Белгілі сазгер Арман Дүйсеновтің ұлы көз жұмды. Бұл туралы әнші Мақпал Жүнісова айтты, — деп хабарлайды ErtenMedia.kz. «Марқұм Арман Дүйсеновтің тұңғышы Абылай Арманұлын біреулер қастықпен өлтірді деген суық хабар жетті, иманы саламат болсын, өлтірген адамды тауып, жазасын беру керек. Айсұлу айналайын Алла сабыр берсін, кеше ұшып кетіп едім, туғандарына, анасына, қарындасы мен баурына қайғырып көңіл айтамын», — деді ол. Алматы Полиция департаменті өкілі бұл дерекке қатысты пікір білдірді. «Бұл дерек бойынша Бостандық аудандық полиция басқармасы қылмыстық іс қозғады. Оқиғаның себебі мен мән-жайы анықталып жатыр», – деп жазылған хабарламада.
Автор: editor
Ақтөбе прокурорлары бюджетті 2,9 млрд теңгеге ұлғайтты, — деп хабарлайды ErtenMedia.kz. Ақтөбе табиғат қорғау прокурорлары Хромтау ауданында хром кенін өңдеумен айналысатын «Восход Хром» ЖШС-і қызметін тексерді. Тексеру көрсеткендей, компания 2022 жыл бойы міндетті экологиялық рұқсатсыз жұмыс істеген. Тиісінше, осы кезеңдегі барлық эмиссиялар– бұл атмосфераға 52 тоннадан астам ластаушы заттардың шығарындылары (бейорганикалық шаң, 3 валентті хром, магний оксиді және т.б.), сондай-ақ жалпы көлемі 395 мың тонна болатын ірі кесек және шламды байыту қалдықтары нормадан тыс артық, яғни заңсыз деп танылды. Прокуратураның шараларымен кәсіпорынға экологиялық рұқсатсыз қызметті жүзеге асырғаны үшін, 2,9 млрд теңгеден астам айыппұл салынды. Қазіргі уақытта айыппұл толығымен өндіріліп, қаражат…
Шығыс Қазақстан облысында алаяқ риелторлар ұсталды, – деп хабарлайды ErtenMedia.kz. ШҚО ПД ұйымдасқан қылмысқа қарсы күрес басқармасының қызметкерлері нотариус пен риэлторлардың қатысы бар алаяқ риелторлар тобының кәсібін тоқтатты. Қылмыстық іс бойынша күдіктілер ішімдікке бейім шығысқазақстандықтардың бірнеше пәтерлерін заңсыз иемденген. Тінту іс шараларын жүргізу барысында жедел уәкілдер әртүрлі жылжымайтын мүлік объектілеріне құжаттар, жеке тұлғалардың дербес деректерін, сондай-ақ іс бойынша өзге де заттай дәлелдемелер тәркілеген. Жәбірленушілерге келтірілген жалпы шығын 60 млн теңгеден асады. Полицияға барлығы төрт күдікті жеткізілді. Олардың осыған ұқсас қылмыстарға қатысы бар-жоғын анықтау мақсатында тексеру жүргізілуде. Тергеу аса ірі мөлшердегі алаяқтық фактісі бойынша жүзеге асырылады.
Экология және табиғи ресурстар министрі Ерлан Нысанбаев Қарағанды және Павлодар облыстарындағы өртке қатысты сұрақтарға жауап берді, — деп хабарлайды ErtenMedia.kz Ult.kz-ке сілтеп. «Жаңа Үкімет отырысында Павлодар облысы ағаш отырғызу жағынан ең төменгі көрсеткішке ие деген сөз айтылды. Қазір Павлодарда орман өртеніп жатқаны белгілі. Өрттен келетін шығын бар. Павлодардағы жасыл желектердің мәселесі тіпті күрделеніп кетпей ме?» — деген сұраққа министр мәселе күрделенбейді деп жауап берді. «Мәселе күрделенбейді, себебі өздеріңізге мәлім, 6 қазанға қараған таңда өрт басталды. Түске таман Павлодар облысын шарпыды. Баянауыл ұлттық саябағының жеріне кірді. Бірақ ол толығымен дала (степная зона). Бар-жоғы өрт шалғаны 13 га жалпақты ағаш түрлері. Бірақ…
Алматы облысының прокуратурасы 16 жастағы талғарлық Шерзаттың өліміне қатысты мәлімдеме жасады, — деп хабарлайды ErtenMedia.kz. «Біз қоғамдық толқуларды түсінеміз және отбасы мен жақындарына көңіл айтамыз. Прокуратура органдары кісі өлтіру туралы бұл істі ерекше бақылауға алғанын ресми түрде хабарлаймыз. Аталған қылмысты жасады деген күдік бойынша сот 2 ай мерзімге қамауда ұстау түріндегі бұлтартпау шарасына санкция беріп, жеті күдікті адам ұсталды. Біз барлық жағдайларды анықтауға және кінәлілерді жауапкершілікке тартуға бағытталған объективті тергеуге кепілдік береміз. Барлық азаматтарды осы қылмысқа қатысы бар адамдарды жауапкершіліктен алып тастауға ешқандай әрекет жасалмайтынына сендіреміз. Тергеуге көмектесетін кез-келген ақпаратпен прокуратура немесе ішкі істер органдарына жүгінуге шақырамыз», — дейді прокуратурадағылар.…
