Кітап шығару саласындағы соңғы тенденциялар мен оқырман сұранысын ескере отырып, adebiportal.kz отандық әдеби порталы авторлардың аудиокітап форматындағы жаңа шығармаларымен толығуда, – деп хабарлайды Ertenmedia.kz. Порталдың жаңалығы – Қасым-Жомарт Тоқаевтың «Әке туралы ой-толғау» аудиокітабы. Кітап қазақ әдебиетіндегі детектив жанрының негізін қалаушы Кемел Тоқаевтың өмір жолына арналған. Автор әкесінің өмірі мен шығармашылығы туралы жеке естеліктерімен бөлісіп, Кемел Тоқаевтың қиындыққа толы балалық шағы, оның майдандағы жастық кезі мен соғыстан кейінгі шығармашылық жолы туралы әңгімелейді. Автор анасы – Тұрар Шабарбаеваға арнайы бөлім арнаған. Анасы жазушының өмірлік адал серігі, отбасының ұйытқысы болғанын айтады. Өзінің ата-анасына және жақындарына деген сүйіспеншілік сезімін терең жеткізеді. Президенттің отбасы құндылықтары,…
Автор: editor
Мемлекет басшысы Қасым-Жомарт Тоқаевтың төрағалығымен 2025 жылғы 28 қаңтарда Қазақстан Республикасы Үкіметінің кеңейтілген отырысы өтеді, — деп хабарлайды ErtenMedia. Бұл туралы Ақорданың баспасөз қызметі мәлімдеді. Отырыс барысында еліміздің былтырғы әлеуметтік-экономикалық дамуының қорытындылары шығарылып, Үкіметтің алдағы кезеңге арналған негізгі міндеттері айқындалады. Сонымен қатар Премьер-Министр Олжас Бектенов, Ұлттық банк төрағасы Тимур Сүлейменов және бірқатар өңірдің әкімдері баяндама жасайды.
Мәжіліс депутаты Айдарбек Қожаназаров картоп қымбаттағанын сынға алды, — деп хабарлайды ErtenMedia. Депутаттың айтуынша, шаруалардың мәселесіне келгенде Үкімет түрлі сылтау айтып, көп сұрақты жауапсыз қалдырады. «Сол үшін де қазір елде картоп қымбаттап, онсыз да ет жеуден қалған халықтың қалтасын одан сайын қағып жатыр. Осы жерде қандай тақырып көтерсек те, ол жеке бастың мәселесі емес. Бір сұрақтың артында жүз мыңдаған отандасымыз бар екенін есіңізге салып өткім келеді», — деді ол. Қожаназаров былтыр жыл аяғында Президент шаруалардың қолданатын техникаларын жаңарту керек деп нақты тапсырма бергенін, алайда 2 апта өткен соң шаруалар мемлекеттік кірістер комитетінен 2021-2024 жылдар аралығында салық төлеу ісі бойынша заңбұзушылықтар бар деген…
Мәжіліс депутаты Еділ Жаңбыршин елде ЛГБТ-ны насихаттауға тыйым салуды ұсынып, сауалын премьер-министрге және Ұлттық қауіпсіздік комитетінің төрағасына жолдады, — деп хабарлайды ErtenMedia. «Кеше ғана әлемдік саясатта елеулі орын алып, бүкіл халықаралық қауымдастықты өзіне қаратқан АҚШ президентінің ресми ұлықтау рәсімі өтті. Осы күнге дейін әлемнің көптеген елінде адам құқығын қорғау, либералдық көзқарасты қалыптастыру мен азаматтық қоғам орнатуды көздеген құрама штаттарда 47-президент Дональд Трамп бұдан былай екі жынысты бекітті. Яғни АҚШ-та ер мен әйел жынысы заңмен шегеленді» — деді ол. Жаңбыршиннің айтуынша, «бұл — ЛГБТ-ға, яғни табиғи жаратылысқа қарсы жынойнақ топтарға Қазақстан түгілі, енді АҚШ-та заңмен тыйым салынады деген сөз». «Бұл жаңалық Батысты өздеріне…
Алматы облысының полициясы Шерзат Болаттың өліміне қатысты іс бойынша мәлімдеме жасады, — деп хабарлайды ErtenMedia.kz. «Былтыр 4 қазанға қараған түні кәмелетке толмаған баланы өлтіру дерегі бойынша қылмыстық істі тергеу аяқталды. Қазір тараптарды соталды тергеу материалдарымен таныстыру процесі жүріп жатыр. Танысқаннан кейін қылмыстық іс оның заңдылығын тексеру және сотқа жіберу туралы шешім қабылдау үшін прокурорға жолданады», — деп жазылған хабарламада. Бұған дейін марқұмның отбасының адвокаттары ресми түрде мәлімдеме жасап, соталды тергеу аяқталғанын мәлімдеді. Еске салайық, бұған дейін Талғарда жаппай төбелес болып, салдарынан 16 жастағы жасөспірім Шерзат Болат көз жұмды. Кәмелетке толмаған баланы өлтіру фактісі бойынша Алматы облысының полиция департаменті қылмыстық іс қозғады. Қазіргі таңда…
