Соңғы уақытта онлайн-платформаларда жалған ақпараттың таралу деректері тіркелді. Осындай жарияланымдардан кейін «Orda» ақпараттық-талдау арнасының бас редакторы Гүлнәр Бажкеноваға қала прокуратурасы Қазақстан Республикасының «Масс-медиа туралы» Заңының талаптарын ауызша және жазбаша түрде түсіндірді. Сонымен қатар ол ел заңдарын бұзудың жол берілмейтіні және қасақана жалған ақпарат таратқаны үшін Қазақстан Республикасы Қылмыстық кодексінің 274-бабы 2-бөлігінің 3-тармағына сәйкес 3 жылға дейінгі мерзімге бас бостандығынан айыру жазасы көзделгені туралы қатаң ескертілді. Сондай-ақ азаматты сыбайлас жемқорлық, ауыр немесе аса ауыр қылмыс жасады деп қасақана жалған айыптау деректері бойынша Қазақстан Республикасы Қылмыстық кодексінің 419-бабы 3-бөлігіне сәйкес 8 жылға дейінгі мерзімге бас бостандығынан айыру түріндегі қылмыстық жауаптылық қарастырылатыны түсіндірілді.…
Автор: editor
Алматы облысында елді мекендерді кезең-кезеңімен газдандыру бойынша ауқымды жұмыстар жалғасуда. Бұл жұмыс Қазақстан Республикасының Президенті Қасым-Жомарт Тоқаевтың 2024 жылғы 15 наурызда Ұлттық құрылтай отырысында халыққа арнаған Жолдауында айтылған тапсырмаларын іске асыру аясында жүргізілуде. Мемлекет басшысы тұрғындардың тұратын жеріне қарамастан, газбен қамтуды қоса алғанда, базалық инфрақұрылымға тең қолжетімділігін қамтамасыз етудің маңыздылығын ерекше атап өткен болатын. Мұнай-газ кешені қызметкерлері күніне арналған салтанатты жиында Алматы облысы әкімінің орынбасары Рустам Исатаев қол жеткізілген нәтижелер мен алдағы жоспарлар туралы баяндады. Оның айтуынша, бүгінгі таңда облыстағы 284 елді мекеннің 158-і немесе 55,3%-ы газ жүйесіне қосылған. Облыс халқының 77%-ын құрайтын 1,2 миллионнан астам тұрғын табиғи газбен қамтамасыз…
Қазақстанның мұнай компанияларынан түскен салық түсімі 3 триллион теңгеден асып кетті. Бұл сомаға негізгі үлесті еліміздің мұнай саласындағы үш алпауыт компания қосқан, деп хабарлайды Ertenmedia. Мемлекеттік кірістер комитетінің мәліметінше, 2025 жылдың бірінші жартысында мұнай өндіруші компаниялардан бюджетке жалпы 3,167 трлн теңге көлемінде салық түскен. Оның ең ауқымды үлесі «Теңізшевройлға» тиесілі компания 1,5 трлн теңге төлеген. Қарашығанақ жобасының операторы «Karachaganak Petroleum Operating B.V.» осы кезеңде 663,7 млрд теңге аударған. Ал «Норт Каспиан Оперейтинг Компани Н.В.» (NCOC) игеріп жатқан Қашаған жобасынан бюджетке 213,9 млрд теңге көлемінде қаржы түскен. Комитеттің айтуынша, мұнай секторындағы компаниялардың төлейтін салығы негізінен Ұлттық қордың қоржынын толтырады. Бұл көрсеткіштің…
Қазақстанда мобильді аударымдарды бақылау талаптары күшейтіледі. Қаржы министрлігі мен Ұлттық банк дайындаған жаңа ережеге сәйкес, жеке тұлғаның шотына үш ай қатарынан түсетін аударымдардың жалпы сомасы 12 ең төменгі жалақыдан (2025 жылы бұл шамамен 1 млн теңге) асып кетсе, банк оның мәліметтерін бірден салық органдарына жолдайды, деп хабарлайды Ertenmedia. Сондай-ақ, үш ай қатарынан 100 және одан көп адамнан аударым алатын азаматтар да бақылауға ілігеді. Мысалы, тамызда 101, қыркүйекте 130, қазанда 100 адамнан аударым жасалса, банк ақпаратты дереу Мемлекеттік кірістер комитетіне жібереді. Бақылау тек теңгемен ғана емес, шетелдік валютадағы аударымдарға да қатысты. Егер жеке тұлға шотындағы аударымдар арқылы кәсіпкерлік белгілері анықталса, мемлекеттік…
Ордабасы ауданының Темірлан ауылында қазақ спорты мен мәдениетінің жаңа нышаны – Қажымұқан Мұңайтпасұлы атындағы мәдени-спорт кешені пайдалануға берілді. Ашылу рәсіміне Түркістан облысының әкімі Нұралхан Көшеров, Қажымұқан бабаның ұрпақтары, спорт ардагерлері мен ауыл тұрғындары қатысты. Бұл – өңірдің мәдени және спорттық өміріндегі айрықша оқиға. Өйткені кешеннің бой көтеруі – тек жаңа ғимараттың ашылуы ғана емес, ұлттық рух пен спортқа деген құрметтің белгісі, – деп хабарлайды Ertenmedia.kz Түркістан облысы әкімінің баспасөз қызметіне сілтеме жасап. Облыс әкімі Нұралхан Көшеров салтанатты жиында сөйлеген сөзінде Қажымұқан есімінің ел есінде мәңгі сақталатынын, оның өмірі мен күрескерлік рухы бүгінгі ұрпаққа үлгі болуы тиіс екенін атап өтті.…
