Түркістан облысы әкімінің орынбасары Нұрбол Тұрашбеков бастаған делегация Сиань қаласындағы Бас консулдықтың қолдауы және ұйымдастыруымен Қытай Халық Республикасына жұмыс сапарымен барды, — деп хабарлайды ErtenMedia Түркістан облысы әкімінің баспасөз қызметіне сілтеме жасап. Түркістан облысы әкімі Нұралхан Көшеровтің тапсырмасымен өңірге инвестиция тарту, өнеркәсіп орындарын ашу, жаңа жұмыс орындарын құру бағытындағы жұмыстар жалғасып жатыр. Осы мақсатта облыс әкімінің орынбасары Нұрбол Тұрашбеков бастаған делегация Сиань қаласындағы Бас консулдықтың қолдауы және ұйымдастыруымен Қытай Халық Республикасына жұмыс сапарымен барды. Жұмыс сапарының алғашқы күні өңір делегациясы Шэньси провинциясының вице-губернаторы Чэнь Чуньцзянмен кездесті. Кездесу барысында тараптар Түркістан облысы мен Шэньси провинциясы арасындағы сауда-экономикалық байланыстарды дамыту және өңіраралық ынтымақтастықты одан…
Автор: editor
Мемлекеттік кірістер комитеті мәліметінше, 594 адам кірісін жалпы сомасы 53,3 миллиард теңгеге төмендеткен, — деп хабарлайды ErtenMedia. «Мемлекеттік кіріс органдары салық міндеттемелерін толық орындау мақсатында блогерлерге, жеке тұлғаларға салықтық әкімшілендіруді тұрақты түрде жүргізеді. Тексеріс нәтижесінде 594 тұлғаға 53,3 млрд. теңгеге сәйкессіздіктер белгіленді, нәтижесінде 13-14 ақпан аралығында «кірістерді төмендету» бойынша камералдық бақылау хабарламалары жіберілді», — деп жазылған хабарламада. Енді блогерлер нақтыланған салық есебін тапсырып, салық төлеуі керек немесе 30 жұмыс күні ішінде түсініктеме беруі қажет. «Хабарламаны орындау мақсатында дербес есептелген салықтарды төлей отырып, қосымша салық есебін тапсырады немесе хабарламамен келіспеген жағдайда түсіндірмені ұсынуы қажет. Хабарламаның орындалу мерзімі — 30 жұмыс күні», — деп…
ҚР Президенті Қасым-Жомарт Тоқаев 2025 жылды – Жұмысшы мамандықтар жылы деп жариялады. Осыған байланысты Қонаев әкімдігі түрлі салада қызмет етіп жүрген кейіпкерлермен оқырманды таныстыруда, — деп хабарлайды ErtenMedia. Бүгінгі Еңбек адамы – Гүлбаршын Қамбарова. Ол – 5 баланы тәрбиелеп отырған ана. Бұдан бірер уақыт бұрын үйінен тосап, салат жасап, елге сата бастаған. Кейіннен мемлекеттік грант алып, өз ісін ашқан. «Жасаған тағамдарға «Ayim» деген ортақ атау беріп, бренд еттім. Мемлекеттік грант алған соң, дүкен ашып, қолдан жасалған тосап, салаттарымды, сусындар, жеміс-жидек сата бастадым. Қазір айлық табысымыз жақсы шығып жатыр. Жұбайым да, балаларым да көмектеседі», – дейді әйел. Сонымен қатар ол мемлекеттік қолдауды барынша қолданып,…
Абай университетінің бастамасымен 2022 жылы өмірге келген «Педагогикалық сынып» жобасы бүгінде өз жемісін беріп келеді. Өйткені бұл жоба орта мектеп түлектерін кәсіби тұрғыда өзін-өзі дамытуға және үздіксіз педагогикалық білім беру жүйесіне бағытталған педагогикалық мамандық туралы түсініктері қалыптастыруына зор мүмкіндік береді. Яғни болашақ маман мектеп қабырғасында жүріп, өзін болашақ педагог ретінде қалыптастыра алады. Осы мақсатта және орта мектеп мұғалімдеріне оқу-әдістемелік құралдарды әзірлеу мен рәсімдеу бойынша әдістемелік қолдау көрсету үшін Түркістан облысы Білім басқармасының Кентау қаласы білім бөлімінің басшысы А.Ауелбековтың және Кентау қалалық білім бөлімінің әдістемелік кабинет меңгерушісі А.А.Мақұлбековамен бірлескен семинар 2025 жылдың 13 ақпанында Ю. Гагарин атындағы №16 мектеп-лицей базасында өтті.…
Миллиардер Владимир Ким мен Эдуард Огайға тиесілі «Қазақмыс» корпорациясына қарасты шахта опырылып, жеті адам қаза тапты. Компания төтенше жағдайдан кейін мәлімдеме жасады, — деп хабарлайды ErtenMedia. Компания алғашында төтенше жағдайдың алдын ала себебін жариялады. «Алдын ала мәліметтер бойынша «Қазақмыс» корпорациясының кеніштері үшін тән емес табиғи газдың жарылысы болған. Оқиғаның мән-жайы мен себептері анықталып жатыр. Қайғылы жағдайды тергеу үшін арнайы мемлекеттік комиссия құрылды. «Қазақмыс корпорациясы» ЖШС трагедияның барлық мән-жайын анықтауда толық көмек көрсетіп жатыр. «Қазақмыс» басшылығы мен ұжымы қаза тапқандардың отбасылары мен жақындарына қайғырып көңіл айтады», — деп жазылған хабарламада. Артынша марқұмдардың отбасыларына көрсетілетін көмек мөлшері аталды. «Қазақмыс ұжымдық келісімшартта көзделгендей, «Жомарт»…
