Автор: Назым Болатхан

Шетелге саяхат алдын ала ойластырсаң ғана алаңсыз өтетін шаруа. Әсіресе виза, сақтандыру, жүк дайындау сияқты ұсақ-түйекті үйден шықпай шешкен абзал деп хабарлайды Ertenmedia.kz. Иә, әр елдің визасы әрқилы. АҚШ, Ұлыбритания, Шенгенге бармақ болсаңыз, «ертең ала саламын» деп арқаны кеңге салуға болмайды. Мәселен, жаздың қызған кезінде кезегіңіз бірнеше айға созылып кетуі мүмкін. Сол себепті ресми ақпаратты елшіліктен ғана алып, құжаттарды кемінде бір ай бұрын әзірлеп қойыңыз. Анкета, билет, қонақүй броні, банк анықтамасы мен сақтандыру – негізгі тізім осы. Айтпақшы, билет іздеп бас қатырмайсыз: ForteTravel сервисінде ұшақ немесе пойыз билетін екі-үш шертіп алуға болады. Карта нөмірін қайта-қайта жазып жатпайсыз, әр билетке қосымша…

Руслан Желдібай Қазақстан Президентінің штаттан тыс кеңесшісі болып тағайындалды, деп хабарлайды Ertenmedia.kz. Ол бұған дейін Президенттің көмекшісі, баспасөз хатшысы қызметін атқарған. 2026 жылғы қаңтарда ол осы лауазымнан босатылған еді. Оның орнына бұл қызметке Айбек Смадияров келді. Желдібай әр жылдары Президент кеңесшісі, баспасөз хатшысы, Президенттің ішкі саясат және коммуникациялар мәселелері жөніндегі көмекшісі, Президент Әкімшілігі басшысының орынбасары, Президенттің баспасөз хатшысы қызметінде жұмыс істеді. Руслан Желдібай 1989 жылы Жамбыл облысында туған. Тұрар Рысқұлов атындағы Қазақ экономикалық университетін тәмамдаған. Кейін «Болашақ» бағдарламасымен Ұлыбританиядағы Уорик университетінде магистр дәрежесін алған. Контекст Осы жылдың қаңтарында баспасөз хатшысы қызметін Смадияровқа табыстаған Желдібай: «Мемлекет басшысы жүктеген мәртебелі міндеттерді үдесінен…

Президент Тоқаев мәдениет және өнер қызметкерлері күні қарсаңында елдің көрнекті тұлғаларына мемлекеттік наградаларды тапсырды. Биыл шығармашылық саладағы 120 азамат марапатталса, бірнеше тұлғаға «Қазақстанның халық әртісі» атағы берілді, деп хабарлайды Ertenmedia.kz. Салтанатты жиында Мемлекет басшысы сахна майталмандарының ел мәдениетіне қосқан ерекше үлесін атап өтті. Атап айтқанда, қазақтың дәстүрлі музыкалық өнерін жарты ғасырға жуық уақыт бойы дәріптеп келе жатқан белгілі әнші әрі домбырашы Татьяна Бурмистрова «Отан» орденімен марапатталды. Ал «Барыс» ІІ дәрежелі ордені Қазақстанның халық әртісі, әйгілі Мақпал Жүнісоваға табысталды. Сонымен қатар, М.Лермонтов атындағы Ұлттық орыс драма театрының актрисасы Марина Ганцева «Барыс» ІІІ дәрежелі орденімен марапатталды. «Бүгін арамызда танымал әнші және домбырашы…

Павлодар өңірі Қазақстанның экономикалық жүрегі ғана емес, әлеуеті зор, серпіні қуатты аймақ. Президент Тоқаев аймақ басшысы Асайын Байхановпен кездесуде облыстың қазіргі жағдайын саралап, келешек жоспарды талқылады деп жазады Ertenmedia.kz. Байхановтың айтуынша, Павлодар былтыр рекордты нәтижеге қол жеткізіп, ел экономикасына үлкен үлес қосқан. Өңірге тартылған инвестиция көлемі 1,3 триллион теңгеден асып, республика бойынша көш бастаған. Өнеркәсіп өндірісінің көлемі де ауыз толтырып айтарлық деңгейге жеткен. Өткен жылы осы көрсеткіш 4,1 триллион теңгені құрады. Елдегі көмір мен ферроқорытпаның жартысынан көбі, электр қуатының жартысына жуығы осы облыстан шығады. Аграрлық сала да аймақта ерекше дамып келеді. Ылғалды үнемдейтін жаңа технологияны енгізген павлодарлық шаруалар картоп, күнбағыс,…

Депутат Бақытжан Базарбек Ұлттық экономика министрлігі енгізген жаңа Салық кодексін сын садағына алды. Айтуынша өзгерістер қосылған құн салығын (ҚҚС) әділетсіз түрде қайта бөліп, салықтан босамауы компанияларды жеңілдікпен қамтыған. Сорақысы, салықтық жүктеме басқа кәсіпкерлерге артылған деп хабарлайды Ertenmedia.kz. Бұған дәлел ретінде Базарбек әуе билетінің бағасын мысалға келтірді. «Жаңа норма бойынша сіздер ҚҚС төлеуі тиіс компанияларды тайраңдатып, керісінше, салықтан босатылуы тиіс компанияларға салмақ салдыңыздар. Мысалға, әуе жанармайын ҚҚС-тан босаттыңыздар. Ойбай, әуе билеті су тегін болады деп уәде бердіңіздер. Арзандаған билет қайда? Керісінше, қаңтардан бері бағасы шарықтап, қымбаттап шыға келді», – деп ашынды Бақытжан Базарбек. Сондай-ақ депутат министрлік өкілдерін жұмыс тобында берілген сөзінен…

