Автор: Лейла Болтаева

Қазақстан ұлттық беделдің жаһандық индексінде Орталық Азия елдері арасында бірінші орын алды, деп жазады Ertenmedia.kz. Зерттеу қорытындысы бойынша Қазақстан 197 мемлекеттің ішінде 69-орынға жайғасты. Елдің халықаралық имиджі жеткілікті жоғары деңгейде бағаланып, қорытынды көрсеткіші 66,62 балды құрады. Рейтинг әдістемесі 10 негізгі бағыт пен 50 жеке индикаторды қамтиды. Сарапшылар мемлекеттің экономикалық әлеуетін, басқару жүйесінің тиімділігін, ішкі және сыртқы саясаттағы орнықтылығын, инвестициялық тартымдылығын, инновациялар мен технологиялардың даму деңгейін және басқа да маңызды көрсеткіштерді саралаған. Қорытынды баға 0-ден 100 балға дейінгі шкала бойынша шығарылған. Мұнда 100 балл ең жоғары нәтиже саналады. ТМД елдері арасында Қазақстан халықаралық бедел деңгейі бойынша екінші орынға ие болды. Қазақстаннан…

Астанада «Алтын Орда – дала өркениетінің моделі: тарих, археология, мәдениет, бірегейлік» атты симпозиумы ашылды. Айтулы шараға Президент Қасым-Жомарт Тоқаевтың қатысты, деп жазады Ertenmedia.kz. ЮНЕСКО қамқорлығымен өтіп жатқан ауқымды форум Жошы ұлысының тарихи мұрасын, оның Орталық Еуразия кеңістігіндегі өркениеттік үдерістерге ықпалын жан-жақты зерделеуге бағытталған. Халықаралық алаңға отандық және шетелдік ғалымдар, сарапшылар, археологтар, тарихшылар және ғылыми қауымдастық өкілдері жиналды. Симпозиумның басты мәні Алтын Орданы тек ортағасырлық мемлекет ретінде ғана емес, Еуразиядағы мәдени, саяси және экономикалық байланыстарды қалыптастырған ірі өркениеттік кеңістік ретінде қарастыру. Жошы ұлысының тарихы дала мен қала мәдениетінің, сауда жолдары мен дипломатиялық байланыстардың, түрлі діндер мен тілдердің өзара ықпалдастығын көрсетеді. Салтанатты…

Шығыс Қазақстан облысының әкімі Нұрымбет Сақтағанов Премьер-министр Олжас Бектеновтің төрағалығымен өткен Үкімет отырысында өңірдегі авиация саласын дамыту жұмыстары туралы баяндады, деп жазады Ertenmedia.kz. Аймақ басшысы авиациялық инфрақұрылымды дамыту Шығыс Қазақстан үшін стратегиялық маңызы бар бағыт екенін атап өтті. Өңірдің табиғи ерекшелігі, шалғай елді мекендері, туристік әлеуеті және көлік қатынасына қатысты сұранысы әуе қатынасын кеңейтуді қажет етеді. Сондықтан жаңа әуежайлар салу өңірдің көлік қолжетімділігін жақсартып қана қоймай, туризм мен жергілікті экономиканың дамуына да серпін бермек. Мемлекет басшысының тапсырмасына сәйкес, қазіргі уақытта Зайсан және Катонқарағай аудандарында әуежай салу жұмыстары жалғасып жатыр. Зайсан әуежайының құрылысы 76 пайызға аяқталған. Нысанның негізгі бөлігі саналатын ұшу-қону…

Өскеменде республикалық «Таза Қазақстан» экологиялық бастамасы аясында «Қала көркін сақтайық!» атты жастар акциясы өтті, деп жазады Ertenmedia.kz. Игі шара барысында еріктілер мен студент жастар қаладағы «Сәулетай» саябағының аумағын тазартты. Аталған саябақ – өскемендіктер жиі серуендейтін, балалар ойнайтын, отбасылар тынығатын танымал қоғамдық орындардың бірі. Әсіресе көктем мен жаз айларында мұнда келушілер саны артып, саябақ тұрғындар үшін ашық демалыс кеңістігіне айналады. Экологиялық акцияға Жастар ресурстық орталығының еріктілері, қалалық волонтерлер фронт-офисінің мүшелері және студенттер белсенді қатысты. Олар саябақ аумағына тасталған қоқысты жинап, қураған бұтақтарды тазартты. Сонымен қатар балалар ойын алаңдары мен ашық аспан астындағы жаттығу құрылғыларын шаң-тозаңнан арылтып, ретке келтірді. Өскемен жоғары медициналық…

Ақтау қаласында Каспий теңізі жағалауы бойында заманауи жағалау құрылысы жобасы таныстырылды, деп жазады Ertenmedia.kz. 17 мамыр күні Маңғыстау облысының әкімі Нұрдәулет Қилыбай ауқымды жобаның жоспарымен танысты. Жаңа жағалау өңірдің туристік әлеуетін арттыруға, қалалық ортаны қолайлы етуге және тұрғындар мен қонақтарға арналған сапалы қоғамдық кеңістік қалыптастыруға бағытталған. Жалпы ұзындығы шамамен 4,5 шақырым болатын жағалау құрылысы 5 кезең бойынша жүзеге асырылады. Жобаның тапсырыс берушісі – «Ақтау қалалық құрылыс бөлімі» ММ. Инвесторы – NCOC N.V., мердігер мекеме – «Нурсат» ЖШС. Құрылыс жұмыстары 2026 жылғы сәуірде басталған, жобаны 2029 жылдың қаңтарында аяқтау жоспарланып отыр. Жаңа жағалау аумағында серуендеу аймақтары, велосипед және жүгіру жолақтары, шолу…

