Қазақстанның бірқатар өңірінде 7 маусым күні солтүстікте найзағайлы жаңбыр, бұршақ және екпінді жел күтіледі. Ал оңтүстік пен шығыста ауа температурасы +35 градусқа дейін көтеріледі, деп жазады Ertenmedia.kz..
Астанада жауын-шашын болмайды. Ауа температурасы түнде +14…+16 градус, күндіз +28…+30 градус шамасында болады.
Алматыда аздаған жаңбыр жауып, найзағай ойнауы мүмкін. Күндіз ауа температурасы +26…+28 градусқа дейін көтеріледі.
Шымкентте жауын-шашын күтілмейді. Күндіз +32…+34 градус ыстық болады. Түркістанда да аптап сақталып, ауа температурасы +33…+35 градусқа жетеді.
Қызылордада күн ашық болады. Мұнда күндіз +34…+36 градусқа дейін ыстық күтіледі. Павлодарда да ауа температурасы +33…+35 градусқа дейін көтеріледі.
Солтүстік өңірлерде ауа райы құбылмалы болады. Көкшетау мен Қостанайда жаңбыр мен найзағай болжанған. Петропавлда жаңбыр, найзағай, бұршақ және дауылды жел күтіледі. Желдің екпіні секундына 20 метрге дейін жетуі мүмкін.
Батыс Қазақстанда да тұрақсыз ауа райы сақталады. Оралда жаңбыр, найзағай, бұршақ және шквал болжанып отыр. Атырауда таңертең және күндіз жаңбыр жауып, найзағай ойнайды. Ақтөбеде де жауын-шашын күтіледі.
Қарағандыда күннің екінші жартысында аздаған жаңбыр жаууы мүмкін. Жезқазғанда жауын-шашын болмайды, күндіз +30…+32 градусқа дейін жылынады.
Семейде түстен кейін жаңбыр мен найзағай күтіледі. Желдің екпіні секундына 18 метрге дейін күшеюі ықтимал. Өскеменде жауын-шашынсыз күн болжанған.
Талдықорған мен Таразда ауа райы ашық болады. Күндіз Талдықорғанда +29…+31 градус, Таразда +31…+33 градус жылы болады.
Ақтауда жауын-шашын күтілмейді. Каспий жағалауында ауа температурасы +22…+24 градус шамасында сақталады.
Синоптиктер найзағай, бұршақ және қатты жел күтілетін өңір тұрғындарына сақ болуға кеңес береді. Әсіресе солтүстік пен батыс облыстарда ауа райы күрт өзгеруі мүмкін.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
