Қазақстанда жыл басынан бері заңсыз айналымнан 900-ден астам қару тәркіленді. Арасында Қаңтар оқиғасы кезінде ұрланған қарулар да бар, деп жазады Ertenmedia.kz.
Ішкі істер министрлігі қоғамдық тәртіпті сақтау және заңсыз қару айналымына қарсы жұмысты күшейтіп жатыр. Polisia.kz мәліметінше, тәркіленген қарудың ішінде қаңтар оқиғасы кезінде ұрланған 74 қару да бар. Сонымен қатар 4 мыңнан астам оқ-дәрі айналымнан алынған.
27-29 сәуір аралығында ел аумағында «Құқықтық тәртіп» республикалық жедел-профилактикалық іс-шарасының екінші кезеңі өтті. Үш күн ішінде полиция 67 атыс қаруын және түрлі калибрдегі 200-ден астам оқ-дәріні тәркіледі.
27 сәуірде Алматы қаласында полиция қызметкерлері Сайран көлі жағасынан қару тапты. Ішкі істер министрлігінің дерегінше, ол қаңтар оқиғасы кезінде қару-жарақ дүкенінен ұрланған.
МВД криминалдық полиция департаментінің бастығы Қанат Нұрмағамбетов заңсыз сақталған қаруды өз еркімен тапсырған азамат қылмыстық және әкімшілік жауапкершіліктен босатылатынын еске салды. Министрлік тұрғындарды жауапкершілік танытып, заңсыз қаруды тапсыру арқылы қоғамдық қауіпсіздікке үлес қосуға шақырды.
Қару айналымын бақылау ел ішіндегі тұрақтылық үшін маңызды. Әсіресе қаңтар оқиғасы кезінде жоғалған қарулардың әлі де табылып жатқаны бұл бағыттағы жұмысты тоқтатуға болмайтынын көрсетеді. Заңсыз қару бір адамның қолында тұрса да, тұтас қоғамға қауіп төндіреді.
Киберқылмыстың келесі деңгейі саналатын Жасанды интеллект шабуылынан қалай қорғануға болады?
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
