Петербордағы «Шок» радиосының тікелей эфирінде тосын оқиға болды. Нұрлан есімді Қазақстан азаматы студияға баса-көктеп кіріп, микрофонды жұлып алып, Кремльге қарсы үндеу жасаған деп жазады Ertenmedia. Әзір ресейлік күш құрылымдары оның әрекетін мұқият тексеріп жатыр. Оқиға эфирде әдебиет жайлы әңгіме жүріп жатқан кезде болған. Радио қонағы, баспагер Глеб Стафеевтің айтуынша, эфир басталғаннан кейін арада он минуттай уақыт өткенде студия есігін бөгде біреу тарсылдатып қаға бастаған. Есікті ашқан бетте бейтаныс адам жүргізушіге күш көрсетіп, орындыққа жайғасып, тікелей эфирді талап еткен. Талабы орындалмаған жағдайда әлгі жердің күлін көкке ұшыратынын айтып қорқытқан екен. «Ол студиядағы құрал-жабдықтарды өз бетімен басқаруға тырысты. Жағдайды ушықтырмау үшін оны…
Автор: editor
Мемлекеттен жүздеген миллиард теңге бөлінсе де, Қазақстандағы әлеуметтік-кәсіпкерлік корпорациялардың (ӘКК) жұмысы тиімсіз, елге еш пайдасы жоқ жобалармен айналысып отыр, деп жазады Ertenmedia. Жоғары аудиторлық палатаның соңғы тексерісі осыны анықтады. Соңғы бес жылда бюджеттен ӘКК-лардың есепшотына 528 млрд теңге (!) аударылған. Оның жартысынан көбі кәсіпкерлікке қолдау көрсетуге бөлінген. Бірақ нақты инвестициялық жобаларды іске асырудың орнына, кейбір корпорациялар ақшаны депозитке салып, табысы төмен коммерциялық схемаларға жұмсап келген. Бас аудитор Әлихан Смайыловтың айтуынша, ӘКК-лар қазір өздеріне берілген нақты міндетпен емес, өңірдегі басшылықтың қалауымен ғана жұмыс істейді. «ӘКК-лардың әрекеті көбіне Кәсіпкерлік кодексіне қайшы келеді. Олар мемлекеттік жоспарлау жүйесіне кірмегендіктен, әкімдіктің жұмыс сапасына да әсер…
Орал қаласында экологиялық әрі әлеуметтік маңызы жоғары жаңа ботаникалық бақ ашылып, жаңа спорттық нысанның іргетасы қаланды. Іс-шараларға БҚО әкімі Нариман Төреғалиев пен Freedom Holding Corp компаниясының басшысы Тимур Турлов қатысып, бұл жобалардың өңір дамуына қосатын үлесін атап өтті, деп жазады Ertenmedia.kz. Жаңа ботаникалық бақ «Қуатты өңірлер – ел дамуының драйвері» ұлттық жобасы аясында жүзеге асырылды. Оның аумағында 1500-ден астам ағаш, 11 000-нан аса бұта отырғызылып, тынығуға арналған демалыс аймақтары, шахмат және үстел теннисі алаңдары, жаяу жүргіншілер жолдары салынды. Сонымен қатар сирек кездесетін өсімдіктерді сақтау, жаңа түрлерді бейімдеу және ғылыми тәжірибелер жүргізуге мүмкіндік беретін инфрақұрылым да қарастырылған. Бұл аумақ қала табиғатын…
Сиднейдегі әйгілі Crown казиносында 1 миллион доллардан астам қаржыны алаяқтық жолмен ұтып алған қазақстандық ерлі-зайыптылар ұсталды, деп хабарлайды Ertenmedia. Жаңа Оңтүстік Уэльс полициясы Ділноза Исраилова мен Әлішерқожа Исраилов есімді Қазақстан азаматтарының қулық-сұмдық әрекеттер арқылы ірі көлемде ақша жымқырғанын анықтады. Тәртіп сақшыларының мәліметінше, ерлі-зайыптылар казино үстелінде ойын барысында жасырын байланыс құралдарын қолданған. 36 жастағы Ділноза киіміне кішкентай камераны білдіртпей орнатып, ойын үстелін түсіріп отырған. Түсірілім жасырын телефон байланысы арқылы сырттағы серіктеске жіберіліп, сол жерден жасырын құлаққап арқылы ойыншыға қандай картаға және қандай ставка жасау керектігі жөнінде нұсқау түсіп отырған. Полицияның айтуынша, қазақстандық жұп осы әдіспен екі ай ішінде қазан мен қараша…
Қытай билігі 2026 жылдың қаңтарынан бастап контрацепция препараттары мен жүктіліктен сақтануға арналған заттарға қосымша құн салығын енгізеді, деп хабарлайды Ertenmedia. Елде соңғы отыз жылда мұндай тауарлар алғаш рет салыққа ілігіп отыр. Бұған дейін, 1993 жылдан бері, яғни Қытайда «бір отбасы – бір бала» саясаты белсенді жүрген кезде, контрацептивтер салықтан босатылған болатын. Ол кезде мемлекет туу көрсеткішін тежеуге мүдделі еді. Қазір жағдай мүлдем басқа: Бейжің керісінше, бала санын арттыруды көздеп отыр. Жаңа өзгеріске сәйкес, контрацепция құралдарына 13 пайыз ҚҚС салынбақ. Bloomberg агенттігінің мәліметінше, бұл Қытайдың демографиялық саясатына енгізген кешенді өзгерісінің бір бөлігі ғана. Салық заңнамасына енгізілген түзетулерде балабақша, бөбекжай қызметі, қарттар…
