29 мамыр, жұма күні Қазақстанның бірқатар өңірінде жаңбыр жауып, найзағай ойнайды, деп жазады Ertenmedia.kz «Қазгидромет» болжамына сүйеніп.
Астанада күн құбылмалы бұлтты, жауын-шашынсыз болады. Жел екпіні 15–18 м/с дейін күшеюі мүмкін. Түнде +10…+12 градус, күндіз +26…+28 градус жылы.
Алматыда күн бұлтты, жаңбыр жауып, найзағай ойнайды. Жел екпіні 13 м/с дейін жетеді. Түнде +13…+15 градус, күндіз +27…+29 градус болады.
Шымкентте жауын-шашын күтілмейді. Түнде +13…+15, күндіз +30…+32 градусқа дейін ыстық болады.
Батыс өңірлерде ауа райы құбылмалы. Ақтау, Ақтөбе және Атырауда жаңбыр жауып, найзағай ойнайды. Атырауда жел екпіні 15–18 м/с дейін күшеюі мүмкін. Оралда жауын-шашынсыз, түнде +5…+7, күндіз +18…+20 градус шамасында болады.
Жаңбыр жауып, жел күшейеді
Орталықта Жезқазғанда жаңбыр мен найзағай күтіледі. Қарағандыда жауын-шашынсыз, бірақ жел екпіні 15–20 м/с дейін жетуі ықтимал. Жезқазғанда күндіз +27…+29, Қарағандыда +23…+25 градус жылы болады.
Солтүстікте Көкшетауда жаңбыр жауады, жел күшейеді. Қостанайда жауын-шашынсыз, бірақ жел екпіні 15–20 м/с дейін барады. Павлодар мен Петропавлда жаңбыр жауып, найзағай ойнайды. Петропавлда жел екпіні кей уақытта 23 м/с дейін күшеюі мүмкін.
Шығыс өңірлерде де ауа райы тұрақсыз. Өскеменде жаңбыр жауып, найзағай ойнайды, жел екпіні 15–20 м/с болады. Семейде жауын-шашынсыз, бірақ жел күшеюі мүмкін. Семейде күндіз +23…+25, Өскеменде +22…+24 градус.
Оңтүстікте күн ыстық болады. Қызылорда мен Түркістанда жауын-шашынсыз, күндіз +32…+34 градусқа дейін көтеріледі. Таразда жаңбыр жауып, найзағай ойнайды, жел екпіні 15–20 м/с дейін жетеді. Қонаевта жауын-шашынсыз, күндіз +29…+31 градус болады. Талдықорғанда да күн ашық, күндіз +25…+27 градус жылы.
Синоптиктер жел күшейетін және найзағай ойнайтын өңірлерде тұрғындарға сақ болуға кеңес береді. Көлікті ағаштар мен әлсіз құрылымдардың жанына қоймаған дұрыс. Ал оңтүстікте күн ыстық болғандықтан, күндізгі уақытта су ішіп, балалар мен қарттардың жағдайына назар аудару маңызды.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
