Қазақстан Парламенті Сенатының Төрағасы Мәулен Әшімбаев пен Өзбекстан Олий Мәжілісі Сенатының Төрағасы Танзила Нарбаева Астанада өткен қазақ-өзбек ғылыми-шығармашыл зиялыларының алғашқы форумында сөз сөйледі. Іс-шара Т.Нарбаеваның Қазақстанға ресми сапары аясында ұйымдастырылды. Форум барысында екі елдегі ғылыми және мәдени ортаның өкілдері мәдени-гуманитарлық ынтымақтастықты нығайтуға, халықтық дипломатияны дамытуға және дәстүр сабақтастығын сақтауға қатысты маңызды мәселелерді талқылады. Сондай-ақ олар бірқатар бағытта өзара байланысты одан әрі арттыру жолындағы басым міндеттерді белгіледі,- деп хабарлайды Ertenmedia Мәулен Әшімбаев өз сөзінде Қазақстан мен Өзбекстан зиялыларының алғашқы форумы Мемлекет басшысының тікелей тапсырмасымен өткізіліп жатқанын айтты. Президент екі елдің ғылыми-шығармашыл зиялыларының өзара байланысына үнемі баса мән беріп келеді. Осы орайда бұл…
Автор: editor
Жоғары аудиторлық палата ғылым саласына бөлінген бюджет ақшасының қалай жұмсалғанын тексеріп, нәтижесін жариялады деп жазады Ertenmedia. Жиынға Ғылым және жоғары білім министрі Саясат Нұрбек, министрлікке бағынышты ұйым басшылары және мем.органдардың өкілдері қатысты. Тексеріс нәтижесі көңіл көншітпейді. Ғылым саласына бөлінген қаржы көлемі 219 млрд теңгеге дейін өссе де, зерттеулер мен ғылыми әзірлемелердің сапасы әлі күнге дейін төмен деңгейде қалып отыр. «Ғылыми жобаларды іске асыруда нақты сектордың, яғни бизнестің сұранысы ескерілмеген. Әзірленген ғылыми өнімдер көбіне іс жүзінде қолдануға жарамайды. Қолданбалы зерттеулерге басымдық беру керек», – дейді Жоғары аудиторлық палатаның өкілдері. Сонымен қатар, ғылыми зерттеулердің орындалуын бақылау формалды түрде жүргізілген. Қателігі бар жобалар…
Бұл туралы Энергетика вице-министрі Әлібек Жамауов газ нарығындағы негізгі ойыншылармен өткізген жиында белгілі болды деп хабарлайды Ertenmedia. Кездесуге мемлекеттік органдар, Бәсекелестікті қорғау агенттігі, жеке компаниялар, «Қазақстан темір жолы» мен Қазақстанның отын қауымдастығы өкілдері қатысты. Жиында газ тасымалдау тарифінің өсуі басты мәселе ретінде көтерілді. Министрлік өкілдерінің айтуынша, сұйытылған газды тасымалдау тарифі 2025 жылдың өзінде үш рет айтарлықтай өскен. «Тек 1 маусымнан бастап теміржолмен газ тасымалдау қызметінің тарифтері өсті. Соның салдарынан сұйытылған газдың әр литрінің өзіндік құнындағы көлік шығындарының үлесі артты», – деді министрлік өкілдері. Әлібек Жамауов нарықтың тұрақты жұмыс істеуі үшін баға тепе-теңдігін сақтау қажет екенін атап өтті. «Біздің негізгі міндетіміз…
Қазақстанда рубльдің еркін айналымы теңгені тәлтіректетіп, капиталдың елден кетуін күшейтуде деп жазады Ertenmedia. Белгілі экономист Рахымбек Әбдірахманов Digital Business Finance-қа берген сұхбатында елдегі экономикалық ахуалдың астарына үңіліп, негізгі түйткілдерді талдап берді. Оның айтуынша, еліміздегі инвестиция ағынының кері көрсеткіші былтыр тарихи рекорд орнатқан. Елге келген тікелей инвестиция көлемі сыртқа кеткен капиталдан 2,6 миллиард долларға аз болды. Мұндай жағдай тәуелсіз Қазақстан тарихында алғаш рет тіркелген. «Инвесторлардың елден кетуіне бірнеше себеп бар. Біріншісі саяси тәуекелдің артуы. Екіншісі макроэкономикалық тұрақсыздық. Үшіншісі және ең маңыздысы санкция астындағы Ресеймен экономикалық байланыстардың тым күшейіп кеткені. Саяси интеграция туралы сөз қозғамай-ақ қояйын, бірақ экономикалық интеграция қарқынды жүріп жатыр.…
Президенттің баспасөз хатшысы Руслан Желдібай республикалық екі ірі телеарнаның жаңа басшыларын таныстырды деп жазады Ertenmedia. «Белгілі медиаменеджер Ләззат Танысбай «Еуразия» бірінші арнасының бас директоры болып тағайындалды. Бүгін оны телеарна ұжымына таныстырдым», – деп жазды Желдібай әлеуметтік желідегі парақшасында. Ол Танысбайдың отандық медиа саласына қосқан елеулі үлесін атап өтті. Соңғы алты жылда тарихи сериалдар мен анимациялық фильмдер өндірісіне ерекше серпін берілгенін айтты. «Корпорация отандық контентті интернет алаңдарда және шетелде насихаттауда үлкен жетістіктерге жетті», – деді Желдібай. Осыған дейін «Еуразия» бірінші арнасының бас директоры міндетін 2020 жылдың желтоқсанынан бері Арман Құдайбергенов атқарған. Ал оның алдында 17 жыл бойы бұл қызметті Сергей Киселёв…
