Теңіз кен орнындағы мұнай өндірісінің күрт өсуі «ҚазМұнайГаз» ұлттық компаниясының табысын айтарлықтай арттырды, деп хабарлайды Ertenmedia. Компанияның жариялаған есебіне сәйкес, биылғы қаңтар-қыркүйек аралығында «ҚазМұнайГаздың» Теңіздегі үлесі тәулігіне 178 мың баррельге жетіп, өткен жылдың сәйкес кезеңімен салыстырғанда 42 пайызға ұлғайған. Chevron басқаратын ірі кеніште отандық холдингтің үлесі 20 пайыз. Есептік кезеңде ілеспе газ өндіру көлемі де шамамен 49 пайызға артып, «ҚазМұнайГазға» тиесілі көлем 3,5 млрд текше метрге жуықтаған. Биылғы мұнай бағасының төмендеуіне қарамастан, жалпы құны 47 млрд доллар тұратын Теңіз кенішін кеңейту жобасы сәтті іске қосылып, соның нәтижесінде холдингтің табысы жылдық есеппен 11 пайызға артты. Тоғыз айдағы жиынтық кіріс 7,1 трлн…
Автор: Асылхан Бөрібай
Алматыдағы Ұлттық кітапханада мемлекет қайраткері, академик Мұхтар Құл-Мұхаммедтің «Менің ағаларым» атты эсселер кітабының таныстырылымы өтті, деп хабарлайды Ertenmedia.kz. Жинаққа автордың әр жылдары жазған эсселері енген. Мұхтар Құл-Мұхаммед бұл еңбегінде өзінің өмір жолында қамқорлығын көрген, тәлім-тәрбиесін алған тұлғалар туралы сыр шертеді. Автор эсселерде қазақтың қандай халық екенін ашып көрсетуді мақсат еткенін атап өтті. «Атамұра» баспасынан жарық көрген кітапта академиктер Манаш Қозыбаев, Салық Зиманов, Шаһмардан Есенов, Өмірбек Жолдасбеков, Зейнолла Қабдолов, Рымғали Нұрғалиев, Төрегелді Шарманов туралы тың деректер бар. Сонымен қатар профессорлар Темірбек Қожакеев, Камал Смайылов, халық қаһармандары Рақымжан Қошқарбаев пен Қасым Қайсенов туралы да жылы естеліктер келтірілген. Бұдан бөлек, сәулетші Шот-Аман Уәлихан,…
Астанада ҚР Энергетика вице-министрі Санжар Жаркешов пен Қазақстандағы АҚШ-тың уақытша сенімді өкілі Дебора Робинсон кездесті. Мұндай энергетика саласындағы кез келген диалогтың артында инвестиция, жұмыс орны, экспорт көлемі, салық түсімі сияқты нақты сандар тұратыны сөзсіз, деп жазады Ertenmedia.kz. Жиында ең алдымен энергетикадағы екіжақты ынтымақтастықтың стратегиялық маңызы сөз болған. Санжар Жаркешов АҚШ-тың жаһандық энергетикалық қауіпсіздікке қосып отырған үлесін атап, Қазақстан үшін тұрақты әріптестік маңызды екенін жеткізді. Себебі, біздің мұнай-газ жобаларының басым бөлігі шетелдік технологияға, ұзақ мерзімді қаржыға және халықаралық нарыққа шығу мүмкіндігіне тәуелді. АҚШ-пен диалог осы үш бағытта да өзін көрсетіп жүр. Кездесуде Chevron және ExxonMobil компанияларымен жұмыс бөлек әңгімеге арқау болған.…
Алматы – Бішкек тасжолында ауыр жол апаты болып, алты адам қаза тапты, деп хабарлайды Ertenmedia. Алматы облыстық полиция департаментінің дерегінше, қайғылы оқиға 24 қараша күні түнгі уақытта, тасжолдың 65-шақырымында болған. Audi маркалы көлікті жүргізген 23 жастағы азамат рөлге ие бола алмай, қарсы жолаққа шығып кеткен. Салдарынан Audi мен Toyota көліктері қатты соқтығысқан. Апат салдарынан екі жүргізуші мен үш жолаушы сол жерде жан тапсырды. Тағы бір адам ауыр жарақатпен ауруханаға жеткізілгенімен, дәрігерлер оның өміріне араша түсе алмады. Оқиға кезінде жарақат алған бес жолаушы ауруханаға жатқызылып, дәрігерлердің бақылауына алынды. «Қазіргі уақытта оқиғаның мән-жайын жан-жақты анықтау үшін тергеу жұмыстары жүріп жатыр. Тергеу барысы…
Бүгін Түркістан облысының әкімі Нұралхан Көшеров Франция Республикасының Қазақстандағы Төтенше және Өкілетті елшісі Сильван Гиогемен кездесті, деп жазады Ertenmedia.kz. Кездесу барысында әріптестікті нығайту, инвестиция тарту, бірлескен жобаларды жүзеге асыру бағытында келіссөз жүргізілді. Өңір басшысы Түркістан облысының инвестициялық әлеуеті туралы баяндады. Франциялық танымал компаниялар мен брендтерді Түркістанда жұмыс істеуге шақырды. – Сізді Түркістан облысында қарсы алғаныма қуаныштымын. Қазақстан мен Франция – маңызды экономикалық серіктестер, ал біздің қарым-қатынасымыз 1992 жылдан бері белсенді дамып келеді. Дәл сол жылы сауда-экономикалық ынтымақтастық жөніндегі Қазақстан-Франция үкіметаралық комиссиясы құрылған болатын. Елімізде француз капиталы бар 170-ке жуық компания табысты жұмыс істеуде. Ынтымақтастықтың жарқын мысалы – Түркістан облысындағы Мойынқұм…
