Алматы облысының әкімі Марат Сұлтанғазиев Талғар ауданы әкімі аппаратының басшысы Аслан Қасымбаев қызметтен өз еркімен кеткенін мәлімдеді, — деп хабарлайды ErtenMedia.kz. ОКҚ брифингінде журналистер облыс әкімінен Аслан Қасымбаевтың отставкаға кету себептерін сұрады. Әкімнің сөзінше, Қасымбаев өз еркімен жұмыстан кету туралы арыз жазған. «Ол берілген өтініш негізінде жұмыстан шығарылды», — деп жауап берді Сұлтанғазиев. Айта кетейік, 15 қазанда Талғар қаласының әкімі Қуатбекұлы Бахыт Күрішбеков, Талғар қаласы әкімінің орынбасары Матан Сағындық өз міндеттерін тиісті деңгейде атқармағаны үшін лауазымдарынан босатылды. Еске салайық, 4 қазанда түнде Талғарда 16 жастағы жасөспірім өлтірілді. Қайғылы оқиға болған күні Шерзат Болат дүкенде жұмыс істейтін әкесіне көмектескен. Кәмелетке толмаған баланы…
Автор: editor
Маңғыстау облысының әкімі Нұрдәулет Қилыбай Ақтаудағы бұрынғы Президент резиденциясы орнында не салынатынын айтты, — деп хабарлайды ErtenMedia.kz. Аудан тұрғындарымен кездесу барысында өңір басшысына бұрынғы резиденция орналасқан жерді игеру бойынша сұрақ қойылды. Әкімнің айтуынша, 225 гектар аумаққа 10 мың орындық стадион, мешіт, балалар алаңдары, сондай-ақ шағын және орта бизнесті дамытуға ықпал ететін нысандар салу жоспарланып отыр. «Бұл аумақ қаланың бас жоспарына енгізілген, келісу және мемлекеттік сараптамаға дайындау кезеңдері жүріп жатыр. Самал шағынауданында орналасқан жер учаскесі 2023 жылдың жазында мемлекет меншігіне қайтарылды. Бұрын бұл аумақтың бағалау құны шамамен бір миллиард теңге болған», — деді өңір әкімі.
13 желтоқсанда Алматы қаласында қазақ қаламгерлерінің қара шаңырағы Қазақстан Жазушылар одағының 90 жылдығына арналған салтанатты шара өтті. Одақтың мерейтойы – жазушылар үшін ғана емес, барша көзі қарақты қауым үшін тарихи мәні зор оқиға. Салтанатты жиынға Қазақстан Республикасының Мемлекеттік кеңесшісі Ерлан Қарин, Мәдениет және ақпарат министрі Аида Балаева, ТҮРКСОЙ халықаралық ұйымының бас хатшысы Сұлтан Раев, Еуразия Жазушылар одағының президенті Уфук Тузманқатысты. Мемлекеттік кеңесші Ерлан Қарин Қазақстан Республикасының Президенті Қасым-Жомарт Тоқаевтың Одақтың 90 жылдығына орай жолдаған құттықтау хатын оқып берді. Мемлекет басшысының хатында «Жазушылар одағы – руханиятымыздың алтын діңгегі. Бұл ұйым қаламгерлеріміздің кәсіби қауымдастығы ретінде төл әдебиетіміз бен мәдениетімізді өркендетуге және оны әлемге танытуға зор ықпал етеді. Сөз өнерінің қарашаңырағын ұлттық бірегейлігіміздің берік тұғыры деуге…
Активтерді қайтару жөніндегі комитет Құлыбаевтың ізіне түскені қаншалық рас? — деп хабарлайды ErtenMedia.kz. Tengrinews.kz мәліметінше, бұған дейін БАҚ Құлыбаевтың атына Бас прокуратураның Активтерді қайтару жөніндегі комитеті талап арыз қойғанын хабарлады. Соттың баспасөз қызметінен осы мәліметтің рас-өтірігі сұралған. Алайда Алматы соты сот жабық режимде өтіп жатқанын хабарлаған. «Азаматтық іс жүргізу кодексінің 19-бабына сәйкес жабық режимде қаралатын істер бойынша сот ақпарат бермейді», — деп жазылған Алматы қалалық сотының Tengrinews.kz-ке жауабында. Tengrinews.kz Бас прокуратураның Активтерді қайтару комитетіне де жүгінген. Ведомство өкілдері комитет «Заңсыз сатып алынған активтерді мемлекетке қайтару туралы» заң шеңберінде әрекет ететінін және тиісті комиссияның шешімдерін басшылыққа алатынын мәлімдеді. «Активтерді қайтару жөніндегі уәкілетті орган…
Шерзат Болаттың өліміне қатысты тергеу қашан аяқталатыны белгілі болды. Алматы облысының прокуратурасы мәлімдеме жасады, — деп хабарлайды ErtenMedia.kz. Прокуратура мәліметінше, Шерзат Болаттың өліміне қатысты соталды тергеу аяқталу сатысында тұр, тергеу жүргізілген, барлық күдікті ұсталған. «Қазір сараптама нәтижелері шыққанын күтіп отырмыз, содан кейін процеске қатысушыларға танысу үшін беріледі. Қаржаубай Нұрымовтың үйін өртеуге және Нұрғанат Ғайыпбаевтың өз-өзіне қол жұмсауына қатысты қылмыстық істер бойынша тергеу барысы Бас прокуратураның бақылауында. Жұртшылықты жалған ақпарат таратпауға шақырамыз», — деп жазылған Алматы облысы прокуратурасының хабарламасында. Еске салайық, бұған дейін Талғарда жаппай төбелес болып, салдарынан 16 жастағы жасөспірім Шерзат Болат көз жұмды. Кәмелетке толмаған баланы өлтіру фактісі бойынша Алматы…
