Автор: Лейла Болтаева

Маңғыстау облысының әкімі Нұрдәулет Қилыбай Иран Ислам Республикасының Ақтау қаласындағы жаңадан тағайындалған Бас консулы Джафар Заманимен кездесті, деп жазады Ertenmedia.kz. Кездесуде тараптар өңір мен Иран арасындағы екіжақты ынтымақтастықтың негізгі бағыттарын талқылады. Әсіресе инвестиция, көлік-логистика, туризм, мәдени-гуманитарлық байланыс, балық шаруашылығы және ауыл шаруашылығы салаларына басымдық берілді. Сонымен қатар виза рәсімдеу, көші-қон және кеден саласындағы өзекті мәселелер де қаралды. Нұрдәулет Қилыбай Джафар Заманиді жаңа қызметімен құттықтап, Маңғыстау облысының Каспий маңындағы көлік-логистикалық және инвестициялық әлеуетіне тоқталды. Облыс әкімінің айтуынша, өңір бүгінде халықаралық транзиттік бағыттар тоғысатын маңызды хабтардың біріне айналып келеді. – Маңғыстау облысы бүгінде Каспий маңындағы маңызды көлік-логистикалық және инвестициялық хабтардың біріне айналып…

Әлемге әйгілі парсы кілемдерін тоқу технологияларының бастауы Орталық Азиядан шыққаны айтылды, деп жазады Ertenmedia.kz. Бұл туралы Өскемен қаласында өткен «Ғасырлар дәстүрі» халықаралық кілем тоқу фестивалінің ашылуына арналған көшпелі баспасөз конференциясында мәлім болды. Мамандар кілем тоқу өнерінің тарихы екі мың жылдан астам уақытқа созылатынын және оның қалыптасуы көшпелі өркениетпен тікелей байланысты екенін атап өтті. Қазақстандағы «Global BEST of RECORDS» халықаралық рекордтар кітабының ресми өкілі, тарих профессоры Қуандық Құдайбергенов біраз жайтты айтты. Ол Орталық Азия көне кілем тоқу дәстүрінің маңызды ошақтарының бірі саналады. Ол екі мың жылдан астам тарихы бар Берел қорғандарын осы өнердің бастауларымен байланыстыра қарастыруға болатынын айтты. Профессор парсы кілемдері…

2025 жылдың қорытындысы бойынша Алматы экономикасына жалпы құны 476,9 млрд теңге болатын 28 инвестициялық жоба тартылды, деп жазады Ertenmedia.kz. Қалалық Кәсіпкерлік және инвестициялар басқармасының мәліметінше, жаңа жобалар өңдеу өнеркәсібі, туризм, денсаулық сақтау, көлік және логистика сияқты негізгі салаларды қамтыды. Соның нәтижесінде мегаполисте 6,7 мыңнан астам жаңа жұмыс орны ашылды. Инвестицияның негізгі бөлігі алты ірі жобаға тиесілі. Олардың жалпы құны 440,5 млрд теңгені құрайды. Бұл бастамалар Алматының өндірістік қуатын арттырып, өнеркәсіп әлеуетін күшейтуге және жергілікті өнім шығару көлемін ұлғайтуға мүмкіндік берді. 2026 жылы қаланың инвестициялық саясаты жоғары технологиялық өндірісті дамытуға, импортты алмастыруға және индустриялық инфрақұрылымды кеңейтуге бағытталмақ. Осы арқылы Алматы тек…

Алматыда «Алматы жастары» жеңілдетілген ипотека бағдарламасы бойынша өтінім қабылдау қайта басталады, деп жазады Ertenmedia.kz. Құжат қабылдау 2026 жылғы 1 маусымнан 15 маусымға дейін жүргізіледі. Өтінім тек электронды форматта kezekte.kz порталы арқылы қабылданады. Қатысушылар электронды цифрлық қолтаңбаны пайдалануы керек. Бағдарлама аясында 20 млн теңгеге дейін тұрғын үй заемын алуға болады. Несие мөлшерлемесі жылдық 5 пайызды құрайды. Бастапқы жарна кемінде 10 пайыз болуы тиіс. Баспананы бастапқы және қайталама нарықтан сатып алуға рұқсат етіледі. Бағдарламаға Алматыда тұратын 35 жасқа дейінгі азаматтар қатыса алады. Жеңілдетілген ипотека денсаулық сақтау, білім беру, мәдениет, спорт, медиа саласында ресми жұмыс істейтін мамандарға, сондай-ақ құқық қорғау органдары мен коммуналдық…

Қазақстан жол құрылысына қажетті битумға деген ішкі сұранысты толық қамтамасыз етіп отыр, деп жазады Ertenmedia.kz. Бұған Caspi Bitum зауытының қуатын кеңейту жобасы әсер етті. Кәсіпорында мұнай өңдеу көлемі жылына 1 млн тоннадан 1,5 млн тоннаға дейін ұлғайтылды. Соның нәтижесінде жол битумын өндіру қуаты жылына 500 мың тоннадан 750 мың тоннаға дейін артты. Аталған жоба Энергетика министрлігі іске асырып жатқан мұнай өңдеу саласын дамыту тұжырымдамасы аясындағы алғашқы нақты шаралардың бірі болды. Қазір Қазақстанда жол битумын өндіретін 4 зауыт жұмыс істейді. Олардың жалпы қуаты жылына 1,6 млн тоннаны құрайды. Көлік министрлігі мен «ҚазАвтоЖол» дерегіне сәйкес, 2026 жылы ішкі нарыққа шамамен 1,1 млн…

