«SAQTAN» әлеуметтік жобасы аясында соңғы бір ай ішінде Алматы облысында 500-ден астам есірткі жарнамасы – заңсыз граффити, QR-код және Telegram сілтемелері жойылды. Бұл жұмыстарға жастардың өздері – еріктілер, студенттер және жастар ресурстық орталықтарының белсенділері тікелей атсалысуда,- деп хабарлайды Ertenmedia. «Көп адам бұл жазуларды жай граффити деп қабылдайды. Ал шын мәнінде, олар – жастарды Telegram арқылы есірткіге тартатын арналардың сілтемесі. Біз соңғы бір айда облыс аумағынан 500-ден астам осындай жарнаманы өшірдік. Оның ішінде мектеп маңында орналасқандары да болды», – дейді жобаның үйлестірушісі Әділет Айтқазы. Ұйымдастырушылардың айтуынша, бүгінде «SAQTAN» жобасы аясында жастармен тікелей жұмыс істейтін 50-ге жуық ерікті мен маман тартылған. Олар күн…
Автор: editor
Қонаев қаласындағы №6 жағажайда 40 бизнес орны жалға берілген. Сенімгерлік басқарушы компания мен кәсіпкерлер арасында келісімшарт жасалып, олардың міндеттемелері айқындалған. Алайда, тұрғындар мен қала қонақтары тарапынан күтіп ұстау мен санитарлық жағдайға байланысты көптеген сұрақтар туындауда. Осыған байланысты қала әкімдігі мәлімдеме жасады,- деп хабарлайды Ertenmedia. Келісімшарттың 3-тармағында тараптардың құқықтары мен міндеттері жазылған. Оның ішінде күтіп ұстау бойынша жалға алушының міндеттері: * Жағажайды абаттандыру мен санитарлық қауіпсіздікті қамтамасыз ету, келісімшартқа сәйкес шаруашылық қызметін жүргізу; * Күн сайын аумақты тазалау – киім ауыстыратын орындар, дәретханалар, жасыл аймақтар; * Жалға алынған аумақты жарықтандыру; * Қоқыс жәшіктерін су жиегінен кемінде 20 метр қашықтықта, әр 60 м²…
Алматыда тағы бір көпқабатты тұрғын үй кешенінің құрылысына қатысты дау шықты. Мәжіліс депутаты Сергей Пономарёв RAMS компаниясының Сейфуллин мен Тимирязев көшелерінің қиылысында тұрғызғалы жатқан 40 қабатты кешенін «қаланың тынысын тарылтатын жоба» деп атады, деп хабарлайды Ertenmedia.kz. Депутаттың айтуынша, жобада бір ғана 40 қабатты зәулім мұнара емес, онымен бірге тағы бес 10 қабатты ғимарат салу жоспарланған. Оның пікірінше, дәл осы ауданда бұдан бұрын да көлік кептелісі, әлеуметтік инфрақұрылым тапшылығы сынды өткір мәселелер шешілмеген күйі қалып отыр. «Иә, тұрғын үй бұл салық, шаршы метрлер мен жұмыс орындары. Бірақ осының бәрі дәл осы ауданда керек пе? Бұл жер онсыз да инфрақұрылымдық коллапстың алдында…
Алакөл жағалауындағы демалыс орындарына жаңа «Ақши» қосалқы станциясынан электр жарығы беріле бастады,- деп хабарлайды Ertenmedia. Жағалауды электрмен үздіксіз жабдықтау үшін Бескөлден Ақшиге дейін жоғары вольтты электр беру желілері салынып, жаңа «Ақши» қосалқы станциясының құрылысы жүргізілген болатын. Демалыс орындары заман талабына сай қажетті құрал-жабдықтарды тұрақты пайдаланғандықтан, ескі желі электр қуатының ауқымды жүктемесін көтере алмай жиі сөнетін және электр қуатына деген тапшылық байқалған. Осы мәселені шешу үшін Бескөлден Ақшиге дейін 56 шақырым 110 КВт электр желісі тартылып, қосалқы станция салынды. Жоба жоспар бойынша келесі жылы аяқталуы керек болатын, бірақ мердігер компания жұмысты қарқынды жүргізіп, биылғы демалыс кезеңіне дейін 4-6 маусымнан бастап демалыс…
Бүгін, 3 шілдеден бастап, Батыс Қазақстан облысы аумағында киік санын реттеу жұмыстары ресми түрде басталды. Бұл жұмыстар 30 қарашаға дейін жалғасады,- деп хабарлайды Ertenmedia. Киік популяциясын реттеу — табиғи тепе-теңдікті сақтау, жайылым жерлерге зиян келтірмеу және ауыл шаруашылығы алқаптарын қорғау мақсатында ұйымдастырылып отыр. Аталған жұмыстарға 40-қа жуық маман тартылып, 4 арнайы бригада жасақталды. Әр бригада 3 техникамен қамтамасыз етілген, жалпы саны 12 техника жұмылдырылған. 2025 жылы жүргізілген авиациялық есеп нәтижесінде Батыс Қазақстан облысы аумағында киіктердің жалпы саны 2,3 млн басқа жеткені анықталды. Ғалымдар әзірлеген биологиялық негіздемеге сәйкес, популяцияға залал келтірмей, оның тек 20 пайызына, яғни 460 мыңға дейін ғана реттеу…