Алматыда 18-19 тамыз күндері Түркі мемлекеттері ұйымының (ТМҰ) IV Халықаралық жастар фестивалі өтіп жатыр,- деп хабарлайды Ertenmedia Іс-шараға Түркі мемлекеттері ұйымына мүше елдер – Қазақстан, Әзербайжан, Қырғызстан, Түркия және Өзбекстаннан делегаттар қатысуда. Фестиваль аясында жастар саясаты, кәсіпкерлік, азаматтық белсенділік және әлеуметтік бастамаларды дамыту бағыттарында семиналар ұйымдастырылып, жас көшбасшылар мен кәсіпкерлер бас қосады. Жиынның ресми ашылуы барысында Алматы қаласына «2025 жылғы Түркі әлемінің жастар астанасы» мәртебесі берілді. Салтанатты шараға Мемлекет басшысы Қасым-Жомарт Тоқаев арнайы құттықтау хатын жолдады. Оны Қазақстан Республикасының Мәдениет және ақпарат министрі Аида Балаева оқып берді. «Алматы – азаттығымыздың алтын бесігі, жасампаз жастардың құтты мекені. Өркениетіміздің өрісін кеңейтуге өлшеусіз…
Журналистерді қорғау комитеті (Committee to Protect Journalists, CPJ) Қазақстан билігінен Азаттық радиосының маусым айынан бері аккредитациясыз қалған 16 журналисінің құқығын қалпына келтіруді талап етті деп жазады Ertenmedia. Ұйым мәлімдемесін 19 тамызға белгіленген сот отырысының қарсаңында жасады. 2024 жылы қабылданған БАҚ туралы заңға сәйкес, шетелдік журналистер Қазақстанда аккредитациясыз жұмыс істей алмайды. «Азаттық радиосының өткір материалдары Қазақстан медиа саласындағы маңызды орнын жоғалтпауы тиіс. Сот шешімі радио жұмысына үлкен кедергі келтіруі мүмкін екеніне алаңдаймыз. Қазақстан билігі Азаттық журналистеріне қысым жасамай, жұмысын жалғастыруына жағдай жасауы керек. Шетелдік БАҚ-ты аккредитациялаудағы қатаң ережелер қайта қаралуы тиіс», – дейді Журналистерді қорғау комитетінің Еуропа мен Орталық Азия бойынша…
Қазақстанда шетелдік қаржыландыру арқылы жұмыс істейтін үкіметтік емес ұйымдардың (ҮЕҰ) белсенділігі артып келеді. Бұл үрдіс қоғамда алаңдаушылық туғызып отыр. Бірқатар журналистер мен сарапшылар сырттан келетін гранттардың ашықтығы мен мазмұнына бақылау орнату қажет екенін алға тартуда,- деп хабарлайды Ertenmedia Оңғар Кабден: «Қоғамды бөлетін емес, біріктіретін идеялар қажет» Журналист әрі қоғам белсендісі Оңғар Кабден шетелдік гранттардың астарында ұлтқа жат идеология жатқанын айтып, ҮЕҰ-лардың кейбірі «адам құқығы» мен «әйел теңдігі» ұранын жамылып, ЛГБТ мен батыстық құндылықтарды насихаттаумен айналысады деп есептейді. «Мемлекет әйелдер құқығын қорғай алмай отыр деу — әділетсіз. Бірақ бұл тақырыпты сылтау етіп, теріс насихат жүргізетін ұйымдар көбейді. Олар ұлттық құндылықтарға қарсы келеді», —…
Алматы әкімінің жаңа орынбасары тағайындалды, деп хабарлайды Ertenmedia. Алматы қаласы әкімінің өкімімен және Президент Әкімшілігінің келісімімен 2025 жылдың 18 тамызынан бастап әкімнің орынбасары қызметіне Алмасхан Сматлаев келді. Сматлаев экология, энергетика, көлік және коммуналдық шаруашылық салаларына жетекшілік етеді. Жаңа орынбасар Ресейдің Қаржы университетін «экономика», «мемлекеттік және муниципалдық басқару» мамандықтары бойынша және АҚШ-тағы Блумсберг университетін «халықаралық экономика» мамандығы бойынша тәмамдаған. Еңбек жолын 2009 жылы бизнес құрылымдарынан бастап, кейін Еуразиялық экономикалық комиссияда қызмет етті. 2014-2023 жылдары Шығыс Қазақстан облысында экономика және бюджеттік жоспарлау басқармасының басшысы, облыс әкімінің орынбасары, кейіннен бірінші орынбасары лауазымдарын атқарған. Осы тағайындауға дейін ҚР Президенті Әкімшілігінің мемлекеттік инспекторы қызметінде болған.
Тоқаев Өзбекстан Сенатының төрайымы Танзила Нарбаевамен кездесті, деп хабарлайды Ertenmedia. Тараптар кездесу барысында екі ел арасындағы стратегиялық серіктестік пен одақтастық қатынастарды, сондай-ақ парламентаралық байланысты нығайтудың маңызды тұстарын талқылады. Президенттің айтуынша, Нарбаеваның Астанаға келуі Қазақстан мен Өзбекстан арасындағы ерекше байланыстың айқын көрінісі. Тоқаев екі ел арасындағы тығыз қарым-қатынастың Орталық Азиядағы тұрақтылық пен қауіпсіздік үшін аса маңызды екенін атап өтті. «Сіздің сапарыңыз біздің елдеріміз арасындағы достық қарым-қатынасты одан әрі тереңдету тұрғысынан өте маңызды. Біз бауырлас Өзбекстанмен ынтымақтастыққа ерекше мән береміз. Біздің өзара байланысымыз қаншалықты тығыз әрі нәтижелі болса, өңірдегі ахуал соншалықты тұрақты әрі тыныш болады. Бұл сапардың парламентаралық қарым-қатынасты нығайтуда маңызы зор»,…
