«Таза Қазақстан» жалпыреспубликалық бағдарламасы мен «Алматы – біздің ортақ үйіміз» акциясы аясында қаладағы 36 емханада арнайы контейнерлер орнатылды. Оларға қала тұрғындары мерзімі өткен, қолданылмаған немесе жартылай пайдаланылған дәрі-дәрмектерді қауіпсіз өңдеуге өткізе алады,- деп хабарлайды Ertenmedia
Жоба Алматы қаласы әкімдігі, EcoNetwork экологиялық ұйымы және серіктес — STADA фармацевтикалық компаниясының қолдауымен жүзеге асырылуда.
«Қазақстанда алғаш рет дәрі-дәрмектерді қауіпсіз түрде жою жүйесі құрылуда. Алматы қаласының тұрғындарына пайдаланылмаған дәрілерді тапсыруды ұсынып, біз әрбір азаматқа қоршаған ортаны қорғауға үлес қосуға мүмкіндік бергіміз келеді. Қазіргі таңда дәрілер әлі де қоқысқа тасталады немесе кәріз жүйесіне төгіледі — бұл экожүйелерге де, адамдардың денсаулығына да қауіп төндіреді. Жоба туралы ақпарат пен оны іске асыру кезеңдері EcoNetwork пен STADA-ның әлеуметтік желілердегі ресми парақшаларында және веб-сайттарында жарияланатын болады», — деп атап өтті EcoNetwork ұйымының негізін қалаушы Евгений Мұхамеджанов.
Жобаны ұйымдастырушылардың айтуынша, дәрі-дәрмектер қауіпті қалдықтар қатарына жатады. Оларды дұрыс жоймаса, белсенді заттар топырақ пен суға еніп, онда жылдар бойы сақталуы мүмкін. Бұл – табиғи экожүйелердің бұзылуына және адам денсаулығына төнетін әлеуетті қатерге әкеледі.
Proxima Research аналитикалық компаниясының деректері бойынша, 2024 жылы Қазақстанда 1,46 миллиард орама дәрі-дәрмек тұтынылған. Алайда, олардың көп бөлігі пайдаланылмай қалып, уақыт өте келе қауіпсіз жойылуды қажет етуде.
Қабылдау пункттерін құру — фармацевтикалық қалдықтармен жауапты түрде жұмыс істеу мәдениетін қалыптастыру және олардың қоршаған ортаға әсерін азайту жолындағы маңызды қадам.
Мерзімі өткен және пайдаланылмаған дәрі-дәрмектерді жинау жобасы – емханаларда арнайы контейнерлер орнату, медициналық қызметкерлерді оқыту және дәрілерді тиісті түрде кәдеге жарату шараларын қамтиды. Бұл бастама қоршаған ортаны қорғау мәселесіне жауапкершілікпен қарайтын халықаралық фармацевтикалық өндіруші саналатын STADA компаниясының қолдауының арқасында жүзеге асты.
Компания тұрақты даму саласында салалық көшбасшылардың бірі болып саналады, әрі халықаралық ESG және Sustainability рейтингтерінде жоғары орындарға ие. Сонымен қатар, STADA экологиялық салдарды азайту және дәрі-дәрмектерді ұтымды тұтыну мәдениетін ілгерілету бағытында бірқатар бастамаларды іске асыруда.
«Дәрі-дәрмектерді дұрыс қолданбау – адамдар үшін де, қоршаған орта үшін де қауіпті. Қазақстанда дәрі-дәрмектерді кәдеге жарату бастамасын қолдағанымызға қуаныштымыз және фармацевтикалық қалдықтармен жауапты жұмыс істеу мәдениетін қалыптастыру жолында алғашқы қадам жасадық. Сонымен қатар, біз алматылықтарды осы бастаманы қолдауға және қоршаған ортаны сақтауға өз үлесін қосуға шақырамыз», – деп атап өтті STADA Kazakhstan компаниясының бас директоры Наталья Гарипова.
Қабылданатын дәрі-дәрмектерге таблеткалар мен капсулалар, майлар, кремдер, гельдер, ампулалар, флакондар, сироптар және сұйық дәрілік ерітінділер жатады. Дәрілерді тапсыру алдында оларды тығыз пакетке салып, мықтап байлануы керек.
Алайда шприцтер, инелер, инфузиялық жүйелер, сондай-ақ қанмен жанасқан кез келген медициналық қалдықтарды өткізуге рұқсат етілмейді –оларды арнайы медициналық ұйымдарда жою қажет.