Кәсіпкер Азамат Үсімбеков UlysMedia YouTube арнасына берген сұхбатында өзіне қатысты даулы мәселелерге жауап берді. Кәсіпкер компанияны қалай сатып алғанын, 600 млн теңге дауына байланысты ұстанымын және журналист Ботагөз Омаровамен болған жайтты айтты, деп хабарлайды Ertenmedia.kz. «VD Stroy Engineering» жетекшісінің айтуынша, ол құрылыс саласына әкесінің жолын қуып келген. «Мен Ақтөбеден шықтым. Әкем құрылысшы болған соң осы саланы таңдадым. Әр жылдары түрлі өңірлерде мектептер, тұрғын үй кешендері сияқты жобаларды жүзеге асырдық. 2023 жылдың тамызында бизнесті ауқымды түрде дамыту үшін «VD Engineering» компаниясын сатып алдым», – деді ол. Сұхбат барысында кәсіпкер журналист Ботагөз Омарова ісіне себеп болған 600 млн теңге төңірегіндегі дауға да…

Қазақстанда 2025/2026 оқу жылы мәресіне жетті. Биыл еліміз бойынша 3,9 миллионнан астам оқушы мектеппен қоштасып жатыр. Олардың 31 мыңнан астамы 9-сыныпты үздік аяқтаса, 11-сынып түлектерінің арасынан 18 мыңға жуық оқушы «Алтын белгіге» үміткер, деп хабарлайды Ertenmedia.kz. 25 мамырда республиканың барлық мектептерінде «Білімім – Отаныма!» тақырыбында бірыңғай сынып сағаты өтеді. Жиын барысында оқушылардың жетістіктері сараланып, оқу жылы қорытындыланады. Сонымен бірге, «Адал азамат» тәрбиелеу бағдарламасының негізгі құндылықтары талқыланады. Оқу-ағарту министрлігі мен жергілікті атқарушы органдардың бірлескен бұйрығына сәйкес, мектеп бітіру кештерін мейрамхана, кафе, демалыс базалары мен табиғат аясында атап өтуге тыйым салынған. «Мектеп бітіру кештеріне орай ата-аналардан, заңды өкілдерден және оқушылардан ақша жинауға,…

Алматыда мектеп бітіру кешіне қатысты үлкен дау туындады. 30 жылдық тәжірибесі бар кәсіби қаржыгер, 11-сынып оқушысының анасы президент Тоқаевқа үндеу жолдап, мектеп әкімшілігі мен ата-аналар комитетінің қарапайым отбасыларға аса қымбат кешті мәжбүрлеп отырғанын ашық айтты, деп хабарлайды Ertenmedia.kz. Шағым авторының айтуынша, әр түлектен мектеп бітіру кешіне 200-300 мың теңге көлемінде ақша жинау қалыпты жағдайға айналған. Көпбалалы және қарапайым отбасылар үшін мұндай шығын ауыр жүк. «Мен қаржыгермін, бюджетті есептей аламын және барлық тәуекелдерді жақсы білемін. Бізден әр оқушы үшін 200 мың теңгеден аса ақша сұрап отыр, ал кей мектептерде тіпті одан да көп. Ең сорақысы, бұл қаржының қайда жұмсалатыны белгісіз, шығындар…

БҰҰ жанындағы Халықаралық көші-қон ұйымының (ХКҚҰ) жаһандық елшісі Димаш Құдайберген гуманитарлық миссиямен Бангладештің Кокс-Базар өңіріне келді. Халықаралық қауымдастықтың назарына көп іліге бермейтін аймақта мыңдаған адам тұрақты гуманитарлық көмекке зәру, деп хабарлайды Ertenmedia.kz. Кокс-Базар – әлемдегі ең ірі гуманитарлық орталықтардың бірі. Мұнда үйлерін тастап кетуге мәжбүр болған, өмір сүруге қажетті жағдайлармен қамтамасыз етілмеген көптеген адам тұрып жатыр. Өңірдегі жағдай климаттық қиындықтарға байланысты, әсіресе су тасқыны мен циклондардың салдарынан одан сайын күрделене түсуде. Димаш Құдайберген гуманитарлық сапары барысында ХКҚҰ мен оның серіктес ұйымдарының өкілдерімен кездесіп, жергілікті тұрғындарға арналған көмек бағдарламаларымен танысады. Сонымен қатар, халықаралық қауымдастықтың назарын Кокс-Базар өңіріндегі гуманитарлық мәселелерге аудару үшін…

Киелі Маңғыстаудың төріндегі Айрақты тауының етегінде қоқыс теріп жүрген әкімді көрген жұрт әуелде таңданысын жасырған жоқ. Қолына қап ұстап, өңірдің ең көрікті жерін тазартуға білек түре кіріскен Нұрдәулет Қилыбай өзімен бірге бір топ ерікті мен әкімдік қызметкерлерін ертіп шықты деп жазады Ertenmedia.kz. Әкімнің атап өткеніндей, өңірге келетін туристердің қарасы мол болғанымен, тазалық мәдениетінде әттеген-ай дейтін кемшілік көп болып тұр. Айрақтының баурайындағы үйіліп қалған қоқысты бір күн уақытын қиып, жинап шыққан Қилыбайдың командасы өңірге келетін туристерге үлкен өтініш айтып отыр. «Табанымыздың астындағы қара жер бабаларымыздың қаны мен тері тамған қасиетті мекен. Осы жердің ауасын жұтып, суын ішіп отырған әр азаматтың алдында…