«Самұрық-Қазына» тобына қарасты компанияларда әкімшілік-басқару аппаратын қысқарту басталады. Қор таратқан мәліметке сүйенсек, оңтайландыру аясында 729 қызметкер қысқартылады, деп жазады Ertenmedia.kz.
Бұл өзгеріс негізінен Астанадағы әкімшілік-басқару персоналына қатысты болмақ. Жалпы алғанда, қысқарту осы санаттағы қызметкерлердің шамамен 11 пайызына әсер етеді.
Қордың хабарлауынша, өтемақы еңбек заңнамасына сәйкес төленеді. Яғни қысқартуға іліккен қызметкерлерге кемінде бір айлық орташа жалақы көлемінде өтемақы беріледі. Бұдан бөлек, қолданыстағы ұжымдық келісімдерге сай қосымша төлемдер де қарастырылуы мүмкін. Соған байланысты оңтайландырудан күтілетін нақты қаржылық нәтиже өзгеруі ықтимал.
Ресми мәлімет бойынша, қысқартуға түсетін әр қызметкердің орташа айлық жалақысы 762 мың теңге болған. Осы есепке сүйенгенде, 2026 жылдың тоғыз айы ішінде оңтайландырудан түсетін болжамды үнем шамамен 5 млрд теңгені құрайды.
Яғни қор бұл қадамды тек кадрлық өзгеріс ретінде емес, шығынды азайтып, басқару жүйесін ықшамдауға бағытталған шара ретінде қарап отыр. Алайда мұндай шешімнің әлеуметтік салмағы да жеңіл емес. Сондықтан бұл үдерісте өтемақы төлеу мен еңбек құқығын сақтау мәселесі негізгі назарда болмақ.
Алматы әкімі Дархан Сатыбалды 21 наурызда Әл-Фараби даңғылында үш адамның өмірін қиған жол апатына қатысты пікір білдірді.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