Перизат Қайраттың тағы біраз мүлкі тәркіленді. Бұл жолы тек пәтер, көлік емес, сөмкелер мен құны миллион теңгеден басталатын қымбат әшекей бұйымдар да бар, — деп хабарлайды ErtenMedia.kz. Қоғамдық қайырымдылық қордың тең құрылтайшысы және басшысы Перизат Қайратқа қатысты тергеу әлі жүріп жатыр. Қаржылық мониторингі агенттігі мәліметінше, ол көктемгі су тасқынынан зардап шеккен азаматтарға көмек көрсету үшін, сондай-ақ, Палестина тұрғындарына гуманитарлық көмек көрсету мақсатында жиналған 1,7 млрд теңгеден аса қаражатты жымқырды деп күдікке ілініп отыр. «Перизат Қайраттың тұрғылықты жерін тінту барысында қайырымдылыққа жиналған қаражатқа сатып алынған қымбат техника, Cartier, Graff, Rolex, Bulgari, Gucci, Louis Vuitton, Versace, Chopard, Hermes, Dolce & Gabbana, Prada және т.…
Перизат Қайраттың бірнеше миллиондық мүліктері бұғатталды, — деп хабарлайды ErtenMedia.kz. Қоғамдық қайырымдылық қордың тең құрылтайшысы және басшысы Перизат Қайратқа қатысты тергеу әлі жүріп жатыр. Қаржылық мониторингі агенттігі мәліметінше, ол көктемгі су тасқынынан зардап шеккен азаматтарға көмек көрсету үшін, сондай-ақ, Палестина тұрғындарына гуманитарлық көмек көрсету мақсатында жиналған 1,7 млрд теңгеден аса қаражатты жымқырды деп күдікке ілініп отыр. «Сот санкциясымен қылмыстық жолмен алынған қаражатқа сатып алынған Астана қаласындағы «Akbulak Riviera», «Highvill Ishim Gold», «Көк Жайлау» (тұрақ орындарын қоса алғанда), «Sensata Plaza» ТК, сондай-ақ, «Vela Village» коттедж қалашығындағы элиталық жылжымайтын мүлік, Mercedes-Benz S450, Mercedes-Benz EQE 500, Lexus LX-600, Haval автомобильдері бұғатталды. Перизат Қайраттың тұрғылықты…
Бүгін ҚР Туризм және спорт министрі Ербол Мырзабосыновтың қызметіне кіріскеніме 100 күн толды. Осы уақыт аралығында министрлік Мемлекет басшысының тапсырмаларына сәйкес нақты мақсаттар қойылып, соларды жүзеге асыру бағытында бірқатар маңызды жұмыстар атқарды, – деп хабарлайды Dalanews.kz. Өз кезегінде ҚР Туризм және спорт министрі Ербол Мырзабосынов алда әлі де жоспарланған көп екенін алға тартты. Ол Ұлттық арнаның тікелей эфирінде сұхбат беріп, туризм және спорт саласы туралы кеңірек айтты. Сұхбат барысында Мырзабосынов спорт басқармалары басшыларының жаппай ауысуын түсіндіріп те берді. Күні бүгінге дейін еліміз бойынша оннан астам өңірде спорт басқармаларының басшылары қызметтерінен босатылды. – Мұнда объективті тәсіл бар: соңғы жылдары лицензия саны…
Қазақстан бюджет тапшылығын жою үшін Азия Даму банкінен тағы да қарыз алады, — деп хабарлайды ErtenMedia.kz. Сенат Азия Даму Банкімен қарыз келісімін ратификациялау туралы заң жобасын қабылдады. Бұл келісім Қазақстан Республикасына республикалық бюджеттің тапшылығын жабу және қаржы тұрақтылығын қамтамасыз ету үшін қарыз алуға мүмкіндік береді. Келісім бойынша қарыз 2038 жылдың 1 желтоқсанына дейін өтелуі тиіс, оның ішінде 2027 жылдың 1 маусымына дейін жеңілдікті кезең қарастырылған. Қарыздың негізгі борышын және қарыздың жалпы негізгі сомасының пайызын өтеу Келісімге қоса берілген кестеге сәйкес жүзеге асырылатын болады. «Азия Даму Банкі Қазақстан Республикасына 2027 жылғы 1 маусымға дейінгі жеңілдікті кезеңді қоса алғанда, 2038 жылғы 1 желтоқсанға…
Шымкент қаласы Қылмыстық істер жөніндегі ауданаралық сотының судьясына қатысты тергеу аяқталды, — деп хабарлайды ErtenMedia.kz. Сыбайлас жемқорлыққа қарсы іс-қимыл агенттігі шымкенттік судьяға және басқа да адамдарға қатысты тергеуді аяқтады. «Олар алаяқтық жасағандары және үкім шығарған кезде жазасын жеңілдету үшін сотталушының жұбайын 110 млн теңге мөлшерінде пара беруге итермеледі деп айыпталып отыр», — деп жазылған хабарламада. Бас прокуратура 5 желтоқсанда қылмыстық істі сотқа жолдады. Антикор Қылмыстық-процестік кодекстің 201-бабының ережелеріне сәйкес өзге ақпаратты жарияламады.
