21 мамыр, бейсенбі күні Қазақстанның бірқатар өңірінде жаңбыр жауып, найзағай ойнайды, деп жазады Ertenmedia.kz.
Синоптиктердің мәліметінше, жауын-шашын Астана, Алматы, Шымкент, Ақтөбе, Қарағанды, Павлодар, Семей және Тараз қалаларында күтіледі. Кей өңірде жел күшейіп, екпіні секундына 15–20 метрге дейін жетуі мүмкін.
Астанада күн бұлтты, жаңбыр жауып, найзағай ойнайды. Жел 9–14 м/с, екпіні 15–20 м/с болады. Түнде +10…+12 градус, күндіз +13…+15 градус күтіледі.
Алматыда да жаңбыр мен найзағай болжанып отыр. Жел 3–8 м/с, екпіні 15–18 м/с дейін жетуі мүмкін. Түнде +10…+12 градус, күндіз +25…+27 градус жылы болады.
Шымкентте күн бұлтты, жаңбыр жауып, найзағай ойнайды. Жел екпіні 15–18 м/с дейін күшейеді. Түнде +15…+17, күндіз +27…+29 градус күтіледі.
Ақтауда жауын-шашын болмайды. Түнде +16…+18, күндіз +23…+25 градус жылы. Атырауда да күн ашыққа жақын, жауын-шашынсыз. Мұнда күндіз ауа температурасы +32…+34 градусқа дейін көтеріледі.
Ақтөбеде жаңбыр жауып, найзағай ойнайды. Түнде +15…+17, күндіз +21…+23 градус болады. Оралда жауын-шашынсыз, бірақ жел екпіні 15–20 м/с жетуі мүмкін. Күндіз +28…+30 градус жылы.
Қарағандыда күн бұлтты, жаңбыр және найзағай күтіледі. Түнде +8…+10, күндіз +15…+17 градус. Жезқазғанда жауын-шашын болмайды, күндіз +26…+28 градусқа дейін жылынады.
Көкшетау мен Қостанайда жауын-шашынсыз ауа райы сақталады. Екі қалада да жел екпіні 15–20 м/с болуы мүмкін. Петропавлда да жауын-шашын күтілмейді, бірақ жел 15–20 м/с жылдамдықпен соғады. Күндіз +12…+14 градус болады.
Павлодарда жаңбыр жауып, найзағай ойнайды. Жел екпіні 15–20 м/с жетеді. Семейде де күн бұлтты, жаңбыр мен найзағай болжанады. Өскеменде жауын-шашынсыз, күндіз +23…+25 градус жылы.
Қызылордада жауын-шашын болмайды, күндіз +27…+29 градус. Таразда жаңбыр жауып, найзағай ойнайды, жел екпіні 15–20 м/с дейін күшеюі мүмкін. Түркістанда жауын-шашынсыз, күндіз +29…+31 градусқа дейін ыстық болады.
Синоптиктер жаңбыр мен жел күшейетін өңірлерде тұрғындарға сақ болуға кеңес береді. Әсіресе жолға шыққанда, ашық далада жұмыс істегенде және балаларды сыртқа шығарғанда ауа райы болжамын ескерген жөн.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