Шахмұрат Муталипке тиесілі Nature Energy Solutions Ltd. компаниясының облигациялары Astana International Exchange биржасының листингіне енгізді, деп жазады Ertenmedia.kz. AIX хабарламасына сәйкес, бағалы қағаздармен сауда 2026 жылғы 20 мамырда басталады. Бір облигацияның номиналды құны 1 мың долларды құрайды. Купондық сыйақы мөлшерлемесі жылдық 8 пайыз болып белгіленген. Купон төлемі облигация өтелген кезде жүргізіледі. Жалпы шығарылым көлемі 1,2 млрд долларды құрайды. Листинг 18 мамырда өтті. Эмитент ретінде Nature Energy Solutions Ltd. компаниясы көрсетілген. Forbes Kazakhstan дерегінше, компанияның иесі Шахмұрат Муталип. 35 жастағы қазақстандық кәсіпкер 2026 жылғы мамырда алғаш рет Forbes Kazakhstan нұсқасы бойынша елдің ең бай адамдары тізіміне кірді. Ол 482 млн долларлық…

Иран Ормуз бұғазы арқылы өтетін суасты интернет-кабельдерін жаңа геосаяси қысым құралы ретінде қарастырып жатқаны хабарланды, деп жазады Ertenmedia.kz. Иранға жақын ақпарат құралдары Тегеранға Ормуз бұғазы арқылы өтетін суасты интернет-кабельдері үшін ірі технологиялық және телекоммуникациялық компаниялардан төлем алуды ұсынған. Әңгіме Meta, Google, Amazon, Microsoft секілді әлемдік компанияларға қатысты болуы мүмкін. Бұл бастама Иранның бұғазды тек мұнай тасымалы емес, цифрлық инфрақұрылым тұрғысынан да ықпал аймағы ретінде қарастыра бастағанын көрсетеді. Ормуз бұғазы көп жылдан бері әлемдік энергетикадағы ең сезімтал нүктенің бірі саналады. Енді осы тар су жолының цифрлық маңызы да алға шығып отыр. Аймақ арқылы Еуропа, Азия және Парсы шығанағын байланыстыратын суасты кабельдері…

Қазақстанда ішкі әуе рейстерінің бірінде биометриялық сәйкестендіру жүйесін енгізу жоспарланып отыр, деп жазады Ertenmedia.kz. Көлік министрі Нұрлан Сауранбаевтың айтуынша, авиация саласында цифрлық технологияларды енгізу жұмысы күшейіп келеді. Соның бірі – Q-Gate жүйесі. Бұл технология жолаушының бақылаудан өту уақытын 3 минуттан 50 секундқа дейін қысқартуға мүмкіндік береді. Қазір Q-Gate жүйесі Астана мен Алматы әуежайларында жұмыс істеп тұр. Биыл Шымкент, Атырау, Ақтөбе және Ақтау әуежайларында тағы 16 терминал орнату жоспарланған. Келесі кезеңде биометриялық сәйкестендіру ішкі рейстерге енгізіледі. Пилоттық жоба Астана – Шымкент бағыты бойынша іске асырылады. Мұндай жүйе жолаушыны құжат арқылы емес, биометриялық дерек арқылы тануға мүмкіндік беріп, әуежайдағы рәсімдерді жылдамдатуға бағытталған.…

АҚШ президенті Дональд Трамп Иранға жоспарланған әскери соққыны уақытша кейінге шегергенін мәлімдеді, деп жазады Ertenmedia.kz. Трамптың айтуынша, мұндай шешімді Сауд Арабиясы, Қатар және Біріккен Араб Әмірліктері басшыларының өтінішінен кейін қабылдаған. Олар Вашингтоннан әскери әрекетке асықпай, Тегеранмен келіссөзге мүмкіндік беруді сұраған. АҚШ президенті Truth Social желісіндегі жазбасында ықтимал келісім Иранның ядролық қаруға ие болмауын қамтуы тиіс екенін айтты. Трамп АҚШ Қарулы күштеріне ертеңге жоспарланған шабуылды бастамау жөнінде нұсқау бергенін жеткізді. Алайда ол әскерилер келісімге қол жеткізілмеген жағдайда соққы жасауға дайын болуы керек екенін де ескертті. Яғни Вашингтон әскери қысымды толық алып тастап отырған жоқ, тек дипломатиялық арнаға қысқа мерзімді мүмкіндік беріп…

Солтүстік Қазақстан облысында ауыл әкімі Ерлан Смаилов көз жұмды. Алдын ала мәлімет бойынша ол өзіне қол салғаны болуы мүмкін, деп жазады Ertenmedia.kz. Қайғылы оқиға Солтүстік Қазақстан облысы Ақжар ауданына қарасты Май ауылдық округінде болған. Алдын ала мәлімет бойынша, Ерлан Смаилов өзіне қол салған болуы мүмкін. Қазіргі уақытта оқиғаның нақты мән-жайы анықталып жатыр. Ерлан Смаилов Май ауылдық округінің әкімі қызметіне 2026 жылғы 17 ақпанда ғана тағайындалған. Бұған дейін ол «Майское-Агро» серіктестігінде директордың орынбасары болып жұмыс істеген. Қайғылы жағдай 18 мамыр күні тіркелген. Құзырлы органдар оқиғаның барлық себебі мен жағдайын тексеріп жатыр. Мұндай жағдайда ресми тергеу қорытындысы шықпай тұрып, асығыс тұжырым жасау…