Автор: Лейла Болтаева

Бүгін Алматы мемлекеттік бизнес колледжінде қазақ поэзиясының алып тұлғасы, ақиық ақын Мұқағали Мақатаевтың 95 жылдығына орай колледжішілік «Мұқағали оқулары» әдеби байқауы өтті, деп жазады Ertenmedia.kz. Шара студент жастардың қазақ әдебиетіне қызығушылығын арттырып, көркем сөзге деген құрметін қалыптастыру мақсатында ұйымдастырылды. Байқауға 1-3 курс студенттері қатысып, ақынның өлеңдерін мәнерлеп оқу және әдеби-сахналық қойылымдар арқылы Мұқағали поэзиясындағы терең философиялық ойды көрермен жүрегіне жеткізе білді. Қатысушылар өлеңдерді тек жатқа айтып қана қоймай, ақынның ішкі толғанысын жүрекпен сезініп жеткізуге тырысты. Қорытынды бойынша жеңімпаздар: І орын – 1 курс студенті Әмір Балым ІІ орын – 1 курс студенті Жеңісбек Балнұр ІІІ орын – 2 курс студенті Калиев Нарболат…

Павлодар облысы көмір генерациясын дамыту жөніндегі ұлттық жоба аясында еліміздің энергетикалық қауіпсіздігін нығайтуда стратегиялық рөл атқарып отыр, деп жазады Ertenmedia.kz. Былтырғы жылдың қорытындысына сәйкес өңір Қазақстандағы электр энергиясы өндірісінің 42%-ын қамтамасыз етті. Бұл бағыттағы негізгі жобалар Екібастұз ГРЭС-2 қуатын екі есе арттыру, жаңа Екібастұз ГРЭС-3 станциясын салу және Ақсу ГРЭС-ін жаңғырту жұмыстары. Қазіргі уақытта Екібастұз ГРЭС-2 станциясының белгіленген қуаты 1 ГВт болса, оны 2,1 ГВт-қа жеткізу жоспарланған. Сондай-ақ, «таза көмір» технологияларын қолдана отырып, қуаты 2,64 ГВт-қа жететін жаңа Екібастұз ГРЭС-3 құрылысы басталмақ. Бұл еліміздің энергетикалық жүйесіне қосымша қуат көзін береді. Ақсу ГРЭС-індегі жаңғырту жұмыстары да электр энергиясы өндірісінің тиімділігі мен сенімділігін арттыруға…

Ғалымдардың соңғы онжылдықта жүргізген зерттеулері атмосферадағы көмірқышқыл газының (CO₂) артуы мен жаһандық жылынудың бірлескен әсері топырақтағы фосфордың қолжетімділігін едәуір төмендететінін анықтады, деп жазады Ertenmedia.kz. Бұл жағдай әсіресе күріш пен басқа да жер дақылдарын өсіретін ауыспалы егістік жүйелеріне кері әсер етіп, болашақтағы азық-түлік қауіпсіздігіне қауіп төндіруі мүмкін. Қытай Ғылым Академиясының Топырақтану институтының ғалымдары жүргізген бұл зерттеу нәтижелері Nature Geoscience журналында жарияланды. Мамандардың пікірінше, климаттың жылынуы топырақтағы фосфордың өсімдіктер үшін қолжетімсіз қосылыстарға айналуына шешуші әсер етеді. Фосфордың азоттан айырмашылығы оны атмосферадан алу мүмкін емес. Оның қолжетімділігі топырақ минералдарының өзара әрекеттесуіне және микробтық белсенділікке тікелей байланысты. Күріш өсірілетін су басқан алқаптарда тұрақты суару және кептіру…