Қазақстандық CPC Blend мұнай сортының экспорты былтырғы ақпаннан бергі ең жоғары деңгейге жетті, деп хабарлайды Ertenmedia. Reuters агенттігінің дерегінше, Анкара ресейлік Urals маркалы мұнайды сатып алу көлемін күрт қысқартып, санкцияға ілікпеген Қазақстан мен Ирак шикізатын көбірек импорттай бастаған. Бұған дейін Түркия Ресей мұнайын ең көп тұтынатын елдердің қатарында Қытай мен Үндістанмен бірге алдыңғы орында тұрған еді. Қазан айымен салыстырғанда, Түркияға жеткізілетін Urals көлемі үштен бірге азайып, тәулігіне 200 мың баррельді құрады. Бұған Ресейдің «Роснефть» пен «Лукойл» секілді ірі компанияларына АҚШ санкциясының күшейтілуі себеп болды. Нәтижесінде түрік мұнай өңдеу зауыттары балама жеткізушілер іздеуге мәжбүр. «Қазақ мұнайы Ресей шикізатының орнын басуға қолайлы…
Жетісу облысында 588 кәсіпорын бар, соның 378-і өңдеу өнеркәсібінде жұмыс істейді. Осы жылдың он айында өнеркәсіп өндірісінің көлемі 323,2 млрд. теңгені құрады. Ал өңдеу өнеркәсібіндегі өндіріс көлемі 240,1 млрд. теңгені құраған, деп жазады Ertenmedia.kz. Бүгінде облыстағы кәсіпорындарының өнімділігін арттырып, өндіріс көлемін ұлғайту үшін үнемі цифрландыру элементтері енгізіле отырылып, жаңғыртылады. Мәселен, осы жылы «Қайнар АКБ» ЖШС өнеркәсіптік аккумуляторлар шығаратын жаңа желіні іске қосып, жаңғырту жүргізді. Сондай-ақ қойма, монтаждау желісі, лазерлік таңбалау және жұмыс уақытын есептеу жүйесі автоматтандырылды. Сол сияқты «Метакон» ЖШС металды лазерлік кесу және металл конструкцияларды роботтық дәнекерлеу жүйесін енгізді, ал «Алацем» ЖШС робот-паллетайзермен жабдықталған орау цехын ашты. Сонымен қатар…
Брюссельде Қазақстан Сыртқы істер министрі Ермек Қошербаев пен Еуропалық одақтың сыртқы істер және қауіпсіздік саясаты жөніндегі жоғары өкілі Кая Каллас төрағалығымен кездесу өтті. Кездесу қорытындысында 2 желтоқсанда қазақстандықтар үшін визалық режимді жеңілдету жөніндегі келіссөздер басталатыны жарияланды. Кездесуде реадмиссия туралы келісім бойынша да диалог жүреді. Яғни әңгіме тек саяси мәлімдемемен шектелмей, азаматтардың жүріп-тұруына тікелей әсер ететін нақты келісімдер туралы болып отыр. Еуропалық одақ Қазақстанның ең ірі экономикалық әріптесі саналады. Сауда айналымы 50 млрд доллар шамасында, ЕО-тан келген тікелей инвестициялар көлемі 200 млрд долларға жеткен. Ел аумағында төрт мыңнан астам еуропалық компания жұмыс істейді. Сондықтан виза мәселесін жеңілдету бизнес, логистика, білім және…
Астанада жүзеге асып жатқан JOLTAP жобасы төрт баланың анасы Нұргүл Жұмабекқызына жаңа мамандық меңгеріп, өзіне ыңғайлы кестемен жұмыс табуына мүмкіндік берді. Айтуынша, тігін ісін тегін оқытқан курс оның кәсіби бағытын түбегейлі өзгерткен, деп хабарлады елорда әкімдігінің ресми сайты. Нұргүл Жұмабекқызы – 4 баланың анасы. Негізгі мамандығы – мұғалім. Алайда осыған дейін мамандығы бойынша жұмыс істемеген екен. «Үйде бала тәрбиесімен отырған анамын. Осы уақытқа дейін әртүрлі жұмыс істеп, өзімнің бағытымды айқындай алмай жүрдім. Істеген жұмыстарым көңілімнен шыққан жоқ. Бір күні қызым JOLTAP жобасы бойынша тегін курсты оқығысы келетінін айтты. Ол кезде оның жасы 18-ге толмаған еді. Ата-анасының бірі бірге баруы керек…
Белгілі журналист Дәурен Қуат Ресей президенті Владимир Путиннің осыдан бәленбай жыл бұрын «қай елде тұрса да, орыстілділердің құқығын қорғаймыз» деген әйгілі мәлімдемесі Қазақстандағы саяси ахуалға тікелей ықпал етті деп есептейді, деп жазады Ertenmedia. Журналистің пікірінше, Путиннің Кремльде тұрып, кейін Астанаға ресми сапары барысында тағы бір мәрте айтқан осы пікірі ел ішіндегі Мәскеуге бүйрегі бұратын топтардың еңсесін көтеріп жіберген. «Мәлімдеменің астарында «абайлаңдар, қажет болса соғыс ашамын» деген айқын ескерту жатқан еді. Кремльдің қабағына қарағыш Астана осыдан кейін Кеңес дәуірін аңсаушылардың талтаңдауына жол берді», – дейді ол. Дәурен Қуаттың айтуынша, ел билігінің жалтақтығын пайдаланған Мәскеудің саясаткерлері мен жалған ғалымдары қазақтардың тарихын, мәдениетін…
