Қазақстан мен АҚШ арасындағы диалог жаңа мазмұнға ие бола бастады. Астанада өткен келіссөздер екі елдің экономикалық және стратегиялық әріптестігін тереңдетуге бағытталған нақты қадам ретінде бағаланып отыр, деп жазады Ertenmedia.kz.
ҚР Сыртқы істер министрі Ермек Көшербаев АҚШ Президентінің Оңтүстік және Орталық Азия бойынша арнайы өкілі Серджио Гормен және АҚШ Мемлекеттік хатшысының орынбасары Кристофер Ландаумен кездесті. Келіссөз барысында тараптар экономикалық реформалар, инвестиция, технология, энергетика және өңірлік қауіпсіздік мәселелерін жан-жақты талқылады.
Қазақстан тарапы Вашингтонды елдегі модернизация үдерісін қолдайтын негізгі серіктестердің бірі ретінде қарастыратынын атап өтті. Ермек Көшербаев шетелдік инвестиция тарту, жаңа өндірістер ашу және жоғары технологияларды игеру бағытында бірлескен жобаларды кеңейту қажеттігін жеткізді.
Келіссөздің маңызды бөлігі инновация мен жасанды интеллект тақырыбына арналды. Қазақстан тек дайын технологияларды импорттаумен шектелмей, ғылыми-зерттеу орталықтарын дамытуға және университеттер мен бизнес арасындағы байланысты күшейтуге мүдделі екенін білдірді. АҚШ-пен бірлескен білім және технология жобаларын кеңейту мәселесі де қарастырылды.
Энергетикалық қауіпсіздік пен маңызды минералдар мәселесі де негізгі тақырыптардың бірі болды. Қазақстан уран, мұнай-газ және сирек металдар нарығында тұрақты позицияға ие ел ретінде сенімді әріптес болуға дайын екенін жеткізді. Сонымен қатар шикізатты экспорттаумен шектелмей, оны ел ішінде өңдеу, қосылған құнды арттыру және жаңа өндірістер құру бағыттары талқыланды.
Тараптар жеткізу тізбектерінің тұрақтылығы мен көлік дәліздерін әртараптандыру мәселесіне де тоқталды. Қазақстан Орталық Азияны жаһандық логистиканың маңызды буынына айналдыруды көздеп отыр.
Кездесуде өңірлік күн тәртібі де назардан тыс қалмады. C5+1 форматы аясындағы ынтымақтастықты тереңдету және оны нақты жобалармен толықтыру қажеттігі айтылды. Бұл алаң Орталық Азия елдері мен АҚШ арасындағы өзекті мәселелерді бірлесіп шешуге бағытталған.
Сонымен қатар Қазақстан Президентінің алдағы C5+1 саммитіне қатысуы жөнінде пікір алмасу өтті. Бұл қадам елдің көпжақты дипломатияға ашық екенін және өңірлік интеграцияны қолдайтынын көрсетеді.
Келіссөз барысында қауіпсіздік мәселелері де талқыланды. Терроризмге қарсы күрес, киберқауіпсіздік, шекара тұрақтылығы және санкциялық саясаттың жанама әсерлері бойынша ортақ ұстанымдар қарастырылды. Қазақстан халықаралық құқыққа негізделген диалогты қолдайтынын жеткізді.
Кездесу қорытындысында тараптар стратегиялық серіктестікті одан әрі нығайтуға дайын екенін растады. Қазақстан үшін бұл диалог экономикалық реформаларды қолдауға және өңірлік тұрақтылықты күшейтуге мүмкіндік береді.
Балықты «миға пайдалы тағам» деп бекер айтпайды. Оның құрамында ағзаға аса қажет Омега-3 май қышқылдары бар.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