Парламент Сенатының Төрағасы, Съезд Хатшылығының Басшысы Мәулен Әшімбаев Әлемдік және дәстүрлі діндер лидерлерінің VIII съезі қарсаңында Qogam News жобасына сұхбат берді. Онда Палата Спикері Қазақстан Президенті Қасым-Жомарт Тоқаевтың «Бейбітшілік жолындағы жаңа қозғалыс» қалыптастыру жөніндегі бастамасы алдағы форумда негізгі тақырыптардың бірі болатынын атап өтті. Сенат Төрағасының айтуынша, бұл идея әлемде қақтығыстарды тоқтату және жер жүзінің әр аймағындағы зорлық-зомбылық деңгейін төмендету жолында күш біріктірудің маңызды екенін көрсетеді. Хаос пен тұрақсыздық қалыпты жағдайға айналған қазіргі кезеңде рухани көшбасшылар ғана әлемде ізгілікті ілгерілету және қақтығыстарды бейбіт жолмен шешу ісінде маңызды рөл атқара алады. – Бұл халықаралық қауымдастық үшін дер кезінде қолға алынған аса маңызды…
Алматыда қаланы толық жарықтандыру жұмыстары жалғасып жатыр. Қала басшысы Дархан Сатыбалдының тапсырмасымен көшелер мен ғимараттардың жарық беру жүйесі жаңартылып, шаһардың түнгі бейнесі біртіндеп жақсарып келеді, – деп хабарлайды Ertenmedia.kz Алматы қаласы әкімінің баспасөз қызметіне сілтеме жасап. Әкімдік қала тұрғындары үшін қауіпсіз әрі жарық орта қалыптастыру басты мақсат ретінде қарастырылған. Энергетика және сумен жабдықтау басқармасының мәліметіне сәйкес, жыл соңына дейін 1189 аумақта 20 мыңнан астам шам мен торшер орнатылады. Қазірдің өзінде Әуезов ауданында жоба толық аяқталған, ал Медеу ауданында және өзге аудандарда жұмыс қарқын алып тұр. Сәулеттік жарықтандыру да назардан тыс қалған жоқ. Биыл 70 ғимараттың жарық беру жүйесі жаңартылуы тиіс.…
Алматы қаласында 14 медициналық ұйым жанынан жастар денсаулық орталығы ашылды. Мұнда 10 бен 29 жас аралығындағы қала тұрғындары міндетті әлеуметтік медициналық сақтандыру (МӘМС) аясында медициналық, психологиялық және әлеуметтік көмек ала алады. Бұл туралы Алматы қаласы Қоғамдық денсаулық басқармасында хабарлады, деп жазады Ertenmedia.kz. Мұндай орталықтардың негізгі міндеті жасөспірімдер мен жастарға дәрігерлер мен психологтардан кеңес алуға, жеке және әлеуметтік мәселелерді шешуге, салауатты өмір салты туралы білім алуға мүмкіндік беретін сенімді орта қалыптастыру. Мұнда өтініштердің құпия түрде қарастырылуына кепілдік беріледі. Репродуктивті денсаулыққа, жыныстық жолмен берілетін инфекциялардың алдын алуға және отбасыларға психологиялық қолдау көрсетуге баса назар аударылады. Жеке консультациялардан басқа мамандар тренингтер, семинарлар, спорттық…
3-5 қыркүйек аралығында БҰҰ-ның Азия және Тынық мұхиты үшін экономикалық және әлеуметтік комиссиясы (ЭСКАТО) ұйымдастырған Тұрақты даму мақсаттарын іске асыру жөніндегі Солтүстік және Орталық Азияның тоғызыншы көпжақты форумы өтті. Форум БҰҰ Бас хатшысының орынбасары, ЭСКАТО атқарушы хатшысы Армида Салсия Алисжабананың бейнеүндеуімен ашылды. Спикер БҰҰ-ның ОДМ жөніндегі Өңірлік орталығын Орталық Азия мен Ауғанстан үшін іске қосудың маңыздылығын атап өтіп, оны өңірлік күш-жігерді тиімді үйлестіру жолындағы маңызды қадам деп атады. Іс-шараға үкіметтік құрылымдардың, халықаралық ұйымдардың, ғылыми және сараптамалық қоғамдастықтардың өкілдері қатысса, Қазақстан атынан вице-министр Асан Дарбаев бастаған Ұлттық экономика министрлігінің делегациясы өкілдік етті. Өз сөзінде вице-министр Қазақстанда тұрақты даму мақсаттарын ұлттық стратегиялар…
2025 жылғы 5 қыркүйекте Халықаралық «Қазақ тілі» қоғамының ұйымдастыруымен Астана қаласындағы Назарбаев университетінде Қазақстан халқы тілдері күні мен ұлт ұстазы Ахмет Байтұрсынұлының туған күніне арналған «Қазақ тілі – ғылым мен технология тілі» тақырыбында республикалық конференция өтті. Конференцияға ҚР Ғылым және жоғары білім министрі Саясат Нұрбек, ҚР Цифрлық даму, инновациялар және аэроғарыш өнеркәсібі министрі Жаслан Мадиев, «Қазақтелеком» АҚ басқарма төрағасы Бағдат Мусин, Шайсұлтан Шаяхметов атындағы «Тіл-Қазына» ұлттық ғылыми-практикалық орталығының бас директоры Мақпал Жұмабай, сондай-ақ, ғалымдар мен сарапшы мамандар қатысты. Еліміздің барлық өңірінен тіл саясатына жауапты мамандар мен білім басқармаларының өкілдері онлайн форматта қосылды. Жиында ғылым, білім, технология, тіл саясаты және цифрлық даму салалары талқыланып,…
