Сыр өңірінде биылғы егіс маусымы бұрын-соңды болмаған сын-тегеуріндермен бетпе-бет келді. Су тапшылығы, климаттың күрт өзгеруі шаруаның тынысын тарылтқаны анық. Осындай жағдайда күріш егетін шаруаның әр күні есепке құрып, әр литр суды бағалауға итермеледі. Мемлекет тарапынан жасалған қолдау, көрші елдермен жүргізілген су дипломатиясы, жаңа технологияларды енгізу жұмыстың кері кетпеуіне септескені анық. Осы ретте Ertenmedia.kz сайтының аймақтағы тілшілері Қызылорда облыстық күріш өндірушілер және өңдеушілер қауымдастығының президенті, «Қазақстанның Еңбек Ері» Абзал Ералиевпен сұхбаттасып, су тапшылығының салдары, жаңа ғылыми ізденістер, егіс көлемін оңтайландыру, кадр дайындау мәселесі жайында сұрап, тартымды сұхбат алған еді. Енді сол сұхбатты оқырмандарымыздың назарына ұсынамыз. – Абзал Жұмашұлы, биылғы егіс…
Автор: editor
2025 жылдың алғашқы жартыжылдығында Қазақстандық Ұлттық электронды кітапханасы Kazneb.kz платформасының даму қарқыны жаңа деңгейге көтерілді. Яғни, контент қаралымының саны 4 076 629-ға жетіп, 30% өссе, пайдаланушы 379 312, қашықтықтан 746 056 пайдаланушы кіріп, 44% артты. Сондай-ақ авторлардың рұқсатымен құжаттарды жүктеу саны 1 миллион 600 мыңнан асты. Жыл басынан бері электронды база 2 758 құжатпен толығып, былтыр осы кезеңмен салыстырғанда 6% көбейді. Бүгінге дейін 114 842 бет сканерленіп, 362 049 бет редакцияланды. Қазақстандық Ұлттық электронды кітапхана қорында 81 357 құжат сақталған, 64 тілдегі құжаттармен еркін танысу мүмкіндігі бар. ҚазҰЭК – қазақстандық мазмұндағы кең көлемді ақпараттар ұсына алатын тұңғыш мемлекеттік кітапханалық портал.…
Қазақстан қор биржасында доллар бағамы 550 теңгеден асып, соңғы уақыттағы ең жоғары межеге жетті. Ұлттық банк теңгенің күрт әлсіреуіне жол бермеу үшін валюталық интервенция бастады деп хабарлайды Ertenmedia. Ұлттық банктің мәлімдеуінше, теңге шілде айының басынан бері 5,8%-ға арзандаған. Жыл басынан бері ұлттық валюта 4,7%-ға құлдырады. Бас банк валюта нарығында доллар тапшылығы байқалып, оған қоса алыпсатарлардың қысымы күшейген соң осындай қадамға барғанын жеткізді. Ұлттық банк теңгенің қазіргі әлсіреуі негізсіз, нарықтағы жағдай жасанды деп есептейді. «Экономиканың негізгі көрсеткіштері тұрақты. Мұнай бағасы барреліне 70 доллардан жоғары тұр. Дүниежүзінде доллар бағамы әлсіреп барады. Осы жағдайға қарамастан, теңгенің төмендеуі ешбір экономикалық негізге сүйенбейді. Ұлттық валютамыздың…
Қазақстанның рухани мұрасын сақтау – ұлттық болмысты танудың, тарихи сабақтастықты қамтамасыз етудің және мәдени-өркениеттік құндылықтарды болашақ ұрпаққа жеткізудің маңызды алғышарты болып табылады. Уақыт өте келе табиғи-климаттық және антропогендік факторлардың ықпалынан көне құжаттар мен сирек қолжазбалар түрлі дәрежеде зақымданып, жойылып кету қаупіне ұшырайды. Мұндай тарихи жәдігерлер – халқымыздың мәдени-тарихи дамуын айқындайтын, ғылыми тұрғыдан құндылығы жоғары дереккөздер. Оларды сақтау, қалпына келтіру және түпнұсқа қалпында келешек ұрпаққа жеткізу – аса күрделі әрі жауапты міндет. Осы бағытта жұмыс істейтін отандық мекемелердің қатарында «Ғылым ордасы» республикалық мемлекеттік кәсіпорнына қарасты Реставрация және консервация орталығы маңызды рөл атқарады. Бұл орталық – Қазақстанда жазба мұраны ғылыми негізде қалпына…
Бүгін, 30 шілдеде Астана қаласында ғылым және сарапшылар қауымдастығы өкілдерінің қатысуымен кәмелетке толмаған азаматтарға ЛГБТ насихатының ықпалы туралы зерттеу қорытындыларын талқылау өткізілді,- деп хабарлайды Ertenmedia Аталған зерттеу 2024 жылғы 6 тамыздағы «Біз Қазақстан Республикасында ЛГБТ-ның ашық және жасырын насихатына қарсымыз» петициясын қарау бойынша жұмыс тобының шешімінде көзделген ҚР Парламентінің Мәжілісі депутаттарының бастамасы бойынша өткізілді. Зерттеу қорытындылары зерттеу тақырыбы бойынша әлеуметтанулық сауалнамалар мен ғылыми-құқықтық талдау жүргізген зерттеу ұйымдары және сарапшылар тобымен ұсынылды. Зерттеуді жүргізу және оның қорытындысы бойынша есепті дайындау жұмысы «Өркендеуге жәрдемдесудің Ұлттық қоры» ҚҚ үйлестіруімен қордың жеке және зерттеу ұйымдары мен сарапшылардан тартылған ресурстары есебінен жүргізілді. Өркендеуге жәрдемдесудің Ұлттық қоры – адам құқықтарын қорғауға, демократияны нығайтуға және…
