Автор: Асылхан Бөрібай

Қазақстанның бірқатар өңірі жылу маусымына дайын емес. Премьер Бектенов қысқа дайындықты созбалаңға салған басшыларды сынға алып, жұмысты жүрдектетуді бұйырды, деп хабарлайды Ertenmedia.kz. Үкіметбасы жылыту маусымының басталуына әрі кетсе бір ай қалғанын еске салды. Соңғы мәлімет бойынша, Көкшетау, Теміртау және Жезқазған қалаларында күрделі жағдай байқалады. Алматы және Солтүстік Қазақстан облыстарында жылу желілерін жөндеу қарқыны да көңіл көншітпейді. «Қолымдағы ақпаратқа сәйкес, бірқатар өңірде жөндеу жұмыстарын уақытында аяқтамау қаупі бар», – деді Олжас Бектенов. Үкімет басшысы биыл энергетикалық нысандарды жөндеуге 851 миллиард теңге қарастырылғанын айтты. Бұл былтырғыдан 60 пайызға көп. Соның ішінде «Тарифті инвестицияға айырбастау» бағдарламасы арқылы шамамен 384 миллиард теңге бөлінген. Аталған…

Халық партиясының бұрынғы төрағасы, атышулы Ермұхамет Ертісбаев саясаттан кететінін мәлімдеді. Ол мұндай шешімді НПК Құрылтай сайлауындағы 5 пайыздық межеден өте алмағаннан кейін қабылдаған, деп хабарлайды Ertenmedia.kz. «Мен белсенді саясаттан кетемін. Саяси өмірбаянымның осы кезеңі аяқталды деп санаймын. Бізге дауыс берген, сайлау науқанында еңбек еткен, үгіт жүргізген, пікірталасқа қатысып, бағдарламамызды қорғаған және бізге сенген барша азаматқа зор алғыс айтамын», – деді Ертісбаев. Айтуынша, сайлау науқанында Халық партиясы «қазақстандық социализм» идеясын ұсынған. Партия әлеуметтік әділдік, еңбек адамының құқығын қорғау, қолжетімді медицина мен білім, лайықты қарттық және ұлттық байлықты әділ бөлу мәселесін көтерген. Алайда аталған бағдарлама сайлаушылар тарапынан партия күткендей кең қолдау таппады.…

Президент Тоқаев Құрылтай сайлауынан кейін Үкімет отставкаға кететінін мәлімдеді, деп хабарлайды Ertenmedia.kz. Дей тұрғанмен, Тоқаевтың сөзінен Бектенов командасының жұмысына қатысты саяси кінәрат немесе елеулі наразылық жоғын аңғаруға болады. «Бектенов? Сіздерге ашық айтайын, Үкіметтің жұмысына алаңдауға немесе оның қызметіне көңіл толмайды деуге ешқандай негіз жоқ. Министрлер де, Үкімет басшысы да бар күшін салып жатыр. Сондықтан кішігірім өзгеріс жасаймыз. Кадрлық ауыс-түйіс қашанда қажет. Ол Үкімет жұмысына тың күш береді», – деді Тоқаев. Президент кадр ауыстыруды біреуді қызметтен кетірудің амалына айналдыруға қарсы екенін де айтты. Пайымынша, шенеунікті жұртқа ұнау немесе ақпарат кеңістігін уақытша дүрліктіру үшін орнынан алу дұрыс емес. Тоқаевтың мәлімдемесі алдағы кадрлық…

Нұрсұлтан Назарбаев Құрылтай депутаттарын сайлауға үйінен қатысты. Жуырда ота жасатқан экс-елбасыға жылжымалы дауыс беру жәшігі жеткізілді, деп хабарлайды Ertenmedia.kz. Назарбаевтың баспасөз қызметі оның денсаулық жағдайына байланысты сайлау учаскесіне бармай, заңда қарастырылған тәртіппен үйінде дауыс бергенін мәлімдеді. Жарияланған суретте экс-президенттің бюллетеньді Қазақстанның мемлекеттік елтаңбасы бейнеленген жәшікке салып тұрғаны көрінеді. Оған ота жасалғаны және қазіргі жағдайы жөнінде қосымша мәлімет берілген жоқ. Қаңтардан кейін зейнетке шыққан айтқан Назарбаев соңғы жылдары қоғамдық-саяси іс-шараларға сирек қатысып жүр. Бұған дейін экс-президенттің баспасөз хатшысы оның тарих қойнауына сіңген «Аманат» партиясына түк қатысы жоқ деп мәлімдеген. «Әбішұлының әлгі партияға қандай қатысы бар? Ол өзінің президенттік өкілетін 2019 жылы…

Президент Тоқаев жұрт алдында құшақтасып, сүйісіп амандасу үрдісін сынға алды. Мемлекет басшысы қоғамдағы қарым-қатынас мәдениетін төл дәстүрге қайта бейімдеу қажет деп санайды, деп хабарлайды Ertenmedia.kz. Айтуынша, әлгіндей әдет жастармен ғана шектелмей, егде жастағы адамдар мен әскери қызметшілердің арасында да кең тарап барады. «Жастардың да, егде жастағы адамдардың да жүріс-тұрысын бақылап, төл дәстүрімізді қайта еске түсіретін уақыт келді деген ойға тоқтадым. Ер адамдардың бір-бірін құшақтап, сүйгені, әйелдердің ер адамдарды, ер адамдардың әйелдерді сүйіп амандасқаны жараспайды. Мұндай әдет бұрын салтымызда болмаған. Тіпті әскери формадағы адамдар мен генералдар да бір-бірін құшақтай бастады. Мұны қалай түсінуге болады?» – деді Тоқаев. Президенттің сөзінен кейін елдегі…

