«Ержүрек есімдер» атты бейнероликтер циклы 1941-1945 жылдардағы Ұлы Отан соғысында ерлік көрсеткен 80 қазақстандық батыр туралы баяндайды. Роликтерде әрбір кейіпкердің өмір жолы мен жауынгерлік ерлігі, жеңіске қосқан үлесі көрсетіледі, – деп хабарлайды Ertenmedia.kz. Бейнероликтер топтамасы «Qazaqstan» телеарнасы мен «Қазақстан» телерадиокорпорациясына қарасты 14 аймақтық телеарналардың эфирінен 27 наурыздан бастап, 9 мамыр – Жеңіс күніне дейін көрсетіледі. Жобаның мақсаты — соғысқа қатысқан қазақстандық батырлар туралы ақпараттарды жүйелей отырып, олардың тарихи ерлігіне құрмет қалыптастыру. Бейнероликтер көрермендердің Қазақстанның жеңіске қосқан үлесі туралы білімін кеңейтуге, жастарды отансүйгіштікке тәрбиелеп, тарихқа қызығушылығын арттыруға мүмкіндік береді. «Ержүрек есімдер» жобасын жасауда республика бойынша әр өңірдің Ардагерлер кеңесі ұйымынан, батырлардың…
Автор: editor
Алматы облысының Балқаш және Іле аудандарында жаңа пәтерлердің кілтін табыстау рәсімі өтті. Қоныс иелері қатарында көпбалалы отбасылар, жетім балалар және әлеуметтік осал топтардың өкілдері бар, — деп жазады Ertenmedia.kz. Балқаш ауданының Бақанас ауылында 24 пәтерден тұратын 6 тұрғын үй салынды. Бұл жоба мемлекеттік тұрғын үй бағдарламасы аясында жүзеге асырылып, оның құрылысына 638,4 млн теңге бөлінді. Кілт табыстау рәсіміне жергілікті атқарушы орган өкілдері, құрылыс компанияларының басшылары және жаңа пәтер иелері қатысты. Жаңа қоныс иелері мемлекет тарапынан көрсетілген қолдауға ризашылықтарын білдіріп, баспаналы болу – үлкен қуаныш екенін атап өтті. Осы күні Іле ауданының Өтеген батыр ауылында да жаңа пәтерлердің кілттері табысталды. «2023–2029 жылдарға арналған…
Әл-Фараби атындағы Қазақ ұлттық университеті Алматы қаласының әкімдігімен бірлесіп ұйымдастырған «Ғылым, бизнес және өндіріс ықпалдастығы» атты форумда суперкомпьютер кластері айрықша назар аудартты, — деп жазады Ertenmedia.kz. 2019 жылы 11 қыркүйекте Мемлекет басшысы Қасым-Жомарт Кемелұлы Тоқаевтың Қытай Халық Республикасына мемлекеттік сапары аясында Қазақстанға суперкомпьютер әкелу туралы үкіметаралық келісім жасалды. 2024 жылы 3 шілдеде ҚХР Төрағасы Си Цзиньпиннің Қазақстанға сапары кезінде Мемлекет басшысы шағын құрамда келіссөздер жүргізіп, бірқатар маңызды құжаттарға қол қойылды. Сол кездесудің нәтижесінде «Qingdao Aucma Import & Export Co» компаниясы ҚазҰУ-ға суперкомпьютер жеткізетін болып шешілді. Көп ұзамай Орталық Азиядағы қуаты ең жоғары суперкомпьютер оқу орнында орнатылды. Оқу орнының Басқарма Төрағасы-Ректоры Жансейіт Түймебаевтың…
