Белгілі дінтанушы Қайрат Жолдыбайұлы Қостанай облысындағы бас имамның жағдайына қатысты пікір білдірді, — деп хабарлайды ErtenMedia.kz.
«Қостанай облысының білдей бір бас имамы ішімдік ішіп, көлік жүргізіп, қамауға алынды деген ақпарат төбемнен жай түскендей әсер қалдырды. Екі күннен бері ішім алай-дүлей. Бұл ұятты жағдайға сенгім келмейді», — деді ол.
Қайрат Жолдыбайұлының пайымдауынша, бұл әдейі ұйымдастырылған қастандық болуы мүмкін.
«Қостанай облысының білдей бір бас имамы ішімдік ішіп, көлік жүргізіп, қамауға алынды деген ақпарат төбемнен жай түскендей әсер қалдырды. Екі күннен бері ішім алай-дүлей. Бұл ұятты жағдайға сенгім келмейді. Бәлкім әдейі ұйымдастырлған қастандық шығар. Қымызға яки басқа бір тағамға бір нәрсе араластырып әдейі ішкізіп, сосын арнайы тапсырыспен ұстатты ма екен? Егер имамның ары таза болса, адвокат жалдап, өзін қорғауы тиіс. Ал рас болса, онда бас мүфти өз еркімен қызметінен кетуге тиіс. ҚМДБ түбегейлі реформалануы шарт», — деп жазды Қайрат Жолдыбайұлы.
Айта кетейік, жуырда Қостанайдағы имам алкоголь ішіп, түнгі клуб жанында ұсталған еді. Артынша өңірдің бас имамы Тәжімбет Бахытбек Нұрғабылұлы 15 тәулікке қамалды және 7 жылға көлік құралын басқару құқығынан айырылды.