Ресей президенті Владимир Путин мен АҚШ президенті Дональд Трамп ақпанның соңына дейін немесе одан кейін кездесуі ықтимал. Бұл туралы Ресей президентінің баспасөз хатшысы Дмитрий Песков айтты. Ақпарат ресейлік БАҚ-та тарады, – деп хабарлайды ErtenMedia.
Песковтың айтуынша, мұндай кездесуді ұйымдастыру үшін Ресей Сыртқы істер министрлігі тарапынан белгілі бір дайындық қажет.
Сонымен қатар, ол Ресей президенті Украина бойынша келіссөздерге қатысты өз өкілін тек АҚШ келіссөз жүргізушісін анықтағаннан кейін тағайындайтынын мәлімдеді.
«Алдымен америкалық тарап Украина мәселесі бойынша басты келіссөз жүргізуші кім болатынын жариялайды. Осыдан кейін біздің президент өз өкілін анықтайды», – деді Песков.
Бұған дейін БАҚ-та Ресей, АҚШ өкілдерінің Сауд Арабиясының астанасы Эр-Риядта кездесетіні туралы ақпарат тараған еді. 2025 жылғы 18 ақпанда Сауд Арабиясының астанасында Ресей мен АҚШ делегацияларының келіссөздері басталды. Осыдан кейін Дональд Трамп аталған келіссөздерге қатысты өз пікірін білдірді.
Жуырда Қазақстан Президенті Қасым-Жомарт Тоқаев та Украинадағы ахуалға қатысты пікір білдіріп, еліміздің ең басты құндылығы тұрақтылық пен бейбітшілік екенін атап өтті.