Мәжіліс депутаттары Мұрат Әбенов пен Бақытжан Базарбек елдегі фармацевтика саласында миллиардтаған қаржының заңсыз айналымға түскенін айтып, Бас прокурор Берік Асыловқа ресми сауал жолдады. Олар саладағы сыбайлас жемқорлық пен көлеңкелі схемаларды түп-тамырымен тексеруді талап етуде, деп хабарлайды Ertenmedia.kz. Депутаттар өз хатында Жоғары аудиторлық палатаның (ЖАП) тексеру қорытындысына сүйене отырып, «СК-Фармация» ЖШС мен Денсаулық сақтау министрлігіне қарасты мекемелердің әрекетінен мемлекетке миллиардтаған шығын келгенін мәлімдеді. Ақпаратқа сәйкес, «СК-Фармация» дәрі-дәрмек пен медициналық бұйымдарды нарық бағасынан бірнеше есе қымбатқа сатып алған. Кей препарат нарықтық құнынан 40 пайыздан 365 пайызға дейін жоғары бағамен алынған. Мәселен, құны мың теңге болатын тауарлар он, тіпті жүз миллиондаған теңгеге сатып…
Алматы қаласының Әуезов ауданында жол-көлік инфрақұрылымын жаңғырту және қауіпсіздік деңгейін арттыру бойынша жүйелі жұмыс жалғасып жатыр. Бұл шаралар тұрғындардың өмір сүру сапасын жақсартуға, көлік қолжетімділігін арттыруға және көшелердегі тәртіпті қамтамасыз етуге бағытталған. Бұл туралы Алматы өңірлік коммуникациялар қызметінің баспасөз конференциясында аудан әкімі Абзал Егембердиев мәлімдеді. Биыл 20 мың шаршы метр жол ағымдағы жөндеуден өткізіліп, 10 мың шаршы метр техникалық тротуар төселді, сондай-ақ 5 шақырым арық желісі салынды. Қоғамдық көлік сапасын арттыруға да ерекше көңіл бөлінуде. 2024 жылы автобус паркі айтарлықтай жаңартылып, көлік саны 1 325-тен 1 563-ке дейін көбейді. Бұл 8 жаңа маршрут ашуға, 13 қолданыстағы бағытты жаңартып, күшейтуге мүмкіндік…
5–6 шілде күндері Капшағай су қоймасында OCEANMAN-2025 халықаралық жүзу жарысы бастау алады. Бұл – Орталық Азия аумағындағы ең ірі ашық суда өтетін жарыс. Жарысқа 18 елден 2 050 спортшы қатысады. Олардың қатарында Үндістан, Франция, Италия, Ұлыбритания, БАӘ және Малайзия елдерінің өкілдері бар,- деп хабарлайды Ertenmedia Жарыс бес түрлі қашықтық бойынша өтеді — балалар санатынан бастап ересектерге дейін: • OCEANMAN (10 км) — 300 қатысушы • HALF OCEANMAN (5 км) — 400 қатысушы • SPRINT (2 км) — 800 қатысушы • OCEANKIDS (500 м) — 500 бала • OCEANTEAM (эстафета 3×500 м) — 90 адам Биыл ерекше назар INSPIRATION санатына аударылды.…
Биыл Ілияс Жансүгіров атындағы Жетісу университетінің түлектері үшін диплом табыстау рәсімі ерекше әрі әсерлі форматта ұйымдастырылды. Екі күн қатарынан Бикен Римова атындағы Талдықорған драма театрының кең залы қуаныш пен шаттыққа толы болды. Салтанатты шараға келген ата-аналар, туған-туыстар мен достар түлектердің қуанышын бөлісті,- деп хабарлайды Ertenmedia. Университетті биыл 1044 түлек аяқтап, үлкен өмірге жолдама алды. Олардың қатарында 113-і үздік диплом иегері атанса, 360 білім алушы магистр академиялық дәрежесін иеленді. Мерекелік шараға Мемлекеттік қызмет істері агенттігінің Жетісу облысы бойынша департаментінің басшысы Манап Қобылан, Жетісу облыстық мәслихатының төрағасы Гүлнар Тойлыбаева, Талдықорған қаласы әкімінің орынбасары Жеңіс Андабеков, Жетісу облысының Әдеп жөніндегі уәкілі Ғабит Тұрсынбай, облыстық…
Төменде ұсынылып отырған мақала ойда жүрген депутаттық сауалдың тезистері негізінде жазылды. Әдетте әлеуметтің мүддесін күйттеген депсауал мемлекеттік органдарға бағытталады, ал бұл мақалаға арқау болған мәселелер керісінше, салауатты қоғамның түйсігі мен талқысына арналады. Басқа елдердегі сияқты, Қазақстанның ақпарат алаңында дүркін-дүркін айтылып жүрген, өзегі жалғандыққа жалғасқан заманауи мифтер баршылық. Көбісі – қазіргі реформалардың мән-маңызына, экономикалық саясат пен билік құрылымына қатысты ойдан шығарылған немесе қарсылық тудыруға арналған қауесет. Жаңсақтығы тайға таңба басқандай білініп тұрса да, саяси сауаты кемшін жұрт арасына тез тарайды. Өкінішке қарай, мұндай аңыздар ақиқатты бұрмалап қана қоймай, елде қадам-қадам жүріп жатқан оң өзгерістерге деген күдік-күмәнді қалыңдатып, халық сенімін күйретуге жетелейді.…
