Автор: Асылхан Бөрібай

Премьер-министр Украина төңірегіндегі жағдайға байланысты Мемлекет басшысының тапсырмаларын орындау бойынша шұғыл жиын өткізді, — деп хабарлайды ErtenMedia.kz. Премьер-министр Олжас Бектенов Украина төңірегіндегі жағдайға байланысты қорғаныс, ішкі істер, төтенше жағдайлар, сыртқы істер, денсаулық сақтау, көлік, энергетика, өнеркәсіп және құрылыс, ұлттық экономика, қаржы министрліктерінің басшылығымен Мемлекет басшысының негізгі әскери және азаматтық объектілердің қауіпсіздігін қамтамасыз ету жөнінде шұғыл шаралар қабылдау туралы тапсырмаларын орындау жөнінде жедел кеңес өткізді. Премьер-министр қорғаныс министрі Руслан Жақсылықовтың стратегиялық және инфрақұрылымдық объектілерді қорғауды қамтамасыз ету бойынша жүргізіліп жатқан жұмыстар туралы мәліметтерін тыңдап, мемлекеттік органдардың іс-қимылдарын күшейтуге бағытталған бірқатар міндеттер қойды. Тұрақтылық пен қоғамдық тәртіпті сақтау, көлік қатынасының қауіпсіздігі, денсаулық сақтау…

Әлеуметтік желілерде жуырда ұсталған Перизат Қайраттың «сұхбаты» жарияланды. Онда ерікті ретінде танылған Перизат Қайрат Қаржылық мониторинг агенттігі таққан барлық айыпты жоққа шығарған екен. Алайда stopfake.kz мұның алаяқтар адамдарды алдау үшін қолданатын фейк сұхбат екенін жазды, — деп хабарлайды ErtenMedia.kz. Басылым мәліметінше, желіде тараған жазбаның тақырыбы да қызық және онда Tengrinews.org деген сайтқа сілтеме жасалған. Дегенмен сайттың домені ұлттық .kz емес, халықаралық .org екенін байқауға болады. Tengrinews жаңалықтар порталы .kz доменін пайдаланады. «Алаяқтар неғұрлым сенімді болуы үшін қазақстандық интернет басылымның басты бетін толығымен көшіріп алған», — деп жазылған деректе. Сұхбат мәтінінде алаяқтар «пассивті кіріс» ұсына отырып, танымал қазақстандық банктің бағдарламасын жарнамалайды. Шын мәнінде,…

Мемлекет басшысы Қасым-Жомарт Тоқаев Украина төңірегіндегі жағдайдың ушығуына байланысты тапсырма берді, — деп хабарлайды ErtenMedia.kz. Бұл туралы Президенттің кеңесшісі — Президенттің баспасөз хатшысы Берік Уәли мәлімдеді. «Қасым-Жомарт Тоқаев Премьер-Министрге, Президент Әкімшілігінің Басшысына және күштік құрылымдардың жетекшілері мен барлық әкімдерге Украина төңірегіндегі жағдайдың ушығуына байланысты негізгі әскери және азаматтық нысандардың қауіпсіздігін қамтамасыз ету жөнінде шұғыл шаралар қабылдауды тапсырды. Парламент палаталарының төрағалары қабылданып жатқан іс-қимыл туралы хабардар етілді. Президент еліміздегі жағдайды өз бақылауында ұстап отыр. Біздің еліміз үшін басты стратегиялық мақсат – тұрақтылықты, тыныштықты, заң мен тәртіп үстемдігін сақтау. Қазақстан славян екі халық арасындағы қақтығысты келіссөз арқылы тоқтату қажет екенін бірнеше рет…