Президент Тоқаев пен Түркия басшысы Режеп Тайып Ердоған Анкарада жоғары деңгейдегі стратегиялық ынтымақтастық кеңесінің бесінші отырысын өткізді. Мемлекет басшылары екі елдің сауда-экономикалық, инвестициялық, ауыл шаруашылығы, энергетика мен білім беру саласындағы алдағы жоспарларын талқылап, бірқатар жаңа келісімге қол қойды, деп хабарлайды Ertenmedia Ақордаға сілтеме жасап. Кездесуде сөз алған Тоқаев Қазақстан мен Түркия арасындағы әріптестікті жаңа деңгейге көтеруге екі жақтың да ынтасы зор екенін атап өтті. Өткен жылы екі елдің сауда айналымы бес миллиард доллардан асқан. Қазақстан енді Түркия нарығына жалпы көлемі бір миллиард долларға жететін 34 түрлі өнім жеткізуге дайын отыр. Президенттің айтуынша, бұдан бөлек, Түркиядан импортталатын тауар түрін де көбейту…
Ақтөбе қаласындағы «Нұр Ғасыр» мешітінде қызға қырындап, ерсі ұсыныс айтқан ер адам бес тәулікке қамалды. Бұл туралы жәбірленуші Еммануэлла Наурызбаева мәлімдеді деп хабарлайды Ertenmedia. 23 жастағы Еммануэлланың айтуынша, істі қараған сот отырысы 29 шілдеде өткен. Тергеу барысында күдіктінің бұған дейін де жауапқа тартылғаны белгілі болды. Ол бұзақылық жасап, 2025 жылдың қаңтар айында осы мешітте басқа бір адамға тиіскен. «Қазір сот шешімімен арнайы сараптама тағайындалды. Егер күдіктінің психикалық ауруға шалдыққаны расталса, оны мәжбүрлеп емдеуге жіберуі мүмкін. Ал анықтамасы жалған болса, медициналық құжатты қолдан жасағаны үшін үстінен қылмыстық іс қозғалады», – дейді Наурызбаева. Сонымен бірге жәбірленуші әлеуметтік желіде өзіне тіл тигізіп, жала…
ҚР Президенті Қасым-Жомарт Тоқаевтың аграрлық секторды тұрақты түрде сумен қамтамасыз ету бойынша берген тапсырмасын іске асыру аясында Үкімет резервінен Қызылорда облысының қажеттіліктері үшін 53 жылжымалы дизельді сорғы стансасын сатып алуға шамамен 1 млрд теңге бөлінді. ҚР Премьер-министрі Олжас Бектенов тиісті қаулыға қол қойды. Мамандардың есебінше, жаңа жабдық магистральді арналарда су деңгейі төмен болған күннің өзінде 6 мыңнан астам гектар жерді суарып тұруға мүмкіндік береді. Сорғы стансалары магистральді және шаруашылықтар аралығындағы арналардан ішкі шаруашылық желілеріне су жіберу үшін қолданылады. Өңірде 126,4 мыңнан астам гектар жерге суармалы егін егілген, оның 82,4 мың гектары күріш. Ағымдағы суару маусымында жоспарланған су көлемі 2,5 млрд…
Қорғаныс министрі Дәурен Қосанов 30 шілдеде Алматы облысындағы іздеу жұмысы жүріп жатқан аумаққа барып, із-түзсіз кеткен тікұшақ экипажының жақындарымен кездесті. Ол жоғалған сарбаздарды толық тапқанша іздеу жалғасатынын жеткізді деп жазады Ertenmedia. «Қанша уақыт қажет болса, сонша іздейміз. Трагедияның себебін толық анықтап, жігіттерді тапқанға дейін жұмысты тоқтатпаймыз. Қазір жақындарыңызға барлық қолдауды көрсетіп отырмыз. Сіздермен күн сайын байланыстамыз», – деді министр экипаж мүшелерінің туыстарымен әңгімесінде. Әуе қорғаныс күштерінің қолбасшысы Асқар Ізбасовтың айтуынша, іздеу жұмысына көлдің лайлы табаны, күрделі суасты бедері және нашар көріну жағдайы айтарлықтай кедергі келтіріп отыр. Қорғаныс министрлігінің мәліметінше, қазір іздеу жұмысына 400 маман, кинологтар тобы, 70-тен астам арнайы техника,…
Қасым-Жомарт Тоқаев пен Режеп Тайип Ердоған Қазақстан-Түркия Жоғары деңгейдегі стратегиялық ынтымақтастық кеңесінің 5-ші отырысын өткізді. Жиын барысында Мемлекет басшысы Түркияның ежелден бауырлас, тамырлас және түбі бір туысқан ел екенін атап өтіп, ортақ тарихи және рухани құндылықтарға негізделген қазақ-түрік ынтымақтастығы кеңейтілген стратегиялық серіктестік рухында тұрақты дамып келе жатқанына назар аударды. – Біз осы сара жолды жалғастырып, өзара байланысты бүгінгіден де биік белеске көтеруге мүдделіміз. Құрметті Президент мырза, Өзіңізбен жаңа ғана шағын құрамда өткізген келіссөздерді жоғары бағалаймын. Біз ықпалдастығымызды кеңейтуге ниетіміз бар екенін тағы да бекемдей түстік. Оған біздің мүмкіндігіміз де, ынта-жігеріміз де жеткілікті. Екі елдің арасында ауқымды шарттық-құқықтық негіз қалыптасты. Атап…
