Күндіз жылы, түнде суық: 28 қазанда ауа райы қандай?

28 қазан күні Қазақстанның барлық өңірінде жауын-шашын күтілмейді, күн ашық әрі құрғақ болады, деп хабарлайды Ertenmedia.kz.

Ел аумағындағы синоптикалық жағдай

Қазгидромет мамандарының дерегінше, еліміз бойынша ауа райы антициклонның ықпалында болады. Жауын-шашынсыз ауа райы қалыптасқанымен, таңертең кей өңірлерде тұман түсуі мүмкін. Ауа райының басты ерекшелігі – күндізгі және түнгі температуралар арасындағы айтарлықтай айырмашылық.

Синоптиктер ел аумағында жауын-шашын болмайтынын, бірақ түнгі уақытта ауа температурасы төмендеп, оңтүстік өңірлерде топырақ бетінде үсік жүретінін хабарлады.

МЫНАНЫ ДА ОҚИ КЕТІҢІЗ

Қытай ғалымдары жойылып бара жатқан Тибет қодасын жаппай клондадыЭлектромобиль көліктен бұрын бағдарламасы ескіріп қалатын смартфонға айнала ма?Он жылдан кейін қайта шықты: Эбола дерті Африканы тағы алаңдатты

Мегаполистер мен ірі қалалардағы ауа райы

Астанада көшпелі бұлтты ауа райы күтіледі, жауын-шашын болмайды. Желдің екпіні секундына 2–7 метрге жетеді. Түнгі уақытта сынап бағаны -1…-3 градусқа дейін суытса, күндіз ауа температурасы +8…+10 градусқа дейін жылынады.

Алматыда да ауа райы жауын-шашынсыз өтеді, көшпелі бұлт байқалады. Желдің жылдамдығы 3–8 м/с шамасында болады. Түнде қалада -1…-3 градус салқындық сақталса, күндіз ауа температурасы +10…+12 градус аралығында қалыптасады.

Шымкентте көшпелі бұлтты, жауын-шашынсыз ауа райы сақталады. Желдің жылдамдығы секундына 8–13 метрді құрайды. Түнде термометр көрсеткіші +3…+5 градусты көрсетіп, топырақ бетінде үсік байқалады. Күндіз сынап бағаны +17…+19 градусқа дейін көтеріледі.

Ақтау қаласында күн ашық, жауын-шашынсыз болады. Жел 5–10 м/с жылдамдықпен соғады. Түнгі уақытта ауа температурасы +4…+6 градус, күндіз +17…+19 градус жылы болады деп болжанып отыр.