ШҚО-ның бірқатар ауданы «меншікті уақыт белдеуіне» көшті. Министрлік бұл жағдайға пікір білдірді, — деп хабарлайды ErtenMedia.
Сауда және интеграция министрі Арман Шакқалиев Үкімет отырысында өңірлерде мәслихат депутаттары жұмыс кестелерін түзету жолымен жұмыс уақытын оңтайландыру жөніндегі бастаманы қолдағанын хабарлады.
Ол бұл шаралар кәсіби және жеке өмір арасындағы тепе-теңдікті ұстауға, сондай-ақ, азаматтар үшін қолайлы жағдай жасауға бағытталғанын атап өтті.
«Бүгінгі таңда ШҚО-ның бірқатар ауданында (Қатонқарағай, Марқакөл, Үлкен Нарын, Зайсан, Тарбағатай, Самар, Күршім) жұмыс кестесі сағат 8:00-ден 17:30-ға дейін түзетіліп, тұрғындар тарапынан оң баға мен қолдау тапты. Қажет болған жағдайда осындай тәжірибені жергілікті атқарушы органдар басқа өңірлерде қолданады», — деді Арман Шаққалиев.
Айта кетейік, Марқакөл және Үлкен Нарын аудандары 24 ақпаннан бастап «өзіндік уақыт белдеуіне» ауысты.
Мұндай тәжірибені алғаш болып қаңтардың басында Катон-Қарағай ауданы енгізген болатын. Қазір 17 ауылдың тұрғындары жаңа кестеге сәйкес жұмыс істейді: жұмыс 08:00-ден 17:30-ға дейін жалғасады, түскі үзіліс 12:00-ден 13:30-ға дейін белгіленген.
2024 жылғы 1 наурыздан бастап Қазақстан бірыңғай уақыт белдеуіне көшті. Ал 7 маусымда бұл өзгерістің күшін жою туралы петиция жарияланып, қажет 50 мың қол жиналғанымен, бастама қабылданған жоқ.
