Қытайда танымал болған OpenClaw жасанды интеллект көмекшісіне қатысты күтпеген жағдай орын алды. Алдымен оны ақылы түрде орнатқан пайдаланушылар енді оны жою үшін тағы ақша төлеп жатыр, деп хабарлайды Ertenmedia.kz.
Alibaba компаниясына тиесілі Xianyu онлайн-алаңында «OpenClaw өшіру» қызметіне сұраныс күрт өскен. Шанхайда «Mojito lime water» есімді пайдаланушы бұл қызмет үшін 299 юань (43,55 АҚШ доллары) талап етіп, қазірдің өзінде 10-нан астам тапсырыс алған. Басқа қалаларда да осындай қызмет ұсынатындар көбейген.
Бұл жағдай қытайлық тұтынушылар мен ірі технологиялық компаниялардың жасанды интеллект агенттерін белсенді түрде пайдалана бастағанына қатысты қауіпсіздік сарапшыларының алаңдаушылығын тудырды.
Қытайдың Өнеркәсіп және ақпараттық технологиялар министрлігіне қарасты Ақпараттық және коммуникациялық технологиялар академиясы «Claw» агенттеріне арналған жаңа стандарттарды әзірлеу басталғанын хабарлады.
«Стандарттар жасанды интеллект агенттерінің жұмыс істеу сапасы мен сенімділігіне қойылатын талаптарды қамтиды. Әсіресе пайдаланушыға берілетін құқықтардың басқарылуы және агенттің атқаратын әрекеттерінің ашықтығына баса назар аударылады», – делінген академия хабарламасында.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
