ҚР Энергетика министрлігі 18 қарашада өтуі тиіс көмірсутектер бойынша жер қойнауын пайдалану құқығын беру аукционынан әлеуетті инвесторлардың қызығушылығының болмауына байланысты бірден 20 учаскені алып тастады, деп хабарлайды Ertenmedia.kz.
Инвесторлардың қызығушылығы неге төмен?
Өтінім бар болғаны 6 учаскеге түскен. Бір айдан кейін, яғни 25 желтоқсанда өтуі тиіс келесі онлайн-аукционда тағы 56 учаскені саудаға шығару көзделіп отыр. Олардың қаншасы мәреге жететіні белгісіз, алайда министрлік 2026 жылы кемінде 100 учаскені ұсынуға уәде берген болатын.
Электрондық аукцион жеңімпазы ең үлкен қол қойылатын бонусты ұсынған емес, геологиялық барлау бойынша ең жоғары міндеттемелерді мойнына алған қатысушы болуы тиіс.
Егер перспективалы блоктар инвесторлар арасында сұраныс тудырмаса, бәлкім, аукцион шарттарын өзгертетін уақыт жеткен шығар. Қарапайым мысал – егер учаскеге тек жалғыз қатысушы өтінім білдірсе, ол иесін таба алмайды. Осы жылдың қыркүйек айының басында Атырауда өткен KazDrilling-2026 конференциясында ведомство жер қойнауын пайдалану құқығын беру жүйесін реформалауды жариялаған еді: электрондық аукцион жеңімпазы ең үлкен қол қойылатын бонусты жариялаған емес, геологиялық барлау бойынша ең жоғары міндеттемелерді өз мойнына алған үміткер болуы тиіс.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
