Тұңғыш Президент атындағы Ұлттық қорғаныс университеті енді Қазақстан Республикасының Ұлттық қорғаныс университеті болып аталады. Бұл туралы үкіметтің ресми қаулысына енгізілген өзгерістер жобасы «Ашық НҚА» порталында жарияланды, деп хабарлайды Ertenmedia.kz.
Құжат қоғамдық талқылауға 2025 жылдың 18 шілдесіне дейін шығарылған.
Оқу орнының атау өзгеретіні 2023 жылы белгілі болған еді. Сол кезде Сенат депутаттары «Қазақстан Республикасының Тұңғыш Президенті – Елбасы туралы» Конституциялық заңның күшін жоюға байланысты оқу орнының атауын өзгерту туралы бастама көтерген болатын.
Ұлттық қорғаныс университеті Қазақстан Қарулы күштері мен басқа да арнайы мем.құрылымдар үшін офицерлік құрамды даярлайтын жоғары әскери оқу орны болып саналады.
Университет 2003 жылы сол кездегі президент Нұрсұлтан Назарбаевтың жарлығымен құрылып, 2018 жылы Әбішұлының берілген еді.
Еске сала кетейік, 2024 жылдың қаңтарында университет аумағынан Назарбаевтың ескерткіші алынып тасталған. ҚорғаМин ескерткішті алып тастау шешімін университет атауының өзгеруімен түсіндірген. Ескерткішті Астанадағы Мемлекеттік әскери-тарихи мұражайға көшіру жоспарланған.
Соңғы уақытта Қазақстанда Назарбаев есімімен байланысты нысандардың атауы жаппай өзгеріп жатыр.
Осыған дейін Астанадағы екі ірі вокзал Назарбаевтың есімінен бас тартқан болатын. Сонымен қатар Алматыдағы Назарбаев қоры өзіне тиесілі ғимаратты мемлекет меншігіне қайтарып берген еді.
Экс-елбасының есімі берілген өзге де нысандардың атауын өзгерту мәселесі талқылануда.