Бас прокуратураның арнайы прокурорлары «Семей орманы» өртіне қатысты барлық қылмыстық істің соңғы нүктесін қойды, — деп хабарлайды ErtenMedia. Қазақстан Республикасының Бас прокуратурасы «Семей орманы» МОТР» РММ (бұдан әрі – Резерват) өрттің сөндіруін қамтамасыз етпеген уәкілетті мемлекеттік органдардың лауазымды тұлғаларына қатысты сотқа дейінгі тергеп-тексеруді аяқтады. Осылайша, Резерваттың Бас директорының міндетін атқарушы мен Новошулбинск филиалының директорына қатысты қылмыстық іс сотқа жіберіліп, оның шешімімен фигуранттар 2024 жылғы мамырда абайсызда екі немесе одан да көп адамның өліміне әкеп соққан өрт қауіпсіздігі талаптарын бұзғаны үшін кінәлі деп танылып (ҚК-нің 292-бабы 3-бөлігі), әрқайсысына 7 жылға бас бостандығынан айыру жазасы тағайындалды. 2024 жылғы тамызда Абай облыстық апелляциялық соты үкімді…
Кейінгі кезде Қазақстанда картоп қымбаттап кетті. Бұған Сауда және интеграция министрлігі не дейді? Министрлік мәліметіне сүйенсек, жыл басынан бері әлеуметтік маңызы бар өнім саналатын картопқа қатысты 49 заңбұзушылық анықталған. Анықталған барлық дерек бойынша тиісті әкімшілік шаралар қабылданатыны айтылды, — деп хабарлайды ErtenMedia. Министрлік не дейді? «Сауда министрлігінің ірі сауда желілерімен өткізген кездесулерінің нәтижесінде бүгінде Астанадағы картоптың орташа бағасы 280-185 теңгеге дейін төмендеді. Сауда комитетінің мониторингі бойынша бүгінде Қазақстан бойынша картоптың орташа бағасы — 322 теңге. Елдің барлық аймағында картоптың көлемі жеткілікті және нарықтағы бағадан төмен сатылып жатыр», — деп жазылған хабарламада. Айта кетейік, 2024 жылғы желтоқсаннан 2025 жылғы 19 қаңтарға дейін…
Жуырда әлем көз тіккен Хамас пен Израиль келісімге келді. Саяси сарапшылар мұның астарында Трамптың билікке келуі жатыр дейді. Осы тұста ErtenMedia шығыстанушы, саяси сарапшы Жанат Момынқұловтың пікірін сұрады. Cарапшы геосаяси ахуалдағы бұл өзгерістің бір себебін, расында да, Трамппен байланыстырды. Дегенмен себеп тек Трамп емес болып шықты. «Хамас пен Израиль арасында 15 айға созылған текетірес атысты тоқтату туралы келісіммен аяқталып отыр. Мұндай келісімге қысқа уақытта қол қойылуы Трамптың тікелей әсері деп айтуға болады. Бірақ тек Трамп емес, бұл — Байденнің соңғы қойып кеткен нүктесі. Оның да қауіпсіздік жүйесіндегі дипломаттары, кеңесшілері ретінде Салливан секілді кісілер жұмыс істеді. Одан кейін Трамптың өкілдері жұмыс…
«Higgsfield AI» қазақстандық инженерлер жасаған жасанды интеллект саласындағы компаниялардың бірі, деп хабарлайды Ertenmedia.kz Компанияның мақсаты озық технологияларды әзірлеп, Қазақстанның жаһандық экономикадағы позицияларын нығайту. – Біздің командамызда 22 AI-инженер жұмыс істейді. Олар Қазақстандағы жоғары оқу орындарының түлектері. Арасында 6 халықаралық физика және математика олимпиадаларының жеңімпаздары бар. Әдетте, осындай мамандар шетелге кетіп қалады, бірақ қазір олар еліміздің игілігі үшін еңбек етіп жатыр. Ауыз толтырып айтар жетістіктеріміз де көп. Біздің нейрожелілер 512 GPU NVIDIA бар суперкомпьютерде 9 петабайт көлеміндегі деректер жиынтығында оқытылды. 9 ай ішінде біз екі өнімді іске қостық. Олар халықаралық деңгейде мойындалды. Бұл жетістіктер бізге Google нұсқасы бойынша әлемдегі үздік 25…
Кеше АҚШ президенті Дональд Трамп қызметіне кірісті. Ал теңге Трамптың ұлықтау рәсімінен кейін 21 қаңтардағы сауда-саттықта нығайды, — деп хабарлайды ErtenMedia. KASE Қазақстан қор биржасындағы күндізгі сауда-саттық қорытындысы бойынша доллардың орташа бағамы 527,58 теңге болып, 2,36 теңгеге төмендеді. Айта кетейік, Ұлттық банктің 21 қаңтардағы ресми бағамы бір доллар үшін 529,99 теңге болды. kurs.kz деректеріне сүйенсек, Алматының айырбас пункттерінде долларды сатып алудың орташа бағамы — 525,40 теңге, ал сатылымда 528,82 теңгеден. Астананың айырбас пункттерінде америкалық валютаны орта есеппен 524,40 теңгеден сатып алып, 529,65 теңгеден сатып жатыр. Ал Ресейде доллар бағамы 27 желтоқсаннан бері алғаш рет 100 рубльден төмен түсті. Астана уақыты бойынша…
