Автор: Асылхан Бөрібай

Алматы облысындағы Қапшағай жағалауы мен Іле өзенінің бойында заңсыз берілген жер телімдері мемлекетке қайтарылды, – деп жазады Ertenmedia.kz. Бұл жерлерді кезінде жоғары лауазымды шенеуніктер, елдің бұрынғы басшылығымен байланысы бар туыстар және ірі кәсіпкерлер иемденіп алғаны әшкереленді. Басында қарапайым халыққа жабық болып келген жағалаулардың бір бөлігі енді мемлекет қарауына өтіп, қоғамдық мақсатта пайдалануға жол ашылмақ. Қапшағай су қоймасы мен Іле өзені еліміз үшін табиғи әрі стратегиялық нысан. Осы аумақтар арнайы қорғалатын табиғи аймақ ретінде белгіленгеніне қарамастан, 2000 жылдардың басында кейбір шешімдермен жеке адамдар мен компанияларға гектарлап үлестірілген. Ресми деректерде олардың ішінде аты-жөні көпшілікке таныс фамилиялар да бар екені жасырын қалған жоқ.…

Еліміздің қаржы нарығында жаңа бастама қызу пікірталас тудырып отыр. Әңгіме жүйе құраушы банктерді құтқаруға арналған жаңа схема туралы. Жаңа заң жобасына сәйкес, барлық екінші деңгейлі банктер мемлекет шығынын жабу үшін міндетті аударым жасауы керек. Яғни, егер жүйелік маңызы бар банк дағдарысқа ұшыраса, оны қайта аяққа тұрғызу үшін шығынды мемлекет емес, басқа банктердің қаражаты есебінен жабу көзделген, – деп жазады Ertenmedia.kz. Бір қарағанда бұл жүйе қаржы тұрақтылығын сақтаудың бір тетігі болып көрінуі мүмкін. Бірақ сарапшылар мен қаржы мамандары бұл тәсілдің астарында өте қауіпті тәуекелдер барын айтып, дабыл қағуда. Экономист Тимур Айсаутовтың пікірінше, бұл механизм акционерлердің жауапкершілігін әлсіретіп, қате басқарудың салдарын жасыруға…

Bloomberg агенттігінің хабарлауынша, «Қазатомөнеркәсіп» өзіне тиесілі емес, яғни үкімет үлесіне кірмейтін акциялардың бір бөлігін қайтадан листингке шығаруды қарастыруда. Бұл әзірге түпкілікті шешім емес, бірақ ондай қадам жасалса, Қазақстанның қаржы жүйесінде де, халықаралық инвесторлар сенімінде де үлкен өзгеріс болатыны анық. Себебі әлемдегі уран өндірісінің алдыңғы қатарында тұрған «Қазатомөнеркәсіптің» кез келген шешімі тек ұлттық деңгейде ғана емес, жаһандық деңгейде де назарға алынады, – деп жазады Ertenmedia.kz. Қазір компанияның негізгі құрылымы айқын: 62,99 пайызы «Самұрық-Қазына» ұлттық әл-ауқат қорының иелігінде, 24,32 пайызын номиналды түрде Citibank ұстап отыр, ал 12,01 пайызы Қазақстанның Қаржы министрлігінің қолында. Демек, мемлекет бақылауды сақтап отыр, алайда қосымша листингке шығару арқылы…

Жаңасемей ауданында бірнеше ұрпаққа жалғасқан Ғабдуллиндер әулетінің жалпы педагогикалық еңбек өтілі – 392 жыл. Әулеттің ұстаздық дәстүрін Қабдырахман Ғабдуллин мен Күләш Нұрбикенова бастаған, – деп хабарлайды Ertenmedia.kz Түркістан облысы әкімінің баспасөз қызметіне сілтеме жасап.   Қабдырахман Ғабдуллин 1950 жылы Семей педагогикалық институтын тәмамдап, еңбек жолын Ұлан ауданындағы С.Аманжолов атындағы мектептен бастаған. Қайнар орта мектебінде 43 жыл бойы қазақ тілі мен әдебиеті пәнінен дәріс беріп, шәкірт тәрбиеледі. «Қазақ ССР халық ағарту ісінің озық қызметкері» төсбелгісінің және «Әдіскер-мұғалім» атағының иегері. Жары Күләш Нұрбикенова ұстаздық жолын Күршім ауданындағы Құмаш Нұрғалиев мектебінде бастап, 1959-1987 жылдары Қайнар орта мектебінде математика пәнінен сабақ беріп, кейін мектеп…

Жетісу облысында жылыту маусымы басталғанға қарамастан әлеуметтік нысандар жылуға қосыла бастады. Дәл қазір барлығы 47 әлеуметтік нысанға жылу берілді. Олардың арасында Алакөл, Панфилов аудандары мен Текелі қаласындағы 32 мектеп, 8 балабақша, 7 аурухана бар. Қалған аудандар мен қалалар тәуліктік жылу температурасына қарай 4 қазаннан 15 қазанға дейін жылуға қосылады, – деп хабарлайды Ertenmedia.kz  Жетісу облысы әкімінің баспасөз қызметіне сілтеме жасап. Жетісу облысы Энергетика және тұрғын үй-коммуналдық шаруашылық басқармасы таратқан мәліметке қарағанда, жылыту маусымына 1697 көпқабатты үй мен 1314 бюджеттік сала нысандары толығымен дайын. Ал бюджеттік сала нысандарын жылумен қамтамасыз ететін кәсіпорындар қажетті жағар отынмен толық қамтамасыз етілген. – Осы аптаның…

