Автор: Лейла Болтаева

Ұлытау облысында марганец рудасын заңсыз өндірген азаматқа сот үкімі шықты. Ол бірнеше жыл бойы лицензиясыз әрі келісімшартсыз жер қойнауын пайдаланған, деп жазады Ertenmedia.kz. Ұлытау облысы прокуратурасының мәліметінше, тергеу Экономикалық тергеу департаментімен бірлесіп жүргізілген. 2020-2023 жылдар аралығында 50 жастағы Қостанай облысының тұрғыны ешқандай лицензиясыз «Шығыс Қаражал» кен орнынан марганец рудасын өндірген. Іс материалдарына сәйкес, заңсыз өндірілген руда сатылып, одан түскен табыс қолма-қол ақшаға аударылып, жалған мәмілелер арқылы заңдастырылған. Заңсыз әрекеттер барысында 16 мың тоннадан астам марганец рудасы өндірілген. Тергеу дерегінше, мемлекетке келтірілген тікелей залал сомасы 1,3 миллиард теңгеден асады. Сонымен қатар, өндірілген және қайта өңделген темір-марганец рудасын Қазақстанда және шетел нарықтарында…

Қазақстан мен Пәкістан арасындағы қарым-қатынас соңғы жылдары құр сөзден нақты іске көшіп, үлкен жобаларға ұласып жатыр, деп жазады Ertenmedia.kz. Мемлекет басшысы Қасым-Жомарт Тоқаев пен Пәкістан премьер-министрі Шахбаз Шариф арасындағы келіссөздерде басты назарда Қазақстанның Араб теңізі арқылы Үнді мұхитына шығатын логистикасын жолға қою мәселесі тұрды. Бұрынғыдай бұлыңғыр жоспарлар емес, нақты келісімшарттар, порттар және теміржол бағыттары айқындалды. 2025-2027 жылдарға арналған Сауда-экономикалық ынтымақтастық жөніндегі жол картасының алғашқы нәтижелері де белгілі болды. Екі елдің ендігі мақсаты – тауар айналымын 1 миллиард долларға жеткізу. Бұл ретте Пәкістан Қазақстанға халықаралық нарықтарға балама жол ретінде Карачи және Гвадар порттарын ұсынды. Карачи қалыптасқан ірі логистикалық орталық болса, Гвадар…

Юпитер Күн жүйесіндегі ең үлкен ғаламшар болып саналады. Бірақ ғалымдар оның бұрын ойлағаннан сәл ғана кіші екенін анықтады, деп жазады Ertenmedia.kz. NASA-ның «Юнона» ғарыш аппараты арқылы алынған жаңа деректер Юпитердің өлшемі мен формасын бұрынғыдан да дәл өлшеуге мүмкіндік берді. Бұл ақпарат ғалымдарға алып ғаламшардың ішкі құрылымын егжей-тегжейлі зерттеп, табиғатын терең түсінуге жол ашады. «Юнона» аппаратының бақылауларына сәйкес, Юпитердің экваторлық диаметрі 142 976 шақырымды құрайды, бұл бұрынғы өлшеулерден шамамен 8 шақырымға қысқа. Ал солтүстік полюстен оңтүстік полюске дейінгі диаметрі 133 684 шақырым болып шықты, ол алдыңғы есептеулерден 24 шақырымға аз. Жер сияқты Юпитер де мінсіз шар тәрізді емес, ол полюстерден сәл…

Астрологтар бүгін барлық жұлдыз белгілеріне икемді болуға кеңес береді. Күннің энергетикасы жаңа бастамаларға жол ашады, деп жазады Ertenmedia.kz. Тоқты Бүгін сізге шығармашылық шабыт келіп, ескі мәселелерді жаңаша шешесіз. Өзіңіздің батыл идеяларыңыз жаңа бастамалардың негізіне айналуы мүмкін. Ішкі түйсігіңізге сеніңіз, ол сізге дұрыс бағытты көрсетеді. Торпақ Күнделікті тіршілігіңізді реттеп, тұрақты болашаққа негіз қалауға қолайлы күн. Қарапайым нәрселерге өзгеріс енгізуден қорықпаңыз, бұл сенімділігіңізді арттырады. Егіздер Бүгін ақпарат алмасу мен жаңа таныстықтарға қолайлы күн. Сөйлесу барысында күтпеген мүмкіндіктерге жол ашылады. Әрбір кездесу сізге шабыт беруі мүмкін, сондықтан жаңа идеяларға ашық болыңыз. Шаян Өзіңіздің ішкі әлеміңізге тереңірек үңіліп, жан қалауын түсінуге тырысыңыз. Бүгін біраз…

Қазақстанның 16 облысында дауылды ескерту жарияланды, деп хабарлайды Ertenmedia.kz. Алматы облысының оңтүстігі мен таулы аудандарында тұман түседі. Желдің екпіні күндіз 15-20 м/с-ке жетеді. Алматы және Қонаев қалаларында да түнде және таңертең тұман күтіледі, күндіз оңтүстік-шығыстан соққан жел 15-20 м/с-ке дейін күшейеді. Ақмола облысында түнде батыс пен солтүстікте қар жауып, боран соғады, көктайғақ күтіледі. Күндіз өңірдің батыс, солтүстік және оңтүстігінде қар аралас жаңбыр жауады. Жел оңтүстіктен солтүстік-батысқа ауысып, екпіні 15-20 м/с жетеді. Көкшетауда таңертең және күндіз қар мен жаңбыр жауып, боран соғып, көктайғақ болады. Жамбыл облысында тұман түседі, солтүстік-шығыстан оңтүстік-батысқа ауысқан желдің екпіні 15-20 м/с, кей жерлерде 23 м/с жетеді. Тараз…

