«Қазгидромет» 18 мамырға арналған ауа райын жариялады. Елдің басым бөлігінде жел күшейіп, кей өңірде найзағай, шаңды дауыл, тұман, бұршақ және үсік күтіледі. Сонымен қатар көптеген облыста жоғары және төтенше өрт қаупі сақталады, деп жазады Ertenmedia.kz.
Шымкентте желдің екпіні секундына 15–20 метрге дейін жетуі мүмкін. Қалада жоғары өрт қаупі күтіледі. Түркістан облысында күндіз таулы аудандарда қысқа мерзімді жаңбыр, найзағай және шаңды дауыл болады. Желдің екпіні кей жерде 23 м/с дейін күшейеді. Түркістан қаласында да жоғары өрт қаупі сақталады.
Абай облысында түнде және таңертең кей жерде тұман түседі. Жел екпіні 15–20 м/с болады. Түнде жекелеген аудандарда топырақ бетінде -1 градус үсік күтіледі. Өңірде жоғары өрт қаупі сақталады.
Ақмола облысында жел күшейіп, кей жерде екпіні 15–20 м/с жетеді. Өңірде жоғары өрт қаупі бар. Қостанай облысында да желдің жылдамдығы кей жерде 15–20 м/с дейін күшеюі мүмкін.
Ақтөбе облысында күндіз жаңбыр жауып, найзағай ойнайды, шаңды дауыл көтеріледі. Жел екпіні 15–20 м/с, кей уақытта 23–28 м/с дейін жетеді. Кей жерде жоғары, жекелеген аудандарда төтенше өрт қаупі сақталады. Ақтөбе қаласында күндіз жел екпіні 23 м/с болуы мүмкін.
Атырау облысында таңертең және күндіз жаңбыр, найзағай, күндіз шаңды дауыл күтіледі. Жел екпіні 23–28 м/с дейін күшейеді. Атырау қаласында да жаңбыр мен найзағай болып, күндіз шаңды дауыл көтерілуі ықтимал. Өңір бойынша жоғары өрт қаупі сақталады.
Маңғыстау облысында жаңбыр, найзағай, бұршақ, дауыл және кей уақытта қатты жаңбыр күтіледі. Тұман түседі. Ақтауда жаңбыр жауып, найзағай ойнайды, түнде қатты жауын болуы мүмкін.
Жаңбыр жауып, тұман түседі
Шығыс Қазақстан облысында күндіз жауын-шашын болады. Кей жерде жаңбыр мен қар жауып, тұман түседі. Жел екпіні 15–20 м/с дейін жетеді. Түнде жекелеген аудандарда -2 градус үсік күтіледі. Өскеменде күндіз жел 15–18 м/с дейін күшейеді.
Жамбыл облысында күндіз таулы аудандарда қысқа мерзімді жаңбыр мен найзағай болады. Жел кей жерде 23–28 м/с дейін күшейеді. Таразда таңертең және күндіз жел екпіні 15–20 м/с болады. Жетісу облысында да таулы аудандарда аздаған жаңбыр мен найзағай күтіледі. Жел кей уақытта 25 м/с дейін жетеді. Өңірде төтенше өрт қаупі сақталады.
Қызылорда облысында күндіз жаңбыр, найзағай, дауыл және шаңды дауыл күтіледі. Жел екпіні кей жерде 23 м/с дейін күшейеді. Қызылорда қаласында да күндіз найзағай, дауыл және шаңды дауыл болуы мүмкін. Облыста төтенше өрт қаупі сақталады.
Ұлытау облысында күндіз шаңды дауыл тұрып, жел 23–28 м/с дейін күшейеді. Жезқазғанда жел екпіні 15–20 м/с болады. Қалада төтенше өрт қаупі күтіледі.
Павлодар облысында түнде және таңертең тұман түседі. Жекелеген аудандарда -2 градусқа дейін үсік болуы мүмкін. Солтүстік Қазақстан облысында да түнде және таңертең тұман күтіледі. Екі өңірде де жоғары өрт қаупі сақталады.
Мамандар тұрғындарға ауа райы ескертуін назарға алып, ашық от жақпауға, дала жұмысы мен жол сапарын жоспарлағанда желдің күшеюін, найзағай мен шаңды дауыл қаупін ескеруге кеңес береді. Таулы және далалық аймақтағы тұрғындар үшін өрт қауіпсіздігі талаптарын сақтау ерекше маңызды.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
