Нүкенованың ағасы Бишімбаевтан ақша өндіріп алмақ деген ақпарат тарады

Салтанат Нүкенованың ағасы Айтбек Амангелді Қуандық Бишімбаевтан моральдық шығын талап етіп, сотқа арызданды, — деп хабарлайды ErtenMedia.kz.

Бұл туралы сот кабинетіндегі құжатта белгілі болды. Іс 2024 жылдың 2 тамызында басталған. Істі судья Досжан Жұмабаев қарайды.

Моральдық өтемақыға қатысты бірінші сот отырысы 3 қыркүйекте сағат 11.00-де өтетіні белгіленген.

23 шілдеде Бишімбаев қатаң режимдегі колонияға жеткізілгені белгілі болды.

Салтанат Нүкенованың ісі бойынша Қуандық Бишімбаев 24 жылға, інісі Бақытжан Байжанов 4 жылға сотталған болатын.