Қырғызстанның бұрынғы президенті Алмазбек Атамбаевтың ұлы Қадырбек Атамбаев билікті күшпен құлатуға әрекеттенді деген айыпты «абсурдқа» балап, қолмен жазған бірнеше хатын жариялады, деп хабарлайды Ertenmedia. Kaktus.media жариялаған хаттарда Атамбаевты ұлы өзіне тағылған айыптың мән-жайын баяндаған. Оның айтуынша, құқық қорғау органдары бастапқыда «жаппай тәртіпсіздікке шақырды» деп айыптағанымен, кейіннен істің сипатын өзгертіп, ауыр қылмысқа жататын «билікті күшпен басып алуға әрекет жасады» деген бапты қосқан. Қарашаның 22-сі күні жазған хатында Атамбаев ешбір заңды негізсіз, ордерді көрсетпестен, он шақты арнайы жасақ өкілдері таңғы жетіде пәтеріне басып кіргенін айтады. «Анаммен бірге Қой-Таштағы үйден шығарылған соң жалдап тұрып жатқан пәтерге арнайы жасақ басып кірді. Олар ешқандай заңды…
Автор: Асылхан Бөрібай
Алматы қаласында пеш, газ, қатты отын пайдаланатын үйлер аз емес, ал қыс түскенде қауіп те қатар жүреді. Осы себепті Алматы қаласы Төтенше жағдайлар департаментінің мамандары жеке секторды аралап, тұрғындарға жылыту құрылғыларын дұрыс пайдалану тәртібін түсіндіріп, қажет жерлерге газ бен көміртек тотығын анықтайтын датчиктер орнатып жатыр. Кезекті алдын алу шарасы Ақбұлақ шағынауданында өтті. Бұл аумақта әлі газ жүйесіне толық қосылмаған үйлер бар, сол себепті тексеріс пен түсіндіру жұмысы бірінші кезекте осы жақтан басталған, деп жазады Ertenmedia.kz. ТЖД қызметкерлері мұндай профилактикалық шараларды ұдайы жүргізіп келеді. Әсіресе демалыс күндері жұмыс күшейеді. Себебі тұрғындар үйде болады, есік ашық, сөйлесуге мүмкіндік бар. Мамандар бір үйді…
Астанада өткен Silk Way Star вокалдық жобасы көрермендер тарапынан үлкен қолдауға ие болды. Бүгінде Қазақстан Азияның мәдени төрі болуға талпынып отырған ел. Осындай кезде әрбір ән, әрбір сахнаға шыққан орындаушы халықтың атынан сөйлейді. Жобаның финалында Моңғолия әншісі Мишель Джозеф жеңімпаз атанды. Өз елінің рухын таныта білді. Бірақ жеңімпаз тек ол емес, әр сахнаға шыққан жеті елдің мәдениеті де осы кеш арқылы бір баспалдаққа көтерілді. Он эпизодқа созылған жобаны миллиондаған көрермен бақылап отырды. Бұл әншілер жарысынан гөрі, Азияның бір-бірін тану процесіне көбірек ұқсады десек болады. Финал сахнасында Президент Қасым-Жомарт Тоқаевтың құттықтауын Мемлекеттік кеңесші Ерлан Карин оқыды. Онда «Silk Way Star –…
Қазақстанның тұңғыш атом электр станциясының іргетасы Балқаш көлінің жағасындағы Үлкен ауылының маңында 2029 жылы ғана құйыла бастайды, деп хабарлайды Ertenmedia. Атом энергетикасы агенттігінің басшысы Алмасадам Сәтқалиев Ақордадағы жиын арасында журналистер сұрағына жауап беріп, осылай деді. Сәтқалиевтің айтуынша, қазір құрылысқа дайындық жұмысы жоспарға сай жүріп жатыр. Дегенмен станция құрылысы нақты қашан басталатыны тек жобалау мен іздестіру жұмысы аяқталған соң белгілі болады. «Осы уақытқа дейін шамамен 50 ұңғыма бұрғыланды, топырақ үлгісі алынып, зертханаға жіберілді. Екі мыңға тарта нүктеден радионуклидтер бар-жоғы тексерілді. Бұған қоса гидрологиялық, гидротехникалық, инженерлік және топографиялық зерттеу жұмысы аяқталды. Аймақта екі гидробекет орнатылды. Алдағы бір жарым жылдың ішінде жоба-іздестіру кезеңін…
Қазақстан, Қырғызстан және Өзбекстан энергетикалық әрі су ресурстарын тиімді пайдаланудың жаңа форматын бекітті, деп хабарлайды Ertenmedia. Үшжақты келіссөз Алматыда өтіп, қорытындысында тараптар ортақ хаттамаға қол қойды. Қазақстанның Энергетика министрі Ерлан Аккенженов төрағалық еткен жиында аймақтың су және энергетика саласына жауапты тұлғалар бас қосты. Олардың қатарында Қазақстанның Су ресурстары және ирригация министрі Нұржан Нұржігітов, Қырғызстан Энергетика министрі Таалайбек Ибраев, Өзбекстан Энергетика министрі Жорабек Мирзамахмудов, Өзбекстан Су шаруашылығы министрі Шавкат Хамраев және Қырғызстан Су шаруашылығы министрінің орынбасары Алмаз Жееналиев болды. Келіссөздің басты тақырыбы өңірдің тіршілік көзі саналатын Тоқтоғұл су қоймасының қазіргі ахуалы. Кейінгі жылдары су деңгейі төмендеп, қысқы уақытта электр тапшылығы қаупі…