Танымал әнші Мақпал Жүнісова әлеуметтік желіде әріптесі Роза Рымбаеваның сұхбатынан кейін өзіне қатысты тараған әңгімеге жауап берді, деп жазады Ertenmedia.kz. Өнер иесінің айтуынша, Роза Рымбаеваның «кейбір әншілердің концертіне адамдарды әкімдік күштеп кіргізеді» деген сөзі желіде Мақпал Жүнісоваға қатысты айтылғандай қабылданған. Осыдан кейін бірқатар қолданушы оның концерттеріне көрермен әкімдік арқылы жиналады деген пікір жазған. Мақпал Жүнісова мұндай әңгімені үзілді-кесілді жоққа шығарды. Әнші өмірінде әкімдікке барып, концерт ұйымдастырып беруді сұрамағанын айтты. Оның сөзінше, сахнадағы кештеріне халық өз еркімен келеді. Өнер иесі мұндай пікір айтатын адамдарға нақты дәлелге сүйену керегін ескертті. Ол қажет болса, гастрольдік сапарға бірге шығып, концертке көрерменнің қалай жиналатынын тексеруге…

АҚШ Конгресі Украинаға қару-жарақ пен қаржылық қолдау берудің жаңа тетігі талқыланып жатыр. Соғыс созылған сайын «егер тегін көмекке саяси қарсылық көбейсе, ең болмаса ленд-лиз форматына қайта оралу керек» деген ұстаным күшейе түскендей. Осы ретте ленд-лиздің тарихы мен логикасы еріксіз еске түседі. Франклин Рузвельт кезінде АҚШ Ұлыбританияға тікелей қаржы бөлу қиынға соққанда, қару-жарақ пен материалды қарызға немесе жалға беру схемасын іске қосқан болатын, деп жазады Ertenmedia.kz. Қазіргі жағдайда Украинаға қатысты бастама Өкілдер палатасында спикер Майк Джонсон бастаған республикалық басшылықты айналып өту арқылы қозғала бастады. АҚШ заң шығарушылары арнайы процедураны пайдаланып, Украинаға көмек туралы заң жобасын дауысқа шығаруға қажетті 218 қол жинаған.…

Қытай мен АҚШ арасындағы бәсеке енді тек зауыт, экспорт және тариф деңгейінде ғана жүріп жатқан жоқ.  Сарапшылардың пікірінше, негізгі майдан біртіндеп интеллектуалдық ресурс, жасанды интеллект, ғылыми мектеп және адам капиталы төңірегіне ауысып барады, деп жазады Ertenmedia.kz. Қытай тарихында мұндай бетбұрыстың салмағы бөлек. Мао Цзэдун тұсындағы «Үлкен секіріс» саясаты күткен нәтиже бермеді. Одан кейін мәдени революция басталып, ғылым, білім, басқару және интеллектуалдық орта ауыр соққы алды. Көптеген ғалым, оқытушы, маман қуғын көрді. Кейін Қытай дәл сол шығынның орнын толтыру үшін мүлде басқа жолға түсті. Студенттерін Батыс университеттеріне жіберді, ғылыми мектепті қайта құруға кірісті, технология мен өндірісті бір-бірімен байланыстыра бастады. Си Цзиньпиннің…

15 мамырға арналған жұлдыз жорамал барлық зодиак белгісіне күнді шұғыл шешімнен бастамай, алдымен нақты не назар талап ететінін түсінуге кеңес береді, деп жазады Ertenmedia.kz. Бүгін бұрыннан созылып жүрген істі аяқтауға, өз күшіңізді шынайы бағалауға және алдағы өзгеріске сабырмен дайындалуға қолайлы. Жылдам нәтиже қуғаннан гөрі тұрақты қадамға мән берген дұрыс. Тоқты бүгін көптен бері күн тәртібінде қалып, алға жылжуға кедергі келтіріп жүрген істі аяқтағаны жөн. Жұмыста қатты қысым емес, бір негізгі міндетті дәл таңдау көмектеседі. Кешке ұсақ-түйекке бола дауласпаңыз. Күшіңіз маңыздырақ шешімге керек болады. Торпақ үшін күн жаңа кезең алдындағы ішкі жаңару сезімін беруі мүмкін. Жоспарыңызды бәріне түсіндіруге асықпаңыз. Алдымен өзіңіз…

15 мамыр, жұма күні Қазақстанның батысында, шығысында және солтүстігінде кей жерлерде жаңбыр жауып, найзағай ойнайды, деп жазады Ertenmedia.kz. Синоптиктердің мәліметінше, елдің оңтүстігі мен батысында күн ыстық болады. Түркістанда ауа температурасы күндіз +31…+33 градусқа дейін көтерілсе, Шымкент, Атырау және Қызылордада +30…+32 градус жылы күтіледі. Ал солтүстік, орталық және шығыс өңірлерде түнгі салқын сақталып, Астана, Қарағанды және Павлодарда топырақ бетінде үсік жүруі мүмкін. Астанада күн құбылмалы бұлтты, жауын-шашынсыз болады. Желдің жылдамдығы 5–10 м/с. Түнде +2…+4 градус, топырақ бетінде үсік күтіледі. Күндіз ауа температурасы +21…+23 градусқа дейін көтеріледі. Алматыда да жауын-шашын болмайды. Жел 3–8 м/с шамасында соғады. Түнде +8…+10 градус, күндіз +20…+22 градус…