Түркістан облысында индустриялық-инновациялық даму аясында ірі инвестициялық жобалар қолға алынып, өңірдің экономикалық әлеуетін арттыру жұмыстары жүйелі түрде жүргізіліп жатыр, деп жазады Ertenmedia.kz Түркістан облысы әкімі Нұралхан Көшеров Инвестициялық штабтың кезекті отырысында жаңа өндіріс орындарын іске қосу және туындаған мәселелерді шешу бойынша нақты тапсырмалар берді. Жиын барысында инвесторларға барынша ашық әрі тікелей қолдау көрсетілетіні айтылды. Әкімнің сөзінше, әрбір инвестициялық жоба жаңа жұмыс орындары мен өңір экономикасының өсуіне сеп болатын маңызды бастама. Қазіргі уақытта облыста бірнеше ірі жобалар іске асырылуда. Атап айтқанда, Сауран ауданында құрылысқа қажетті арматура өндіретін зауыт, тағам қалдықтарын ұсақтағыш құралдарын шығару кәсіпорны құрылып жатыр. Сонымен қатар Созақ ауданында жаңа…

Алматыда жаңа стадион салынады. Бұл Қазақстандағы ең үлкен спорт аренасы болмақ. 45 мың көрерменге арналған жаңа стадион УЕФА-ның IV санатындағы барлық халықаралық стандарттарға сәйкес салынбақ, деп жазады Ertenmedia.kz. Қалалық құрылыс басқармасы хабарлағандай, стадион Медеу ауданындағы Құлжа трактінде орналасады. Спорт кешенінде табиғи көгалды футбол алаңы мен мыңнан астам көлікке арналған автотұрақ қарастырылған. Құрылыс жұмыстары 2027 жылдың төртінші тоқсанында аяқталады деп жоспарлануда. Қазіргі уақытта еліміздегі ең ірі стадион Астанадағы «Астана Арена». Оның сыйымдылығы 30 мың орын. Ал Шымкент пен Ақтөбеде 35 мың көрерменге арналған жаңа спорт кешендерінің құрылысы жоспарланып отыр. Демек, Алматыдағы стадион Қазақстанның рекордтық спорт аренасына айналмақ. Салыстыру үшін айта кетсек,…

Жетісу облысында мал шаруашылығын дамытуға ерекше назар аударылып, мал басын көбейту, өнім көлемін арттыру мен экспорттық әлеуетті күшейту бағытында кешенді жұмыстар жүргізілуде, деп жазады Ertenmedia.kz. 2025 жылы өңірдегі мал шаруашылығы өнімі 3,9%-ға өскен. Әсіресе, мемлекеттік қолдаудың арқасында ет өндіру – 4,6%-ға, сүт өндіру 4,4%-ға артты. Қазіргі таңда облыста мал шаруашылығымен айналысатын үш мыңнан астам шаруашылық бар, оның мыңға жуығы асыл тұқымды мал өсірумен шұғылданады. Жалпы өңірдегі ауыл шаруашылығы жануарларының саны 2,3 миллионға жетті. Өткен жылы мал шаруашылығын субсидиялау ережелеріне бірқатар өзгерістер енгізіліп, қосымша 8 жаңа бағыт іске қосылды. Субсидиялардың кейбір түрлерінің көлемі 70-80 пайызға дейін ұлғайды. Бұдан басқа, шаруалар Аграрлық…

Ресейдің Арктикадағы әскери белсенділігінен қауіптенген НАТО жаңа миссияны іске қосып, аймақтағы күштерін күшейтуге кірісті, деп жазады Ertenmedia.kz. Альянстың «Арктикалық сақшы» (Arctic Sentry) деп аталатын бастамасы Солтүстік шегінде әскери әлеуетті біріктіріп, аймақты тұрақты бақылауға алуды көздейді. Сарапшылардың пікірінше, НАТО АҚШ-қа «Арктикадағы қауіпсіздікті өзіміз қамтамасыз етеміз, Гренландияны жеке бақылауға алудың қажеті жоқ» деген саяси сигнал берді. НАТО-ның Еуропадағы Біріккен қарулы күштер штабы жаңа миссияның альянс аумағын қорғау және Арктиканың тұрақтылығын қамтамасыз етудегі маңызын атап өтті. НАТО-ның Еуропадағы Біріккен күштерінің қолбасшысы, АҚШ ӘӘК генерал-лейтенанты Алексус Гринкевичтің айтуынша, Арктикадағы климат өзгерісі мен геосаяси бәсекелестіктің күшеюі осы аймаққа арнайы әрі кешенді амалдарды талап етеді. НАТО…