Бостандық ауданын аралау барысында Алматы әкімі Ерболат Досаев қосымша білім беру мәселесінің шешімімен, оның ішінде жеке капиталдың қатысуымен танысты. Әкім Вахтангов көшесіндегі №3 Оқушылар үйінің жаңа ғимаратының құрылыс алаңында болды. Қаланың құрылыс басқармасының басшысы Алмас Шабдарбаев нысанның 80 пайыздық дайын екенін баяндады. Бұрынғы апатты деп танылған жерде заманауи екі қабатты ғимарат салынуда, шығармашылыққа арналған 12 кабинет, дәрісханалар, тіпті ауланың ішіндегі бақ та болады. Апта сайын оқушылар үйінде 5-17 жас аралығындағы 2 мың бала оқи алады. Олар үшін дебат клубы, бағдарламалау, 3D-модельдеу, құрастыру, фото-, видеомонтаж бойынша үйірмелер жұмыс істейді. Балалар шешендік, сәндік-қолданбалы және бейнелеу өнерін меңгереді. Құрылысшылардың айтуынша, олар келесі жылдың…

Жоғары аудиторлық палатаның төрағасы Әлихан Смайылов Жоғары аудиторлық палата қайырымдылық қорларын тексере алмайтынын айтты, — деп хабарлайды ErtenMedia.kz. «Жоғары аудиторлық палатаның қайырымдылық қорларын тексеруге құзыреті жоқ. Жоғары аудиторлық палата мемлекет жұмсаған бюджет қаражатын, сондай-ақ мемлекеттік және квазимемлекеттік ұйымдарда бар активтерді пайдалануға сыртқы аудит жүргізеді. Сонымен қатар, Мәжіліс қарастырып жатқан жаңа Бюджет кодексі шеңберінде Жоғары аудиторлық палатаға мемлекет қатысуымен құрылған бюджеттік емес қорларға аудит жүргізу құзіреті туралы норма енгізуді ұсындық. Яғни, мемлекет құрған немесе мемлекеттің қатысуымен немесе мемлекеттің белгілі бір функциялары берілген қорлар. Сол кезде бізде осындай бюджеттік емес қорларды тексеру мүмкіндігі болады», — деді Смайылов Сенат дәлізінде. Айта кетейік, кейінгі…

Сенат республикалық бюджет туралы заңды Мәжіліске қайтарды, — деп хабарлайды ErtenMedia.kz. Сенатор Сұлтанбек Мәкежановтың айтуынша, заң жобасын талқылау барысында тұрақты комитеттер мен депутаттардан оған өзгерістер мен толықтырулар енгізу туралы 136 ұсыныс түскен. Бұл ұсыныстар салыстырмалы кестеге енгізілді. «2025 жылғы шығындарды 60 миллиард теңгеге арттыру туралы ұсыныстар қолдау тапты. Бұл шығындардың көбеюі үкімет резервін қайта бөлу есебінен жүзеге асырылады», – деді ол. Сенат кулуарында Мәулен Әшімбаев бюджет шығындарының 60 миллиард теңгеге артпағанын, тек қайта бөлінгенін атап өтті. «Біз кейбір позицияларды қысқарттық, ал басқаларын толықтырдық, атап айтқанда, үкімет резервінен қаражат бөлдік. Жалпы бюджет көлемін арттырмай, азаматтарымыз бен ауылдық жерлердегі тұрғындар көтеріп жүрген өзекті…

Мәулен Әшімбаев Перизат Қайратпен байланысы бар деген қауесетке жауап берді, деп хабарлайды Ertenmedia.kz. Сенат төрағасы Перизат Қайратпен жақын қарым-қатынаста емес екенін мәлімдеп, түрлі қоғамдық іс-шараларда көпшілікпен қатар кездескен болуы мүмкін екенін айтты. «Мен Перизат Қайратпен жеке таныстығым жоқ. Қызмет бабымен қоғамдық шараларға көп қатысамын, сондай жерлерде түрлі адамдарды кездестіріп жатамын. Ол да сондай шаралардың бірінде болған шығар, бірақ мен онымен жеке немесе тығыз қарым-қатынаста емеспін», – деді Әшімбаев. Ол сондай-ақ Перизат Қайратқа қатысты тергеу объективті әрі ашық өтетініне сенім білдіріп, кінәсі дәлелденсе, заң аясында қатаң жаза тағайындалатынын атап өтті. Еске сала кетейік, қаржы мониторингі агенттігі (ҚМА) Biz Birgemiz Qazaqstan қорының…

