Украинадағы әскери қимылдар салдарынан екі өскемендік мерт болған. Қазақстандықтардың қарулы қақтығысқа қатысуы туралы істің егжей-тегжейін Шығыс Қазақстан облысының ҰҚКД зерттеді, — деп хабарлайды ErtenMedia.
Ресми мәліметтерге сүйенсек, ҰҚК Шығыс Қазақстан облысы бойынша департаменті Өскемен қаласының екі тұрғынына қатысты ҚК-нің 172-бабы («шетелдік қарулы қақтығыстарға қатысу») бойынша соталды тергеп-тексеруді аяқтады.
«Бұл адамдар 2024 жылы Ресей Федерациясына өтіп, онда Украина аумағындағы қарулы қақтығысқа қатысты. Олар Донецк облысында алған жарақаттарынан қайтыс болды. Олардың денелері Өскеменге жеткізілді», — деді ШҚО ҰҚКД өкілдері.
Сондай-ақ, сот-медициналық сараптаманың қорытындысына сәйкес ер адамның өліміне қатты қан жоғалту себеп болған.
Биыл Өскеменнің №2 соты осы іс бойынша қылмыстық істі тоқтатты, себебі айыпталушылар қаза тапты. Бұған сотталушылар қайтыс болған жағдайда істі тоқтату туралы ҚІЖК ережесі негіз болды.
Айта кетейік, ҚК-нің 172-бабында («шетелдік қарулы қақтығыстарға қатысу») бес жылдан тоғыз жылға дейін бас бостандығынан айыру жазасы қарастырылған.
Еске салайық, бұған дейін Украинада соғысқан жезқазғандық 4 жылға сотталды.
Сот үкімімен Г. Қазақстан Республикасы Қылмыстық кодексінің 172-бабы бойынша кінәлі деп танылып, орташа қауіпсіздік мекемесінде 4 жыл 6 ай мерзімге бас бостандығынан айыру жазасы кесілді.