Муниса Шодиева әлемдік қаржы элитасы мен постсоветтік клептократия арасындағы шекараны бұлдыратқан тұлғалардың бірі, деп жазады Ertenmedia.kz. Ол Eurasian Resources Group компаниясының тең иесі Патох Шодиевтің қызы, әрі бірнеше мемлекеттің азаматы. Ал, Қазақстанның қолданыстағы заңнамасына сәйкес, қос азаматтыққа тыйым салынғанын бәріміз білеміз. Соған қарамастан, Муниса Шодиева Қазақстанның дипломатиялық паспортын заңсыз жолмен алғаны анықталды, – деп жазады «Вход к моря» телеграм арнасы. Бір қызығы, дипломатиялық паспорт оған 2003 жылы берілген, ал 2013 жылы жаңартылған. Сол кезде-ақ оның Бельгия мен Ресей азаматтығы бары белгілі болған. Бірақ Қазақстанның сол кездегі Сыртқы істер министрлігі бұл дерекке көз жұмып, оған ерекше мәртебе берген. Бұл шешімнің артында…

Қазақстанда коллекторлық агенттіктер мен микроқаржы ұйымдарының қызметіне екі деңгейлі бақылау жүйесі енгізілмек, деп хабарлайды Ertenmedia. Бұл туралы Қаржы нарығын реттеу және дамыту агенттігінің төрайымы Мәдина Абылқасымова мәлімдеді. Оның айтуынша, қазір еліміздің микроқаржы нарығында 899 ұйым жұмыс істейді, ал коллекторлық агенттіктер тізімінде 197 компания бар. Осы жылдың 1 шілдесіндегі мәліметке сәйкес, Қазақстанның микроқаржы ұйымдарының несие портфелі 3,2 трлн теңгеге жеткен. Бұл 2021 жылғы көрсеткіштен екі есе жоғары. Несие сомасының 61 пайызы, яғни 1,9 трлн теңгесі шағын және орта бизнеске берілген микрокредиттер. Алайда несие көлемі артқан сайын, тұтынушылар тарапынан шағымдар да көбейген. Былтырдан бері нарық қатысушыларына қатысты 812 тексеріс жүргізіліп, 1,1 мыңнан…

ШҚО-да «Altai Invest – 2025» халықаралық инвестициялық форумының салтанатты ашылуы өтті. Ауқымды алаң мемлекеттік құрылымдардың, бизнес-қоғамдастықтың және халықаралық ұйымдардың өкілдерін біріктірді, – деп хабарлайды Ertenmedia.kz ШҚО әкімінің баспасөз қызметіне сілтеме жасап. Қатысушыларға ШҚО әкімі Нұрымбет Сақтағанов құттықтау сөз сөйледі. Ол форумның инвестиция тартудың маңызды орталығына айналып, өңірдің экономикалық дамуы үшін жаңа мүмкіндіктер ашатынын атап өтті. – Ел Президенті Қасым-Жомарт Кемелұлы Тоқаев өңірлердің алдына нақты міндеттер қояды: экономиканы әртараптандыру, экспортты дамыту және инвестиция тарту. Бұл – стратегиялық бағдар. Нәтижелердің өзі айқын: өңір алаңында жалпы құны 100 млрд теңгеден асатын 11 инвестициялық жоба жүзеге асырылуда. Форумнан біз жаңа идеялар мен ұсыныстарды күтеміз,…

Бүгінде Түркістан облысы – еліміздегі серпінді дамып келе жатқан өңірлердің бірі. Географиялық тұрғыдан тиімді орналасуы облыстың стратегиялық маңызын арттыра түседі. Өңір арқылы өтетін «Батыс Еуропа – Батыс Қытай» халықаралық көлік дәлізі әлемдік нарықтарға тікелей шығу мүмкіндік береді. Сонымен қатар Қазақстанның Еуразиялық Экономикалық Одаққа мүше болуы 185 миллионнан астам тұтынушысы бар үлкен нарыққа еркін шығуға жағдай жасайды. Түркістан облысының инвестициялық әлеуеті, инвесторларға көрсетілетін қолдау шаралары шетелдік инвесторлардың қызығушылығын арттыруда. Түркістан облысының әкімі Нұралхан Көшеров кезекті рет шетелдік инвесторлармен кездесіп, жаңа жобаларды іске асыру жайын талқылады. Тараптар облыста интеграцияланған экожүйелік парк құру жайын жан-жақты зерделеп, пікір алмасты. Облыс басшысы тиімді ұсыныстарды қабылдауға…

Әзербайжан билігі Ресейдің «Солтүстік-Оңтүстік» жобасына қатысудан түбегейлі бас тартты, деп жазады Ertenmedia.kz. Жобаның мәні Ресей газын Әзербайжан аумағы арқылы Иранға, одан ары Парсы шығанағы мен Үндістанға жеткізу болатын. Мәскеу осы транзит арқылы жылына 50 миллиард текше метр газ айдап, Ресей бюджетін $30 миллиардқа толықтырмақ еді. Алайда Баку мұндай схемаға жол бермейді. Себебі бұл БҰҰ енгізген Иранға қатысты халықаралық санкцияларды айналып өтуге тікелей жол ашар еді. Әзербайжан билігінің ұстанымы анық, халықаралық ережелерді айналып өтіп, Ресейдің көлеңкелі логистикасына жол ашпайды. Осылайша Баку екінші санкциялық тәуекелден бас тартып отыр. Сонымен қатар Ирандағы ресейлік газ хабы туралы ақпараттар да жалған болып шықты. Ресей мен…