Автор: Самат Келдібай

Ақтөбеде әкімдіктің бұрынғы қызметкері Жандос Әлімов сот алдында жауап беруде. Оған мемлекет тұрғын үйін заңсыз үлестіріп, қызмет өкілетін асыра пайдаланды деген айып тағылған, деп хабарлайды Ertenmedia.kz. Диапазон дерегінше 2021 жылдың қыркүйегі мен 2024 жылдың қаңтары аралығында Жандос Әлімов қалалық тұрғын үй қатынастары бөлімін басқарған. Тергеу дерегінше, ол пәтерлерді өзінің туыстарына, жерлестері мен бөлім қызметкерлеріне заңсыз жекешелендіруге жол ашып берген. Айыптау тарапының тұжырымы бойынша, Әлімов комиссия құрамына әкімдік аппаратының заңгерін әдейі қоспаған. Себебі заңгер заңсыз шешімдерге қарсы шығып, кедергі келтіруі мүмкін еді. Бастапқыда тұрғын үйлер шын мұқтаждарға әділ үлестірілгендіктен, бөлім басшысы комиссия мүшелерінің сеніміне ие болған. Кейін бұл тәртіп бұзылып, күмәнді…

Әміриканың ішкі қауіпсіздік министрлігі қоғамға қауіп төндіретін шетелдік қылмыскерлердің тізімін жариялады. Тізімде Қазақстанның үш азаматы жүр, деп хабарлайды Ertenmedia.kz. Құжат АҚШ көші-қон және кедендік бақылау қызметінің деректері негізінде дайындалған. Мұнда ел ішіндегі қоғамдық тәртіп пен қауіпсіздікке айтарлықтай қатер төндіретін шетел азаматтарының аты-жөні жинақталған. Құқық қорғау органдары дерекқорды қылмыскерлерді жылдам ұстау әрі шұғыл депортациялау үшін пайдаланады. Әмірикалық ведомство дерегінше, Алабаманың Бруквуд қаласында қолға түскен қазақстандық азамат шабуыл жасау және ұрланған заттарды иемденгені үшін сотты болған. Тағы бір отандасымыз Флорида штатында ұрлыққа қатысты күдікпен ұсталған. Ал үшіншісі Орегон штатында қарулы шабуыл жасады деген айыппен қамауға алынған. Министрліктің түсіндіруінше, «ең қауіптілер» санатына ауыр…

Цифрлық даму министрлігінің бірқатар өкілеттігі Ұлттық қауіпсіздік комитетіне берілді деп хабарлайды Ertenmedia.kz.  Енді елдегі банк саласы, байланыс жүйесі, тұрғын үй-коммуналдық шаруашылық, медицина мен электронды үкіметтің ақпараттық қауіпсіздігін бақылауды ҰҚК атқарады. Президент Тоқаев қол қойған жарлықтың маңызы бөлек. Бұдан былай аса маңызды ақпараттық-коммуникациялық инфрақұрылым нысандарының қауіпсіздігін бақылау қызметі Цифрлық даму министрлігінен Ұлттық қауіпсіздік комитетіне өтеді. Құжатта ҰҚК аталған міндеттер бойынша министрліктің құқықтары мен міндеттемелерінің де ресми құқықтық мұрагері болатыны жазылған. Үкімет пен Ұлттық қауіпсіздік комитеті өзгерістерге сәйкес заңнамаға қажетті толықтырулар енгізіп, комитет өз қызметі туралы ережеге тиісті түзетулерді әзірлеп, Президентке ұсынуы тиіс. Аса маңызды ақпараттық-коммуникациялық инфрақұрылым санатына жұмысы тоқтап қалса, азаматтардың…