Белгілі журналист Кәмшат Тасболат өзінің Фейсбуктағы парақшасында Мөлдір Мұқанованың фильміне көрермен тарту үшін халыққа жекіп, сөйлеп «Отан» сөзін қорлаған мотиватор Құралай ханымның желідегі жазбасына құзырлы орындар құқықтық баға беруін талап етті, деп жазады Ertenmedia.kz. – Достар, «Шай в большом городе» деген фильмге адам тарту үшін нешетүрлі манипуляцияның жасалып жатқанын көріп отырмыз. Бірақ анау Құралай ханымның «Қолынан түк келмейтін, бітірген дымы жоқ, сыншы диванбатырлар отанымды жемей, 3000 теңгеге зарламай, барып қолдаңдар Мөлдірді» деген сөзіне құқықтық баға беріле ме? Заң аясында шара қолданыла ма? «Отан» деген қастерлі ұғымды қорлап, әдетте боқтанғанда айтылатын сөздің орнына қолдану құқықтық, этикалық тұрғыдан дұрыс па? Қай орысты…
Қазақстандық UFC жауынгері Асу Алмабаев Дохада өткен жарыстан кейін Бекзат Алмаханның жағдайын ойлады. Себебі сол кеште Бекзат октагонда жеңіліп қалды. Асу баспасөз мәслихатында ашық айтып, бауырын сынға жығып жібермей, керісінше қолдау көрсетуге шақырды. Оның айтуынша, осы деңгейге жетіп, шетелге келудің өзі, қапталда тұрған октагонға бір қадам жақындаудың өзі үлкен ерлік екенін айтты. Асу Бекзаттың жекпе-жегін киім ауыстыратын бөлмедегі экраннан көргенін айтты. Қуанып тұрған сәттің өзінде бауыры жеңілгенде көңілі түсіп кеткенін жасырмады. – Ол менің бауырым, дәл осындай кезде дем бермесек, қашан қолдаймыз? – деп ойын айтты. Спортта жеңіс пен жеңіліс қатар жүретінін, бір жекпе-жекпен адамның еңбегін жоққа шығаруға болмайтынын еске…
Жетісу облысында биылғы тұмау және жедел респираторлық вирустық инфекция маусымы дәрігерлердің тұрақты бақылауында. Облыстық денсаулық сақтау басқармасының мәліметіне қарағанда, эпидемиологиялық маусым басталғалы 45 674 ЖРВИ жағдайы тіркелген. Соның 30 912-сі 14 жасқа дейінгі балаларға тиесілі. Яғни вирустық инфекция көбіне балалар арасында таралып жатыр. Осыны ескеріп, медициналық ұйымдар жұмысты күшейтілген режимге көшірген, деп жазады Ertenmedia.kz. Бірінші деңгейдегі медицина ұйымдарында 29 мобильді бригада жұмыс істейді. Олар үйден шықпай-ақ дәрігер көмегіне жүгінгісі келетін немесе жүріп-тұруы қиын науқастарға барады. Бұдан бөлек, 25 сүзгі кабинеті арқылы клиникаға келген адамдарды бірден сұрыптап, тұмау белгілері барларын бөлек қабылдайды. Азаматтар телефон арқылы да кеңес ала алуы үшін 48…
«Таза Қазақстан» экологиялық бағдарламасы аясында демеушілердің қолдауымен Панфилов ауданы Талды ауылында 1 саябақ салынса, келесі жылы Жаркент қаласында тағы 1 жаңа саябақтың құрылысы жоспарланып отыр. Сол сияқты жергілікті бюджеттен Атамекен ауылындағы және аудан орталығындағы саябақтар жөнделді. Бұл туралы облыс әкімі Бейбіт Исабаевтың Панфилов ауданы тұрғындарымен кездесуінде айтылды, деп жазады Ertenmedia.kz. Өңір басшысының айтуынша, Панфилов ауданында «Таза Қазақстан» бағдарламасы аясында елді мекендерді абаттандыру жұмыстары жүйелі жүргізіліп келеді. – Жаркент қаласында 4 көпқабатты үйдің ауласына ағымдағы жөндеу жасалды. Жаркент, Ақжазық, Аққұдық, Сарытөбе, Кішішыған елді мекендерінде балалар және спорт алаңдары салынып, Надек, Үшарал, Ақжазық, Алмалы, Әулиеағаш, Жаркент-Арасан ауылдарының 8 көшесіне 500-ге жуық жарық…
Түркістанда «TURKISTAN INVESTMENT AND TOURISM FORUM – 2025» халықаралық инвестициялық форумы жалғасуда. Іскерлік басқосуға отандық және шетелдік инвесторлар мен жергілікті атқарушы билік органдарының өкілдері қатысып жатыр, деп жазады Ertenmedia.kz. Форум аясында панельдік отырыстар ұйымдастырылып, онда «Түркістан облысының тұрақты дамуына инвестициялар: Өнеркәсіптен Агроөнеркәсіп кешеніне дейін» тақырыбында сессия отырысы өтті. Түркістан облысы әкімінің орынбасары Нұрбол Тұрашбеков форумның маңыздылығын айта келе, облыстың агроөнеркәсіп саласына инвестициялар тарту бағытында атқарылып жатқан жұмыстарды баяндады. – Түркістан облысы бүгінде еліміздің қарқынды дамып келе жатқан өңірлерінің бірегейі және инвестициялық әлеуеті жоғары мекен. Сонымен қатар облыс аумағы табиғи жер қойнауы мен пайдалы қазба кен орындарына бай. Қазіргі уақытта облыста…