Жиналған дәрі-дәрмектерді жоюды экологиялық және технологиялық талаптарға толық сәйкес келетін мамандандырылған ұйым жүзеге асырады.
Сонымен қатар, жоба аясында кезеңдік қоғамдық есептілік қарастырылған: утилизация барысы, жиналған дәрілердің көлемі және аралық нәтижелер туралы ақпарат EcoNetwork сайтына жарияланып отырады. Бұл – ашықтықты қамтамасыз ету және қоғамның белсенді қатысуына жағдай жасау мақсатында қолға алынған.
Кәдеге жарату үшін арнайы контейнерлер орнатылған медициналық мекемелері:
- «№36 Қалалық емхана» ШЖҚ КМК-ш/а. Шұғыла, 340А.
- «№26 қалалық емхана» ШЖҚ КМК — ш/а. Таусамалы найзағай көшесі, 102.
- «№27 Қалалық емхана» ШЖҚ КМК-ш/а. Ақжар Дәулеткерей көшесі, 140.
- «№7 Қалалық емхана» ШЖҚ КМК — ш/а. Қалқаман 20.
- «№10 Қалалық емхана» ШЖҚ КМК-ш/а. Ақсай-4, 17 үй.
- «№6 қалалық емхана» ПВХ КМК-ш/а. 4, Алтынсарин даңғылы, 3а.
- «№2 қалалық емхана» ПВХ МКК — Шухов көшесі 37б.
- Медеу ауданының МСАК орталығы ШЖҚ КМК — Чайкина көшесі, 12 А.
- «№5 Қалалық клиникалық аурухана» ПВХ МКК — Достық көшесі, 220.
- «Алатау қалалық ауруханасы» ШЖҚ КМК — ш / а. Алатау, Жетбаев көшесі, 28.
- «№1 қалалық емхана» ПВХ МКК — Гоголь көшесі, 53/65.
- «№11 Қалалық емхана» ШЖҚ КМК — Жұмабаев көшесі, 87.
- «№21 қалалық емхана» ШЖҚ КМК-ш/а. Көкжиек, 66.
- «Құлагер ПШО» ШЖҚ КМК-ш/а. Құлагер, 34а.
- «№14 қалалық емхана» ШЖҚ КМК — ш/а. Әйгерім-1 В. Бенберин көшесі, 22.
- «№22 қалалық емхана» ШЖҚ КМК-ш/а. Шаңырақ-2, Жанқожа батыр көшесі, 193а.
- «№23 қалалық емхана» ШЖҚ КМК-ш / а. Ұлжан-1 Жалайыри көшесі-34.
- «№25 қалалық емхана» ШЖҚ КМК-ш/а. Дархан, Халифва Алтай көшесі, 24/1 .
- «№4 қалалық емхана» ШЖҚ КМК — ш/а. Орбита-3, Д. 12.
- «№7 Қалалық емхана» ПВХ КМК — Бұқар Жырау көшесі, 14 үй.
- «№12 қалалық емхана» ПВХ КМК — Попов көшесі, 23/12 үй.
- «№17 қалалық емхана» ПВХ КМК-Басенов көшесі, 2 үй.
- «№9 қалалық емхана» ПВХ КМК — Шолохов көшесі, 17 .
- «№13 қалалық емхана» ПВХ КМК — т.Сейфуллин даңғылы, 97.
- «№19 қалалық емхана» ПВХ КМК — Папанин көшесі, 220.
- «№20 қалалық емхана» ПВХ КМК — Жұлдыз 1 шағын ауданы, 5в.
- «№24 қалалық емхана» ПВХ КМК — Земнухов көшесі , 3/1 .
- «№28 қалалық емхана» ПВХ КМК-ш/а. Жас Қанат, 54/2.
- «№32 қалалық емхана» ПВХ МКК — Монтажная көшесі, 33.
- №8 МКБ ЖШС (емхана) — Ақан Сері көшесі, 36.
- «№3 қалалық емхана» ПВХ КМК — Розыбакиев көшесі, 74.
- «№5 Қалалық емхана» ПВХ КМК — Мақатаев көшесі, 141 .
- «№8 қалалық емхана» ПВХ КМК — Түркебаев көшесі, 40.
- «№30 Қалалық емхана» ПВХ КМК — Жібек жолы көшесі, 128.
- «Алмалы ауданының МСАК орталығы» ШЖҚ КМК — Төле би көшесі, 157.
- «ҰОС ардагерлерінің қалалық емханасы» ШЖҚ КМК — Амангелді көшесі, 41 үй.