Шымбұлақтағы Gusto мейрамханасында тілге байланысты тұтанған жанжал бойынша тараптардың әрқайсысы 20 АЕК көлемінде айыппұл арқалады, деп хабарлайды Ertenmedia.kz. Әлемжеліде тараған видеода Елена дейтін мейрамхана қызметкері қазақша қызмет көрсетуден үзілді-кесілді бас тартқан. Әлгі жерге түстенуге келген клиенттің мемлекеттік тілде қызмет көрсетілуі керек деген талабына құлақ аспай, мен «КСРО-дан туғанмын» деген түсініксіз уәжді алға тартқан болатын. Қазақша сөйлеуге ешкім міндеттей алмайтынын айтқан Елена ақыр соңы клиенттің кеудесінен кері итеріп, мейрамханадан қуып шыққан еді. «Пашел вон отсюда…» деген дөрекі сөз бергі жағы, басқа да балағат айтқан мейрамхана қызметкерінің әрекеті күллі қазақтілді аудиторияның шамына тиген. Оқиға әп-сәтт күллі елге тарап Шымбұлаққа шығып алған Gusto…

Президент Тоқаев даңқты қолбасшы Бауыржан Момышұлына «Халық қаһарманы» атағын берді, деп хабарлайды Ertenmedia.kz. Мұндай шешім батырдың 115 жылдық мерейтойында тарихи әділеттілікті қалпына келтіру мақсатында қабылданған. Президент Жамбыл облысына барған сапарында осы туралы жария етті. Мемлекет басшысының айтуынша, қоғам, зиялы қауым және жастардың көп жылдан бергі өтініштері ескерілген. «Бауыржан Момышұлының батырлығы тарихи деректермен расталып, майдандастарымен мойындалған ерлік. Оның есімі ел есінде мәңгі патриотизм мен ержүректіліктің символы ретінде қалады», – деді Тоқаев. Жақында Астанадағы «Астана Арена» стадионында Момышұлының алып фотомозаикасы жасалған болатын. 2736 шаршы метрлік портретті 570 оқушының суреттерінен құрастырды. Бұл жоба Жеңістің 80 жылдығы мен батырдың 115 жылдық мерейтойына арналды және…

Қазақтардың басым бөлігі орта тапқа тән қарапайым игілікке қол жеткізе алмай отыр. Көпшілік үшін саяхаттау, театрға бару немесе сапалы тамақтану күнделікті өмірдің бөлшегі емес, қол жетпейтін арман. Экономист Қуат Әкіжанов әлеуметтік теңсіздікті жоюдың және ел экономикасын қайта индустрияландырудың тиімді жолы әрбір қазаққа 200–300 мың теңге көлемінде кепілденген базалық табыс (КБТ) тағайындау деп есептейді, деп хабарлайды Ertenmedia.kz. Digitalbusiness-пен сауалдасқан сарапшының айтуынша, қазір халыққа берілетін мемлекеттік қолдаудың көбі жартыкеш, нәтижесіз жобаларға айналған. Бұған мысал ретінде «Келешек» бағдарламасын алға тартты. Бағдарлама бойынша баланың есепшотына жиналатын ақша, есейгенде сапалы білім алуға жетпейді. Осылайша жақсы идеяның түбі шикі болып шығады. «Базалық табыстың шынайы пайда әкелуі…

Депутат Темір Қырықбаев тұрақтандыру қорларының жұмысы мүлдем тиімсіз екенін айтып, қатаң сынға алды, деп хабарлайды Ertenmedia.kz. Кеше бас аудитор Әлихан Смайыловтың бизнесті мемлекеттік қолдау шаралары туралы есебі тыңдалған. Осы талқылау кезінде депутат Темір Қырықбаев тұрақтандыру қорлары бастапқы мақсатын мүлдем ұмытып кеткенін, әлеуметтік маңызы бар азық-түлік бағасын реттеу міндеті орындалмай отырғанын айтты. Депутаттың пікірінше, 2011–2012 жылдары құрылған қорлардың негізгі міндеті нарықта баға құбылған сәтте халыққа арзан әрі сапалы өнімді ұсыну болатын. «Қазір бұл жүйе өз миссиясынан алшақтап, кері жұмыс істеп жатыр», – деді Қырықбаев. Оның айтуынша, әлеуметтік-кәсіпкерлік корпорацияларының бағаны тұрақтандыру жұмыстары тиімсіз. Бұған нақты дәлел бар Мысалы, соңғы бір жылда картоптың…