Түркістан қаласына ерекше мәртебе берілуіне орай «Құқық бұзушылыққа жол жоқ!» ұранымен 2012–2013 және 2014–2015 жылдары туған жасөспірімдер арасында қазақ күресінен жарыс өтті. Спорттық дода «Балуан Шолақ» спорт кешенінде өтіп, еліміздің бірнеше өңірінен жиналған 250-ге жуық жас балуан өзара бақ сынады. Жарыстың салтанатты ашылуында Түркістан қаласы әкімдігінің Мәдениет, тілдерді дамыту, дене шынықтыру және спорт бөлімінің басшысы Қадырболат Қабдырұлы сөз сөйлеп, қатысушыларға сәттілік тіледі. Додаға Қарағанды және Орал облыстары, Ақтөбе қаласы, Қармақшы, Арал, Шиелі аудандары, сондай-ақ Түркістан қаласы, Жуалы, Созақ, Сауран, Шардара, Бәйдібек аудандары мен Кентау қаласынан келген жас спортшылар қатысты. Түркістан облысының Өңірлік коммуникациялар қызметі
Қазақстанның астық керуені Оңтүстік Кавказға жол аша бастады. Әзербайжан санкцияны алып тастап, өз аумағынан өткізуге келісім берген соң, қараша айында Арменияға Қазақстан бидайының алғашқы мың тоннасы табысталды. Бұл – бір ғана экономикалық келісім емес, аймақтағы қатынастардың өзгеріп келе жатқанын көрсететін белгі. Соңғы жылдары Кавказ бағыты саяси шиеленіске толы болып келді, бірақ дәл осы астық тасымалы жаңа сенімге жол ашқандай. Мемлекет басшысының айтуынша, Қазақстан Арменияға жоғары сапалы астық қана емес, басқа да тауарларды тұрақты түрде жеткізе алады. Ол үшін жүк тасымалының жүйесін өзара реттеу қажет. Арменияға тікелей әуе рейстерін ашу да күн тәртібіне шықты. Сауда тек келісіммен емес, нақты инфрақұрылыммен өлшенеді.…
«ҚазМұнайГаз» ұлттық компаниясы алдағы екі жыл ішінде Еуропадағы активтерінің бір бөлігін сатуға шығармақ деп жазады Ertenmedia.kz. Компанияның еншілес құрылымы KMG International N.V. холдингінің 50 пайызға дейінгі үлесін жеке инвесторларға ұсыну жоспарланып отыр. Бәсекелестікті қорғау және дамыту агенттігінің мәліметінше, активтер 2026-2027 жылдары екі кезеңнен тұратын ашық конкурс арқылы сатылады. Қазір KMG International толығымен «ҚазМұнайГазға» тиесілі. Холдинг құрамына Румыния, Швейцария, Болгария, Грузия, Молдова, Түркия және Қазақстандағы 28 кәсіпорын кіреді. KMGI активтері қатарында Румыниядағы «Петромидия» және «Вега» мұнай өңдеу зауыттары, мұнай-химия кешені, терминалдар және Еуропа бойынша Rompetrol брендімен жұмыс істейтін 1400 жанармай бекеті бар. Компания шикізатты Қазақстаннан бөлек, өзге елдерден де сатып алады.…
Бүгін Ғылым ордасында Қазақстан ғылымының тарихы музейі мен Ш. Уәлиханов атындағы «Алтынемел» мемориалдық музейі бірлесіп, көрнекті тарихшы, этнограф, шығыстанушы әрі ағартушы Шоқан Уәлихановтың туғанына 190 жыл толуына арналған «Шоқан Уәлиханов және ұлттық ғылымның бастаулары» атты ғылыми-мәдени танымдық іс-шара өткізді. Іс-шараның мақсаты – қазақтың ағартушы-ғалымы Шоқан Уәлихановтың өмірі мен ғылыми мұрасын дәріптеу, тарихи тұлғаның еңбектерін кеңінен насихаттау және жастарды патриотизм рухында тәрбиелеу болды. Аталған іс-шараға Ғылым ордасының бас директоры Ұлар Мұқажанов, Р.Б. Сүлейменов атындағы Шығыстану институты директорының ғылым жөніндегі орынбасары Ғалымжан Дүйсен, Ш. Уәлиханов атындағы «Алтынемел» мемориалдық музейінің директоры Марал Рахатова, мәдениет және ғылым қайраткерлері, сондай-ақ ҚР Президенті жанындағы Ұлттық ғылым…
Талғар ауданында 21 қараша күні Алматы облысының полиция қызметкерлері бір күнге жоспарланған кең ауқымды профилактикалық рейд өткізді. Мақсат аудан аумағындағы құқықтық тәртіпті нығайту, азаматтардың қауіпсіздігін тексеру және жиі кездесетін заңбұзушылықтарды дер кезінде анықтау. Рейд қорытындысында жүздеген құқықбұзушылық тіркеліп, бірқатар тұрғынға түсіндіру жұмысы да жүргізілді, деп жазады Ertenmedia.kz. Рейд барысында ішкі істер органдарының профилактикалық және өзге де есептерінде тұрған 86 адам тексерілді. Тағы 5 азамат қосымша профилактикалық есепке қойылды. Тәртіп бұзған 18 адам полиция бөліміне жеткізіліп, олардың іс-әрекетіне құқықтық баға берілді. Бұл жұмыс бір күнмен шектелмейді, бірақ дәл осы күнгі тексеріс ауданның жалпы ахуалын жақсы көрсетіп берді деуге болады. Полиция дерегінше,…