Қонаев қаласының әкімі Асхат Бердіхановтың халықпен тұрақты кездесулері жалғасуда. Кезекті басқосуда тұрғын Кенжеболат Балтабаев ұсқыны қашқан базарларды жаңарту қажеттілігін айтып, шағымданды, — деп жазады Ertenmedia.kz. «1-ші шағынауданда орналасқан базардың іші толған контейнерлер, ұсқынсыз, реттілік жоқ. Одан бөлек, базардың ішінен үнемі сасық иіс шығып тұрады. Қоқыс уақытылы тазаланбайды. Азық-түлік, ет-сүт өнімдері ашық-шашық сатылып жатыр. Жаңбыр жауған күндері базарды аралай алмайсың, аяқ басар жер болмайды. Дәл осы нысан көненің көзі, ескіліктің жаңғырығы болып тұр. «Жетісу» және «Айша сити» базарларында да өзгертетін дүние жетерлік», – деді ол. Бұл түйткілге қатысты қала әкімі жауап берді. «1-ші шағынаудандағы базардың 10-нан астам иесі бар. Бұған дейін оларға абаттандыру…
1 мамырдан бастап Қазақстан кинотеатрларында «Игроманка» фильмі көрерменге жол тартады, — деп жазады Ertenmedia.kz. Фильмде Жұлдыз есімді орта жастағы қазақ әйелінің құмар ойынға тәуелділігі оны өзіндік болмысынан айырады. Мансабын, отбасын, жеке басын тәуекелге тігіп, бәрінен айырылады. Бірақ ол жаңа өмір бастау үшін күш таба ала ма, әлде тәуелділіктің тұзағына қайта түсіп қалады ма? Режиссер: Алдияр Байракимов («Паралимпиадашы») Басты рөлде: Гүзель Жан Фильм шынайы оқиға негізінде түсірілген және елімізде кең тараған ойынқұмарлық мәселесін көтереді. Түсірілім Астана мен Бурабайда өтті. Премьераны өткізіп алма!
Түркістан қаласындағы «Достық үйінде» украиналық «UBC» компаниясының серіктестері және инвесторларымен бизнес-форум өтті. Халықаралық форумға Украина, Түркия, Грузия, Қытай, Әзербайжан, Өзбекстан және еліміздің ірі компания иелері мен өкілдері қатысты,— деп жазады Ertenmedia.kz. Форумда, алдымен Түркістан облысының инвестициялық-экономикалық әлеуеті туралы презентация жасалды. Түркістан облысының әкімі Нұралхан Көшеров аймақтың инвестициялық әлеуетіне тоқталып, жиынға қатысушыларды бірлесе жұмыс істеуге шақырды. Тоңазытқыштар өндірісі жобасының сәтті жүзеге асатынына сенім білдірді. – Сіздерді түркі тілдес халықтардың жүрегі саналатын Түркістан қаласында қарсы алғаныма қуаныштымын! Бүгінгі іс-шара – идеялар алмасатын және жеткен жетістіктер туралы ой бөлісетін тамаша алаң. Мемлекет басшысының тікелей тапсырмасымен өңірге инвестиция тарту жұмыстары қарқын алып, кәсіпорындар ашылуда. Түркістан…
Жетінші рет президент атанған Александр Лукашенко посткеңестік кеңістіктің өз тізгінін ешкімге бергісі келмейтін бірегей басшысы. Беларусь елінің қазіргі тарихы бір адамның атымен тығыз байланысты. Күні кеше ғана өткен ұлықтау рәсімі авторитарлық жүйенің тұрақтылығын көрсеткен символ болды. Бірақ бұл тұрақтылықтың құны қандай? Александр Григорьевич өзінің саяси капиталының негізін кеңестік шаруашылық жүйесін сақтап қалумен байланыстырып, қоғамға бір қарағанда «әділ әрі халықшыл басшы» бейнесін ұсынып келеді. Иә, Лукашенко нарықтық реформаға бет бұрмады, совхоздар мен колхоздарды таратып жібермеді, өндірістік кооперативтерді жекешлендірмеді. Кеңестік құрылымдар мен басқару формаларын сақтап, оны халықтың әлеуметтік әл-ауқатын сақтау құралына айналдырғандай болды. Бірақ бұл жүйе шынымен де халықтың игілігі үшін жұмыс…
