Астанада аяз, Шымкентте жауын: Қазақстан бойынша көктайғақ пен бұрқасын күшеймек

Бүгін Қазақстанның барлық аймағында дауылды ескерту жарияланды деп хабарлайды Ertenmedia.kz.

«Қазгидрометтің» хабарлауынша, елдің батысы мен солтүстігінде тұман түсіп, кей жерлерде көктайғақ пен бұрқасын болуы мүмкін.

Орталық өңірлерде де тұман, көктайғақ, боран күтіліп отыр. Елдің шығысы, оңтүстік-шығысы мен солтүстігінде жауын-шашын болмайды.

Оңтүстік аймақта ауа райы күрт бұзылады: қар аралас жаңбыр жауып, кей жерлерде қатты соғатын желдің екпіні секундына 20 метрге дейін жетеді.

Қалалардағы жағдай мынадай:

• Астанада күндіз –6–8 °C, түнде –15–17 °C суық болады. Желдің екпіні секундына 3–8 метр.
• Алматыда күндіз +4+6 °C, түнде –2–4 °C. Желдің екпіні секундына 2–7 метр.
• Шымкентте күндіз жаңбыр жауып, ауа температурасы +11+13 °C, түнде +4+6 °C болады. Жел секундына 5–10 метр жылдамдықпен соғады.