Желтоқсан айының басында Қазақстан Қарулы күштерінің барлық бөлімі жауынгерлік дайындықтың ең жоғары деңгейіне көшеді, деп хабарлайды Ertenmedia.
Қорғаныс министрлігінің хабарлауынша, осы кезеңде елдің көшелері мен тас жолдарында әскери техникалар, бронды тасымалдаушылар, жүк көліктері және армияның басқа да арнайы машиналары пайда болады.
Іс-шара жаңа оқу жылының басталуына орай, бір мезетте берілетін бірыңғай белгі бойынша іске асырылады. Әскери бөлімдер жоспарлы түрде полигондар мен оқу орталықтарына аттанады.
«Өңірлердегі кейбір автокөлік жолында қозғалыс уақытша шектелуі мүмкін. Азаматтар мен БАҚ өкілдерінен тек ресми ақпарат көзіне сеніп, расталмаған мәліметті таратпауды сұраймыз», – деп атап өтті министрлік.
Әскердің белсенділігі артқанына қарамастан, шара толықтай жоспарлы сипатқа ие. Кейбір бөлімдер оқу орындарына әуе, теміржол және автокөлік жолдары арқылы жеткізіледі.
Айта кетелік, маусымның басында салаға жетекшілік еткен Руслан Жақсылықов қызметінен кетіп, оның орнына Дәурен Қосанов тағайындалған болатын. Жақсылықовтың армияны реформалай алмағаны, әскери қызметтің тартымдылығын арттыру үшін жеткілікті әрекет етпегені жиі айтылған болатын.
Ресейдің Қорғаныс министрі Андрей Белоусовпен кездесу кезінде Жақсылықов «Ресей мен Қазақстан бауырластар әрі қаруластар» деген мәлімдеме жасап, ағаттық жіберген. Ақорда дәлізінен тараған әңгімеге сенсек, су жаңа министр армияны дамытудың тың стратегиясын жасауы тиіс. Толығырақ осы тұста.
Тұшымды контентті Ertenmedia-ның телеграм арнасынан оқыңыз.
Қосановтың қара көзілдірігі: Аналарды алаңға шығарған армия ақиқаты