Павлодарда 100 жастағы соғыс ардагері Сергей Выжутович Құрылтай депутаттарын сайлауда дауыс берді. Денсаулығына байланысты сайлау учаскесіне бара алмаған майдангердің үйіне жылжымалы дауыс беру жәшігі жеткізілді, деп хабарлайды Ertenmedia.kz. Сергей Выжутовичтің бір ғасырлық ғұмыры ел тарихындағы тұтас дәуірлерді қамтиды. Ол соғыс қасіретін де, Жеңіс қуанышын да көрді. Қираған елді қалпына келтіру кезеңіне араласып, кейінгі онжылдықтардағы даму, тоқырау, тәуелсіздік пен жаңа мемлекеттің қалыптасуына куә болды. Талай алмағайып кезеңді бастан өткерген ардагер ел болашағына деген сенімін жоғалтпаған. Жасы жүзге келсе де, мемлекет өміріндегі маңызды науқаннан шет қалмай, өзінің азаматтық таңдауын жасады. – Мұндай кезде бейжай қалуға болмайды. Уақыт өтіп жатыр, өзгерістер болуы мүмкін.…

Құрылтай сайлауында дауыс беруге келген Мәжілістің экс-төрағасы Ерлан Қошанов әлемжеліде өзін «ұсталды» деп тараған ақпаратқа жауап қатты. Ол әлгі жазбаларды қоғамды адастыруға бағытталған арандатушылық деп бағалады, деп хабарлайды Ertenmedia.kz. Журналистер экс-спикерден алдағы жеке жоспары туралы да сұрады. Қошанов сайлау күні өзінің саяси болашағын талқылауды жөн көрмейтінін аңғартты. «Бүгін бе, бүгін тарихи күн. Елдің ертеңін айқындап жатырмыз. Сондықтан дәл қазір менің жеке басымның болашағы емес, елдің болашағы туралы сөйлесейік», – деді ол. Қошанов әлемжеліде тараған «экс-спикер ұсталды» деген мәліметтің шындыққа жанаспайтынын мәлімдеді. Посмотреть эту публикацию в Instagram Публикация от Ertenmedia.kz (@ertenmedia.kz) «Оның жалған ақпарат екені анық қой. Мұндай жазбаны…

Павлодардағы Құрылтай сайлауының ең тосын қатысушысы қала бойтұмары – қылыштісті жолбарыс ЕРТІС болды. Өңірдің тарихы мен табиғи мұрасын бейнелейтін маскот сайлау учаскесіне келіп, символдық түрде өз таңдауын жасады, деп хабарлайды Ertenmedia.kz. ЕРТІС сайлау жәшігіне бюллетень салып, ел өміріндегі маңызды қоғамдық-саяси науқанға қатысты. Қала бойтұмарының учаскеге келуі дауыс беру барысына ерекше реңк беріп, сайлаушылардың назарын аударды. Қылыштісті жолбарыс образы Павлодар өңірінің бағзы тарихымен байланысты. Ертіс-Баян даласында ежелгі жануарлардың мекендегенін айғақтайтын палеонтологиялық мұралар кездеседі. Сондықтан ЕРТІС бейнесі қаланың өткені мен бүгінін сабақтастыратын нышан ретінде таңдалған. Бойтұмардың сайлауға қатысуы заңдық рәсімнен гөрі қоғамдық науқанды қолдауға бағытталған символдық қадам саналады. Осы арқылы ұйымдастырушылар тұрғындарды…

Қасым-Жомарт Тоқаев 2029 жылғы президент сайлауына қатысу мүмкіндігіне қатысты пікір білдірді. Мемлекет басшысы қайта сайлануға заңды құқығы бар екенін растағанымен, нақты шешім туралы айтуға әлі ерте деп отыр, деп хабарлайды Ertenmedia.kz. Президент Конституциялық соттың жаңа Ата заң күшіне енгесін мемлекеттік лауазымдарға қайта сайлану немесе тағайындалу тәртібіне қатысты шешіміне сүйенді. «Конституциялық сот осындай шешім қабылдады. Ол, әрине, заңды. Менің қайта сайлануға заңды түрде құқығым бар. Алайда алдағы сайлауға барам ба, бармаймын ба, ол қай жылы өтеді деген мәселені әзір талқылау ерте», – деді Тоқаев. Мемлекет басшысы дәл қазір саяси науқаннан бұрын ел алдында тұрған міндеттерге назар аудару қажет деп отыр. Соның…

Қазақстанның вице-президенті кім болатыны алдағы 10 күн ішінде айқындалады. Тоқаев жаңа қызметке елге жақсы таныс, белгілі тұлға тағайындалатынын мәлімдеді, деп хабарлайды Ertenmedia.kz. Құрылтай сайлауында дауыс берген Мемлекет басшысы кандидаттың есімін дәл қазір атауға әлі ерте деп отыр. «Вице-президент қызметіне қатысты сауалды жан-жақтан қойып жатырсыздар. Расында, бұл елеулі өзгеріс. Біз Ата заңда жаңа лауазымды саналы түрде бекіттік. Қазіргі күрделі кезеңде мұндай қызмет елімізге айрықша қажет», – деді Тоқаев. Айтуынша, алғашқы вице-президенттің есімі келесі аптада немесе 10 күн ішінде белгілі болады. «Ол ма, ол баршаңыз жақсы білетін белгілі адам», – деді Мемлекет басшысы. Тоқаев кандидаттың есімін құпия ұстағанымен, оның ел-жұртқа бейтаныс тұлға…