Кәсіпкер Руслан Шаекин әлеуметтік төлемдерді тағайындау тәсілін отбасылардың әл-ауқатын ескере отырып қайта қарауды қолдады, деп хабарлайды Ertenmedia.kz.
Оның айтуынша, 2027 жылдан бастап төлемдерді тағайындау кезінде отбасының материалдық жағдайы ескеріледі. Шаекин бұл тәсілді әділ деп санайды және өзінің көпбалалы отбасы мемлекеттік қолдаудан өз еркімен бас тартқанын атап өтті.
Мұқтаж жандарға басымдық беру
«Біз көпбалалы отбасы ретінде өз еркімізбен бас тарттық. Мемлекеттік қолдау ең алдымен оған шын мұқтаж жандарға берілуі керек», – деп жазды кәсіпкер өзінің Instagram парақшасында.
Айта кетейік, 2027 жылдың 1 қаңтарынан бастап Қазақстанда әлеуметтік төлемдерді тағайындау тәртібі өзгереді. Жаңа тәсіл мемлекеттік қолдау отбасының нақты жағдайы мен көмекке мұқтаждығы ескеріле отырып беріледі деп көздейді.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