Денсаулық сақтау министрлігі медицина саласындағы қосылған құн салығын (ҚҚС) қолдану ережелерін нақтылау мақсатында жаңа қаулы жобасын әзірлеп, көпшілік талқысына ұсынды, деп жазады Ertenmedia.kz. Аталған жоба дәрі-дәрмектер мен медициналық бұйымдарды импорттау және сату кезінде салық нормаларын біркелкі әрі ашық қолдануға мүмкіндік береді. Жоба 2026 жылдың 15 ақпанына дейін «Ашық НҚА» порталында ашық талқыланады. Министрлік ұсынған өзгерістер мен толықтырулар Қазақстан Республикасы Үкіметінің 2025 жылғы 31 желтоқсандағы №1203 және №1204 қаулыларына енгізілмек. Бұл құжаттарда медициналық мақсаттағы кейбір өнім түрлерін ҚҚС-тан босату және салық ставкасын қолдану ережелері реттелген. Жобаның басты мақсаты дәрілік заттар мен медициналық бұйымдардың тізімдерін Еуразиялық экономикалық одақтың Сыртқы экономикалық қызметінің тауар…

Бүгін жұлдыздар сізден ерекше қырағылық пен сақтықты талап етеді. Күтпеген қиындықтар, ақпараттық шабуылдар мен техникалық ақаулар сізді әбігерге салуы мүмкін. Әрбір істі бастамас бұрын, барлығын мұқият тексеріп, сабырлық танытыңыз, деп жазады Ertenmedia.kz. Тоқты Бүгін сіздің желідегі абырой-беделіңіз сынға түсуі мүмкін. Байқамай жазылған пікір немесе жеке хат алмасудан тарап кеткен скриншот серіктестеріңіздің сенімін жоғалтуға себеп болады. Әлеуметтік желілердің қауіпсіздік баптауларын тексеріп, пікірталасқа араласпаңыз. Бүгін сіздің ең құнды қаруыңыз – үнсіздік. Торпақ Ұсақ-түйек шығындарды ұмытып, мемлекеттік қарыздарыңызды тексеріңіз. Қарызды қайтармаған жағдайда есепшоттарыңыз бұғатталып қалуы мүмкін. Барлық салық пен міндетті төлемдерді төлегеніңізге көз жеткізіңіз. Алдағы айдағы қаржылық жағдайыңыз бүгінгі құжаттарыңыздың реттелуіне тікелей байланысты.…

Қазақстан аумағында соңғы күндері сақталған қатты аяз біртіндеп әлсірей бастайды. Алдағы тәулікте елдің басым бөлігінде ауа райы жауын-шашынсыз болады, тек оңтүстік пен оңтүстік-шығыста атмосфералық фронттардың әсерінен қар аралас жаңбыр жауады, деп жазады Ertenmedia.kz. Бүгін өңірлерде тұман түсіп, көктайғақ күтіледі, жел күшейіп, боран соғуы ықтимал. Қазақстан бойынша 12 ақпанда солтүстік-батыс антициклонының әсерінен көп өңірде ауа райы жауын-шашынсыз болады. Тек республиканың оңтүстігі мен оңтүстік-шығысында атмосфералық фронттар әсер етіп, жаңбыр мен қар түрінде жауын-шашын түседі, кей жерлерде қар аралас жаңбыр жауып, көктайғақ болады. Республика аумағында тұман түсіп, жел күшейеді, оңтүстік және оңтүстік-шығыста төменгі боран болуы мүмкін. Ауа температурасы біртіндеп жоғарылайды: батыста түнде 15-25…