21 сәуірде Қазақстанның басым бөлігінде ауа райы жылы болғанымен, бірқатар аймақтарда жауын-шашын мен қатты жел болжанып отыр, деп жазады Ertenmedia.kz.
Астанада күн райы ашық болады, жауын-шашын күтілмейді. Күндіз ауа температурасы +19…+21°C шамасында, түнде +5…+7°C болады. Алматыда да жауын-шашынсыз ауа райы сақталады, күндіз +21…+23°C, түнде +5…+7°C аралығында.
Шымкентте күн бұлттанып, жаңбыр жауып, найзағай ойнайды деп болжануда. Жел екпіні секундына 15-20 метрге дейін күшейеді. Дегенмен күндізгі температура +26…+28°C деңгейінде қалады.
Ақтауда күн салқындап, күндіз +13…+15°C болады. Бұлтты ауа райы жаңбырмен жалғасып, найзағай ойнауы мүмкін. Ақтөбе мен Атырауда ауа райы ашық, жауын-шашынсыз, температура күндіз Ақтөбеде +16…+18°C, Атырауда +15…+17°C аралығында болжанып отыр.
Қостанай мен Петропавлда жаңбыр жауып, найзағай ойнайды. Желдің екпіні секундына 14 метрге дейін жетуі ықтимал. Қостанайда күндіз +18…+20°C, Петропавлда +19…+21°C.
Қызылорда мен Түркістанда күн жаздай ыстық болып, жауын-шашын болжанбайды. Түркістанда ауа температурасы күндіз +28…+30°C, Қызылордада +27…+29°C-қа дейін көтеріледі.
Шығыс өңірлерде Семей мен Өскемен қалаларында ауа райы ашық, түнде 0…-2°C дейін салқындайды. Дегенмен күндіз Семейде +20…+22°C, Өскеменде +18…+20°C аралығында жылы ауа райы сақталады.
Жалпы алғанда, синоптиктердің болжамынша, Қазақстанда 21 сәуірде ауа райы тұрақсыз болады. Тұрғындарға желдің күшеюі мен найзағай кезінде сақтық шараларын ұстануға кеңес беріледі.
Қазақстанда шетелдіктер үшін ықтиярхат алудың талаптары күшейтілді: енді тіпті әкімшілік айыппұлдардың өзі рұқсат бермеуге негіз болуы мүмкін.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