Иманғали Тасмағамбетовтың жуырдағы қазақ тіліндегі мәлімдемесін тыңдағанымда оның ақын-жазушылардың конференциясында баяндама жасап тұрғандай әсер етті. Бұл – кездейсоқ құбылыс емес, елдегі саяси элитаның тіл мен стиль таңдауындағы стратегиялық қателігінің бір көрінісі. Қазақ тілінде сөйлеген сайын тілді көркемдеуге ұмтылу – кейде өз ішіміздегі колониялық комплекс пен өзін дәлелдеуге ұмтылыстың нәтижесіма деп қаласың. Қазір саясаткерлердің қазақша сөйлегенде міндетті түрде ауыз әдебиетімен көмкеріп, көнерген сөздерді қолданып, шешендік өнердің дәстүрлі форматына бас ұру «мен шын қазақпын» деген ішкі психологиялық декларацияға айналып бара жатқандай. Алайда мұндай тәсіл бүгінгі ақпараттық ғасырда, TikTok пен қысқа хабарламалар заманында, халықпен шынайы байланыс орнату жолындағы тиімді құрал емес. Иманғали Тасмағамбетов…
2025 жылы Шығыс Қазақстан облысында құқық қорғау органдары тұрмыстық қылмыстардың, интернеттегі құқық бұзушылықтардың және қоғамдық тәртіп бұзушылықтардың алдын алу бойынша белсенді жұмысын жалғастыруда, сондай-ақ қоғамда «Заң және тәртіп» қағидасын нығайтуға баса назар аударуда, – деп хабарлайды Ertenmedia.kz ШҚО әкімінің баспасөз қызметіне сілтеме жасап. Азаматтарды, ең алдымен кәмелетке толмағандарды және әйелдерді қорғауға, сондай-ақ қоғамдық қауіпсіздікке қауіп төндіретін құқық бұзушылықтардың алдын алуға ерекше көңіл бөлінуде. Шығыс Қазақстан облысында тұрмыстық саладағы қылмыстардың жартысынан астамы алкогольдік масаң күйде жасалады. 2025 жылы полицияның өтініші бойынша өңір соттары ҚР ӘҚБтК-нің 54-бабы аясында 266 құқық бұзушыға алкогольдік ішімдіктерді тұтынуға тыйым салды. Бұл шара өткен жылы да қолданылып,…
Әлеуметтік желіде экс-министр Қуандық Бишімбаевтың әкесі Уәлихан Бишімбаев жеке жоғары оқу орнын ашатыны туралы ақпарат тарады. Бұл жайтқа Ғылым және жоғары білім министрлігінің қоғаммен байланыс департаментінің директоры, баспасөз хатшысы Олжас Беркінбаев жауап берді, — деп жазады Ertenmedia.kz. Желіде тараған ақпаратта Уәлихан Бишімбаев Таразда «Bishimbayev University» атауымен жеке жоғары оқу орнын ашатыны айтылады. «Университет талапкерлерді қабылдауды жаңа оқу жылынан бастайды және азаматтық, қылмыстық, халықаралық, корпоративтік, қаржылық және салық құқығы, зияткерлік меншік және төрелік сияқты заң пәндеріне мамандандырылады. Желіде жарияланған мәліметтерге сәйкес, университет ректоры Уәлихан Бишімбаевтың өзі болады», — деп жазылған ақпаратта. Ғылым және жоғары білім министрлігінің қоғаммен байланыс департаментінің директоры, баспасөз хатшысы Олжас Беркінбаевтың айтуынша, заң бойынша бұл бағытта заңды тұлғаларға лицензия және (немесе) лицензияға қосымша беру ғылым және жоғары білім саласындағы уәкілетті органның құзыретіне жатады. «Жоғары және жоғары оқу орнынан кейінгі білім беру…