Мемлекет басшысы Ұлытау облысында кеншілер қаза табуына байланысты көңіл айтты , — деп хабарлайды ErtenMedia. Президент Қасым-Жомарт Тоқаев «Қазақмыс» корпорациясының Ұлытау облысындағы кенішінде тау массасының құлауы салдарынан қаза болған жұмысшылардың туған-туыстары мен жақындарына көңіл айту жеделхатын жолдады. Мемлекет басшысы Үкіметке төтенше жағдайдың мән-жайын мұқият тексеру жөнінде міндет жүктеді. Салалық ведомстволар мен өңір әкімдігіне марқұмдардың отбасыларына барлық қажет көмек көрсету туралы тапсырма берілді. Мән-жай Айта кетейік, 2025 жылғы 17 ақпанда Ұлытау облысындағы «Жомарт» кенішінде шахтада тау-кен массасы опырылып, жеті жұмысшы үйінді астында қалды. Кабельдер үзілуіне байланысты олармен байланыс жоғалды. Апатқа байланысты құтқару жұмыстарына Ұлытау және Қарағанды облыстарының ТЖД бөлімшелері, Апаттар медицинасы орталығының…
Ұлытау облысы Жаңаарқа ауданындағы «Қазақмыс» корпорациясына тиесілі «Жомарт» кенішіндегі шахтада тау-кен массасы опырылды. Салдарынан жеті жұмысшы мерт болды, — деп хабарлайды ErtenMedia. Ресми мәліметті Төтенше жағдайлар министрлігі жариялады. «Іздестіру-құтқару жұмыстары барысында «Қазақмыс корпорациясы» ЖШС-не тиесілі кеніштен жеті қызметкердің денесі табылды. Олардың жеке басы анықталып жатыр. Қайтыс болған жеті жұмысшының денелері жоғарыға көтеріліп, сот-медициналық сараптама жүргізу үшін полиция қызметкерлеріне тапсырылды», — деп жазылған хабарламада. Мән-жай Айта кетейік, 2025 жылғы 17 ақпанда Ұлытау облысындағы «Жомарт» кенішінде шахтада тау-кен массасы опырылып, жеті жұмысшы үйінді астында қалды. Кабельдер үзілуіне байланысты олармен байланыс жоғалды. Апатқа байланысты құтқару жұмыстарына Ұлытау және Қарағанды облыстарының ТЖД бөлімшелері, Апаттар медицинасы…
Елорданың Есіл ауданында заңсыз салынған 32 дүңгіршек бұзылды, — деп хабарлайды ErtenMedia елорда әкімдігінің ресми сайтына сілтеме жасап. Заңсыз қойылған сауда нысандары тек жер заңнамасын бұзу ғана емес, сонымен қатар аудан тұрғындары үшін де бірқатар қолайсыздықтар тудырады. Мәселен, қоғамдық кеңістіктердің бірінде орналасқан көкөніс дүңгіршегі жаяу жүргіншілердің қозғалысына кедергі келтіріп, тұрғындар үшін қолайсыз жағдай тудырған болатын. Бұған қоса, мұндай нысандар қаланың сәулеттік келбетіне кері әсерін тигізеді, санитарлық талаптарға сәйкес келе бермейді және кейбір жағдайларда қауіпсіздік нормаларын өрескел бұза отырып орнатылады. 2024 жылы әкімдік мамандары тұрғындар шағымымен мониторинг жүргізу барысында мемлекет меншігіндегі жер телімдерін заңсыз иемденген 32 нысанды анықтады. Жыл соңына дейін олардың барлығы да…
Жуырда әлеуметтік желіде Шерзат Болаттың ісі бойынша күдіктілер бір камерада туған күн тойлағаны жайлы видео тарап кетті. Жәбірленуші тараптың адвокаттары күдіктілер неге бір камерада отыр деген сауалға жауап берді, — деп хабарлайды ErtenMedia. Қоғамда дау туғызған осы видеодан кейін Шерзат Болаттың отбасының адвокаттары баспасөз мәслихатын өткізді. «Заңға сәйкес бір қылмыс бойынша күдіктілер бір камерада отыра алмайды. Шерзаттың өліміне күдіктілер қалайша бір камерада отыр?»- деп сұрады журналистер адвокаттардан. Алматы қалалық адвокаттар алқасының адвокаты Ерлан Адаевтың сөзінше, бұл жайт, шынымен де, заң бұзу болып саналады. «Алматы облысының Полиция департаментіне сауал жолдадық, онда күдіктілер қайда ұсталатыны, қандай мекемелерде, қандай уақытша ұстау изоляторларында отырғаны туралы мәлімет…
16 жастағы Шерзат Болаттың өліміне қатысты іс бойынша сот қашан басталуы мүмкін екені белгілі болды, — деп хабарлайды ErtenMedia. Адвокаттың мәлімдемесі Жәбірленуші тараптың адвокаты Саида Тәукелеваның айтуынша, қорғаушы тарап іс материалдарын зерттеп үлгерген. «Үлкен көлемде болғанына қарамастан, қылмыстық іс материалдарын зерделеуді аяқтадық. Қазір екінші тарап қылмыстық іс материалдарын зерттеуге кірісті. Олар зерттеуді аяқтаған кезде тергеу органы бізге хабарлайды. Кейін сот отырысы қашан басталатыны түсінікті болады. Бірақ болжам бойынша наурызда іс сотқа берілуі мүмкін. Наурызда Шерзат Болаттың өлімі бойынша тыңдаулар басталуы мүмкін», — деді ол. Оқиға хронологиясы 2024 жылы 4 қазанда Талғарда 16 жастағы жасөспірім Шерзат Болат қаза тапты. Қылмыс жасады деген күдікпен…