Ресейдің Украинаға қарсы төрт жылға созылған соғысының салдары оның экономикасы мен геосаяси жағдайына қалай әсер еткенін дәл қазір бүкіл әлем бақылап отыр. Бұл соғыс ресейлік экономиканың құрдымға кетуін жеделдетіп, оның халықаралық аренадағы беделін барынша төмендетіп жіберді, деп жазады Ertenmedia.kz. Осы уақыт ішінде Ресей НАТО-мен шекарасын екі есеге дейін ұзартып алды: бұрын 1, 2 мың шақырым болса, қазір ол 2, 6 мың шақырымға жетті. Қазір альянс шекарасы Арктикадан Балтық теңізіне дейін созылып, Санкт-Петербург қаласы НАТО-ның ATACMS зымырандарының тікелей нысанасына айналды. Екінші жағынан Ресей мұнай-газ экспорты бойынша премиум нарық саналатын Еуропадан айрылды. Осы арқылы Ресейдің экономикасы, технологиясы және қорғаныс саласы толықтай Қытайға…

Қазақстанда жер қойнауын пайдаланушылар енді жылдық табысының 1%-ын Astana Hub инновациялық кластерінің ғылыми-зерттеу және тәжірибелік-конструкторлық жобаларына бағыттауға міндеттеледі, деп жазады Ertenmedia.kz. Бұл өзгерістер ҚР Өнеркәсіп және құрылыс министрінің 2026 жылғы 30 қаңтардағы №34 бұйрығымен бекітілген. Жаңа талап 2026 жылдың 14 ақпанынан бастап күшіне енеді. Құжатқа сәйкес, енді жер қойнауын пайдаланушы компаниялар ғылыми-зерттеу, ғылыми-техникалық немесе тәжірибелік-конструкторлық жұмыстарды, сондай-ақ Astana Hub инновациялық кластері қатысушыларының жобаларын қаржыландыруға міндетті. Қаржыландыру көлемі жер қойнауын пайдалану келісімшарты бойынша өткен жылғы жалпы табыстың кемінде 1%-ын құрайды. Қаржыландыру міндеттемелеріне мына шығындар жатады: Келісімшарт аясындағы және келісімшартқа тікелей қатысы жоқ, жоғары қосылған құны бар өнім шығаруға бағытталған ғылыми-зерттеу жұмыстары;…

Қазақстан Халық партиясы жаңа Конституция жобасын ел өңірлерінде талқылауды жалғастыруда, деп жазады Ertenmedia.kz. Партияның аймақтық филиалдары кездесулер, пікірталастар ұйымдастырып, дөңгелек үстелдер мен басқа да іс-шараларға қатысып жатыр. Павлодар облыстық филиалы төрағасының міндетін атқарушы Әлімбек Ағыбаев жергілікті Достық үйінде өткен талқылауға қатысты. Жиында облыс әкімі Асаин Байханов жаңа Конституцияны әзірлеуде халықтың, саяси партиялардың, үкіметтік емес ұйымдар мен сарапшылардың 2000-нан астам ұсынысы ескерілгенін атап өтті. Ол реформаның тарихи маңызы мен әрбір азамат үшін практикалық мәніне ерекше назар аударды. Қазақстан Халық партиясының өкілдері жаңа Конституция жобасын толық қолдап, оның қоғамдық талқылау мен түсіндіру жұмыстарында белсенділік танытатындарын жеткізді. – Жаңа Конституция азаматтардың құқықтары мен…

Жаңа Конституцияның кіріспесінде Ұлы Даланың мыңжылдық тарихының сабақтастығы көрініс тапқан. Бұл туралы белгілі заңгер, Конституциялық комиссия мүшесі Айман Омарова өткен жаңа айтты, деп жазады Ertenmedia.kz. Заңгердің пікірінше, преамбуладағы «Ұлы Даланың мыңжылдық тарихының сабақтастығын сақтай отырып» деген тіркес – тарихи маңызы зор, саяси тұрғыда аса терең тұжырым. – Бұл – өте салмақты норма. Преамбула өте сәтті әрі мағыналы жазылған. Оның басты күші – қазақ мемлекеттілігінің тарихи үздіксіздігіне ерекше мән беруінде, – деді Айман Умарова. Ол жаңа Конституцияның кіріспесі қазақ халқының мемлекеттік тарихы ХХ ғасырдан әлдеқайда бұрын басталғанын көрсетіп тұрғанын атап өтті. – Осы норма арқылы біз тарихи сабақтастық туралы ашық айтып…

Қазақстан мен Пәкістан арасындағы интеллектуалдық спорт, оның ішінде тоғызқұмалақты дамыту бағытындағы ынтымақтастық жаңа деңгейге көтерілді, деп жазады Ertenmedia.kz. Исламабад қаласында өткен салтанатты шарада Қазақстан–Пәкістан «Dostyq» спорт орталығы ашылды. Ашылу рәсімі ҚР Президенті Қасым-Жомарт Тоқаевтың Пәкістанға мемлекеттік сапары аясында ұйымдастырылды. Шараға ҚР Туризм және спорт вице-министрі Бауыржан Рапиков бастаған делегация қатысты. Оның құрамында ҚР Тоғызқұмалақ федерациясының президенті, Дүниежүзілік Тоғызқұмалақ федерациясының вице-президенті Әкім Тұрсын, үш дүркін әлем чемпионы Серік Ақтаев, федерацияның атқарушы директоры Азамат Қалдыбаев және жетекші спортшылар болды. Сапардың басты мақсаты екі ел арасындағы интеллектуалдық спортты, әсіресе тоғызқұмалақты халықаралық деңгейде дамыту, бірлескен оқу-білім жобаларын іске асыру және спорттық дипломатияны нығайту. 3…