Экс-президент Нұрсұлтан Назарбаевтың кенже қызы Әлия Назарбаева танымал нумерологтың туған күн кешінде көзге түсті. Бұл туралы журналист Сырым Итқұлов жазды, — деп хабарлайды ErtenMedia.
«Әлия Назарбаева танымал нумеролог Клара Күзденбаеваның туған күн кешіндегі құрметті қонақтар қатарында болды. Салықтарға «түкіргенің бар кезді» қалай айтады? Немесе оны 30 жыл бойы қалай төлемеген болсаң, әрі қарай да солай төлемейсің. Ал туған күн иесіне келсек, жүздеген мың оқырманы бар… Кірістер комитетінің айтуынша, тіпті осындай жағдайдың барлығы декларациялануы керек. Ең қызығы: Әлия Назарбаева оның қызметіне ресми түрде ақы төлей ме, әлде «перевод» аман болсын ба?» — деп жазды журналист.
Клара Күзденбаеваның өзі де желідегі парақшасында Әлия Назарбаевамен бірге түскен суретін жариялаған.
Ол желідегі парақшасында өзін нумеролог сарапшы, психология ғылымдары бойынша доктор деп таныстырған. Оған қоса Ресей және Қазақстан бойынша консультациялар жүргізетінін көрсеткен.
Сарапшылар бұл жағдай қоғамда қызу пікірталас туғызады, соның әсерінен салық мәселесі мен танымал тұлғалардың кірісін декларациялау тақырыбы тағы да назарға ілігеді деп топшылап отыр.