Атырау қаласы Ақжар ауылында 13 жастағы жалғыз ұлынан айырылған Анаргүл Қасантаева тергеу әділетсіз екенін айтып, Жайық жағасында өз-өзіне қол жұмсамақ болды, — деп хабарлайды ErtenMedia.kz Stan.kz-ға сілтеп. Басылым мәліметінше, Ақжар ауылында 21 тамызда 7-сынып оқушысы Мерлан белгісіз жағдайда суға батып қаза тапқан. Марқұмның анасының айтуынша, ұлының суға өз еркімен түсіп, батып кетуі мүмкін емес. Себебі Мерланды сол күні көргендердің бәрі анасына “10-сыныптағы оқушы оны суға итеріп жіберді, ұлыңызды іздемей-ақ қойыңыз” деп айтқан. Анаргүл Қасантаева жалғыз ұлынан айырылғалы бері полиция мен прокуратураның табалдырығын тоздырғанын алға тартты. Оның сөзінше, тергеу әлі күнге дейін созылып, ешқандай нәтиже болып жатқан жоқ. Құлазыған ана тіпті…
Биыл орман шаруашылықтары үшін өртке қарсы техникаларды сатып алуға 52 млрд теңге бөлінді, — деп хабарлайды ErtenMedia.kz. Үкімет отырысында Қазақстандағы орман аумақтарын сақтау және ұлғайту бойынша жүргізіліп жатқан жұмыстар туралы экология және табиғи ресурстар министрі Ерлан Нысанбаев баяндады. Қазақстанда соңғы 5 жылда орман алқаптарының ауданы 267 мың гектарға ұлғайтылды. Жалпы, бұл көрсеткіш 5% өсімді көрсетті. Орман қорғау мекемелерін техникалық жарақтандыруды қаржыландыруды ұлғайту және орман шаруашылығы қызметкерлерін әлеуметтік қолдау бойынша шаралар қабылдануда. «Мәселен, өткен жылы техника мен жабдықтарды сатып алуға республикалық және жергілікті бюджеттерден 15,9 млрд теңге бөлініп, 526 бірлік өртке қарсы және патрульдік техника сатып алынды. Биыл еліміздің орман шаруашылығы тарихында…
Қырғызстандық көліктер Қазақстаннан заңсыз жанармай тасып жатыр. Бұл туралы шекара маңындағы өңірлерде жанар-жағар майды елден шығаруға қарсы бірлескен бақылауды күшейту бойынша Қаржылық мониторинг агенттігінде өткен кездесу барысында белгілі болды, -деп хабарлайды ErtenMedia.kz. Кеңес жұмысына ІІМ, автомобиль көлігі және көліктік бақылау комитетінің басшылығы, сондай-ақ Энергетика министрлігінің, ТЖМ, ҰҚК Шекара қызметінің, ҚМ Мемлекеттік кірістер комитетінің және «ҚазМұнайГаз» ҰК» АҚ өкілдері қатысты. Қандай қауіп бар? ҚМА мәліметінше, қазір қуаты аз мұнай өңдеу зауыттарында өңделген ЖЖМ ағындары мен «сұр» экспортының күшею қаупі бар. Баға айырмашылығынан ЖЖМ жеңіл автокөліктердің зауытта қондырылған немесе қолдан жасалған бензин бактарында ел аумағынан заңсыз шығарылады. Тек Қазақстан-Қырғыз шекарасында айына осындай тәсілмен…
Әл-Фараби атындағы Қазақ ұлттық университетінде «Тіл қазынасы – бірлік негізі» тақырыбында дөңгелек үстел отырысы өтіп, түркологияға қатысты бірқатар кітаптың тұсауы кесілді. Атап айтқанда ҚазҰУ ректоры, филология ғылымының докторы, профессор Жансейіт Түймебаевтың «Түркі-моңғол лексикалық параллельдерін тарихи-генетикалық тұрғыдан ажыратудың теориялық қағидалары мен критерийлері» атты монографиялық еңбегі, ақын, ғалым Бекир Чобанзаденің «Тілтұтқа» жинағы, сондай-ақ «Түркі тілдерінің терминологиялық сөздіктері». Аталған кітаптар ҚазҰУ мен Түркі академиясының ынтымақтастығы аясында басылып шықты. Ауқымды шараға Түркі академиясының вице-президенті Асхат Кесікбаев, Түркия Республикасының Алматыдағы бас консулы Эврен Мюдеррисоглу, ҚазҰУ Басқарма Төрағасының орынбасары – бірінші проректор Еркін Дүйсенов, А.Байтұрсынұлы атындағы Тіл білімі институтының директоры Анар Фазылжан, филология ғылымының докторы, профессор…
Мемлекет басшысы Қасым-Жомарт Тоқаев кеше Ресей президентіне құттықтау жеделхатын жолдады, — деп хабарлайды ErtenMedia.kz. «Қасым-Жомарт Тоқаев Ресей Федерациясының президенті Владимир Путиннің туған күніне орай құттықтау жеделхатын жолдады», — деп жазылған Ақорданың дүйсенбідегі хабарламасында. Айта кетейік, Владимир Владимирович Путин 1952 жылы 7 қазанда дүниеге келген. Ол — ресейлік саясаткер және қазіргі Ресей президенті. Путин 1999 жылдан бері президент немесе премьер-министр ретінде үздіксіз қызметте: 1999–2000 және 2008–2012 жылдар аралығында премьер-министр, 2000–2008 және 2012 жылдан бері президент. Ол — Иосиф Сталиннен бері ең ұзақ уақыт бойы қызметтегі басшы.