Cаясаттанушы Асхат Қасенғали геосаяси ахуал ушығып тұрған шақта Ресей-Украина арақатынасына және АҚШ-тың рөліне қатысты пікір білдірді, — деп хабарлайды ErtenMedia.kz. Сарапшының сөзінше, геосаясаттағы шиеленістің градусын өте жоғары температураға көтеретін екі шешім қабылданған. «Біріншісі, Батыс Украинаға алыс қашықтыққа соққы жасайтын зымырандармен Ресей аумағын атқылауға рұқсат етті. Батыс болғанда АҚШ. Шешім бойынша Украина тек Курск облысын атқылай алатыны айтылды. Киев ATACMS зымырандарымен алғашқы соққысын жасап та үлгерді. Бірақ Курскке емес…Брянскке. Демек, қағаз жүзінде «Курскке соққы жасауға рұқсат» деп көрсетілсе де, іс жүзінде зымыран қай жерге дейін жетеді, сол жерге дейін соққылауға болады деген сөз. Неге құжатта Курскке ғана деп көрсетілді? Себебі Курск облысында…

2025 жылдың соңына қарай алтынның бір унциясы 10,3%-ға қымбаттап, 2900 долларды құрауы мүмкін. Мұндай болжаммен швейцариялық UBS ірі банк сарапшылары бөлісті, деп жазады Ertenmedia.kz. Cарапшылар бұл қымбатшылықты геосаяси тұрақсыздық кезінде орталық банктер, инвесторлар тарапынан сұраныстың арту мүмкіндігімен байланыстырады. «Дональд Трамптың билікке келуі және жаһандық «ойынның» ойысуына қатысты дүдамалдылық қымбат металл бағамына қолдау болмақ. Ал 2026 жылдың соңына қарай алтынның бір унциясының құны 2950 долларға дейін көтерілуі мүмкін», – дейді сарапшылар. Америкалық Goldman Sachs банкі де алтынның қымбаттайтынын болжайды. Олар 2025 жылдың соңында алтынның бір унциясы 3000 доллар болады деп пайымдайды. Негізі, жыл басынан бері аталған қымбат металл бағасы 28%-ға өскен. «Алтын биылғы жылдағы ең тиімді тауарлардың біріне айналды, бағасы да жоғарылап бірнеше рекорд орнатты. Алайда АҚШ-тағы президенттік сайлаудан соң баға қайта төмендей бастады. Қымбат металл бағасының өсіміне әлемнің орталық банктер тарапынан сұраныстың артуы, Федералды резервтік жүйенің ақша-кредит саясатын…

Ауыл шаруашылығы министрлігі желіде трендке айналған «Шайн мускат» жүзімінде ағзаға зиян зиянкес табылмағанын мәлімдеді, — деп хабарлайды ErtenMedia.kz. Ауыл шаруашылығы министрінің тапсырмасы бойынша Қазақстан Республикасы Ауыл шаруашылығы министрлігі АӨК-тегі мемлекеттік инспекция комитетінің Республикалық өсімдіктер карантині орталығының қызметкерлері карантиндік фитосанитариялық бақылау кезінде жүзім үлгілеріне зертханалық сараптама жүргізді. Карантиндік фитосанитарлық қорытындыға сәйкес карантиндік зиянкестер табылған жоқ. Сондай-ақ, Қазақстан Республикасы Денсаулық сақтау министрлігі Санитарлық-эпидемиологиялық бақылау комитетінің «Ұлттық сараптама орталығы» РМК-ның Абай ауданы бойынша филиалы (Қытай Халық Республикасымен шекарада) «Shine Muscat» нитратының құрамы бойынша зерттеу жүргізілді, оның қорытындысы бойынша өнімдегі нитрат мөлшері 13,7 мг/кг құрады, бұл осы өнім үшін рұқсат етілген көрсеткіш. Айта кетейік,…