Санкт-Петербургте Екатерина Биволға қатысты әкімшілік іс қозғалды, деп хабарлайды Ertenmedia.kz. Бұған әлеуметтік желідегі жазбасы себеп болған. Ленин аудандық соты оны өзге ұлт өкілдеріне қатысты кемсітіп, жеккөрушілікті қоздырды деп айыптауда. Бұған дейін Бивол әлеуметтік желіде қазақ және қырғыз халықтарының атына дөрекі әрі қорлаушы сөздер айтқан видео жариялаған. Сарапшылар жүргізген лингвистикалық талдау оның сөзінен ұлтаралық араздық пен бір топтың екіншісінен «артық» екендігін дәріптейтін элементтерді тапқан. Бұл істі Ресейдің ішкі істер министрлігіне қарасты экстремизмге қарсы орталық (орталық «Э») қызметкерлері Telegram-арналарды тексеру кезінде анықтап, іске асырған. Сот отырысы 2026 жылдың 29 қаңтарына белгіленген. РФ әкімшілік құқық бұзушылық кодексінің 20.3.1 бабы бойынша Екатерина Бивол 20…

Қазақстан билігі сәбіздің экспортына уақытша шектеу қоймақшы, деп хабарлайды Ertenmedia.kz. Шектеудің астарында елдің азық-түлік қауіпсіздігін сақтау мақсаты тұр. Ауыл шаруашылығы министрлігі бұл мәселені қоғамдық талқыға шығарып, сәбіздің жаңа және салқындатылған түрін елден шығаруға үш айға тыйым салуды ұсынды. Экспортқа қойылатын уақытша шектеу Еуразиялық экономикалық одақ (ЕАЭО) елдеріне де қатысты болады. Транзиттік тасымалдарға бұл тыйымның қатысы жоқ. Жоба «Ашық НҚА» порталында жарияланып, оны талқылау 29 желтоқсанға дейін жалғасады. Айта кетейік, бұған дейін Қазақстан желтоқсан айынан бастап үшінші мемлекеттер мен ЕАЭО елдерінен тауық жұмыртқасын әкелуге уақытша тыйым енгізген. Мұндағы мақсат жергілікті өндірушілерді қолдау болатын. Бұған дейін 4-ші қаңтардан бастап «бағаны бұғаттау операциясы»…

Астанада Дәулет пен Толқын Тотақановтарға қатысты сот отырысында тараптар жарыссөзі басталды, деп хабарлайды Ertenmedia.kz. Ерлі-зайыпты Тотақановтар ауыр науқасқа шалдыққан ұлдарының еміне қаржы жинаймыз деген желеумен әлеуметтік желілер арқылы 1,5 млрд теңге жымқырды деп айыпталуда. Прокурор Ақтөре Берікұлы айыптаушылардың кінәсі толық дәлелденгенін алға тартып, соттан оларға бас бостандығынан айыру жазасын кесуді сұрады. Тергеу қорытындысына сәйкес, ерлі-зайыптылар ұлдары Әлішердің атымен желіде парақша ашып, Түркиядағы ем-домға деп халықтан көмек сұраған. Алғашқыда қажетті қаржы 50 миллион теңге деп көрсетілгенімен, төрт жыл ішінде түскен қаражат көлемі 1,5 миллиард теңгеге жеткен. Тергеу материалдарында айыпталушылар бұл қаражаттың 481 миллионын әлеуметтік желідегі жарнама мен видеороликтерді ілгерілетуге жұмсағаны айтылған.…