап, тыныштық арқылы ойды реттеу маңызды. Күн жеке пайым мен ішкі үнге құлақ асуға қолайлы. Егіздерге ақпарат ағынын азайту ұсынылады, себебі ойша қажу байқалуы мүмкін, қысқа үзілістер мен назарды басқа арнаға бұру пайдалы болады.
Ал Шаяндар терең эмоциялармен бетпе-бет келеді. Өткен сезімдерді жіберіп, ішкі сауығуға көңіл бөлуге ыңғайлы сәт. Арыстандар үшін өзін-өзі саралау алдыңғы орынға шығады, қарым-қатынастар уақытша салқындағандай көрінуі мүмкін, алайда бұл құбылыс өткінші сипатта. Бикештерге денсаулық пен күн тәртібіне мән берген жөн, демалыс пен денеге күтім айтарлықтай оң әсер береді.
Таразылар тепе-теңдікті сақтау үшін әлеуметтік белсенділікті азайтып, тыныш әрі жеңіл қарым-қатынас форматын таңдағаны дұрыс. Сары шаяндар бейсаналық эмоциялар күшеюі ықтимал, оларды басып-жаншу емес, байыппен қабылдау маңызды. Мергендер үшін күн дүниетанымды қайта қарауға, оқу мен философиялық ойларға қолайлы кезең саналады.
Тауешкілерге жұмыс міндеттері әдеттегіден ауыр сезілуі мүмкін, сондықтан шамадан тыс жүктемеден аулақ болып, кейбір шаруаны бөлісу ұсынылады. Суқұйғыштар күннің эмоциялық аясын ерекше сезінеді, өзіне тыныш әрі қауіпсіз кеңістік қалыптастыру пайдалы. Балықтарда интуиция күшейіп, ішкі сезімдер дұрыс шешім табуға көмектеседі.
Жалпы кеңес ретінде астрологтар 21 қаңтарды қарқынды серпіліс емес, өзіне жанашырлық танытатын күн ретінде қабылдауға шақырады. Тыныштық, демалыс және эмоциялық теңгерім дәл осы күні белсенді күрестен де көбірек пайда әкелуі мүмкін.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
