Автор: Асылхан Бөрібай

Нью-Йоркте Біріккен Ұлттар Ұйымы Бас Ассамблеясының 81-ші сессиясы басталды деп хабарлайды Ertenmedia. Істен шыққан эскалатор мен суфлер Трамптың қитығына тиді Ақ үй басшысы Дональд Трамп мінберге шыға салысымен техникалық ақауға шағым айтып, суфлердің істемей тұрғанын жеткізді. «Суфлер істен шықты. Бірақ онсыз-ақ сөйлеп беремін», – деді Трамп, сөйлеу мәнерін одан сайын ашық ете түсу үшін мұның тиімді боларын айтты. Дегенмен, техникалық ақауға жол бергендерді қатаң жазалайтынын ескертіп өтті. Ақ үй басшысының бұл жолғы сөзінде өткір мәлімдеме көп болды. «Мен президенттік қызметімде жеті бірдей ұзаққа созылған соғысты аяқтадым, соның ішінде Кәмбоджа мен Таиланд, Косово мен Сербия, Коңго мен Руанда, Пәкістан мен Үндістан,…

Қазақстанда нашақорлықпен күрес күшейіп келеді. Бүгінде 18 мыңнан астам азамат нарколог-дәрігерлердің бақылауында, олардың басым бөлігі жастар. «AMANAT» партиясының «Жастар Рухы» ұйымы жақсы жұмыс істеуде. Соңғы бес жылда тәркіленген синтетикалық есірткі көлемі 143 есеге артқан. Тек биылдың өзінде құқық қорғау органдары 5 мыңнан астам есірткі қылмысын анықтап, қоғамдағы жағдайдың қаншалықты күрделі екенін көрсетті. Бұл сандар – дабыл қағарлық деңгейде. Нашақорлық енді жай ғана қауіп емес, тұтас бір буынның дертіне айналып отыр. «AMANAT» партиясының «Жастар Рухы» жастар қанаты үшінші жыл қатарынан елімізде «Есірткіге жол жоқ!» акциясын өткізіп келеді. Бұл бастама қазірдің өзінде нашақорлық пен есірткі қылмыстарына қарсы күрестің басты бағыттарының біріне айналды.…

Нью-Йоркке сапары аясында президент Тоқаев Украина басшысы Владимир Зеленскиймен маңызды келіссөз жүргізді деп хабарлайды Ertenmedia.kz.  Forbes Kazakhstan-ға пікір білдірген Украинаның Қазақстандағы елшісі Виктор Майко келіссөздің мән-жайын жіліктеп жеткізген екен. Оның сөзіне қарағанда, Тоқаев пен Зеленскийдің ресми түрде бетпе-бет жүздеспегеніне алты жыл болған. Бірақ бір ай бұрын телефон арқылы сөйлескен екі ел басшысы осы жолғы кездесудің жоспарын алдын ала пысықтап қойған. «Кездесу кездейсоқ өткен жоқ. Ол алдын ала келісілген әрі ресми бағдарламаға енген маңызды басқосу болды. Екі тарап та кездесуді бірінші кезекке қойды», – деп атап өтіпті елші. Келіссөздің басты тақырыбы Украинадағы соғыс және оны аяқтаудың жолын талқылауға арналған. Майконың айтуынша,…

Президент Қасым-Жомарт Тоқаевтың Нью-Йорк қаласындағы жұмыс сапары тек ресми хаттамамен шектелген жоқ, нақты мазмұнды келісімдерге толы болғанын ҚР Президентінің көмекшісі – Баспасөз хатшысы Руслан Желдібай өзінің Телеграм арнасында жазды, – деп хабарлайды Ertenmedia.kz. Маңызды келсімдер Президенттің Нью-Йорк қаласындағы кешегі жұмыс кестесі жоғары деңгейдегі мазмұнды кездесулерге толы болды. Жалпы, сапар аясында Қасым-Жомарт Тоқаевтың президенттермен, премьер-министрлермен, министрлермен, халықаралық ұйымдардың және компаниялардың жетекшілерімен 20-дан астам кездесуі өтті. Жүздесулерде қарастырылған мәселелер ауыл шаруашылығы, білім беру, спорт, инвестициядан бастап жасанды интеллектіге дейінгі көптеген бағытты қамтыды. Елімізге миллиардтаған доллар инвестиция тарту жөнінде уағдаластыққа қол жеткізілді. Қазақстан мен АҚШ-тың ірі компаниялары арасында 11 келісім мен меморандумға қол…

Трамптың Ақ үйге қайта оралуы Орта Азия мен Қапқаздағы бұрынғы саяси тепе-теңдікті түбегейлі өзгертті деп хабарлайды Ertenmedia. Саясаттанушы Аркадий Дубновтың пайымдауынша, Уашингтонның аймаққа ықпалы артып, Мәскеудің геосаяси сахнадағы рөлі әлсірей бастаған. Оның айтуынша, бұған дейін Ресейдің сателлиті ретінде саналып келген елдер енді Мәскеудің тасасынан шығып, АҚШ-пен ірі келісімшарттарға қол қойып жатыр. «Трамптың келуімен Орта Азиядағы жағдай күрт өзгерді. Мәскеудің «мәмілегерлік монополиясы» жойылып барады», – дейді Дубнов. Тамызда Уашингтонда өткен келіссөзде Армения премьері Никол Пашинян мен Әзербайжан президенті Ильхам Әлиев Трамптың арағайындығымен бейбіт келісімге қол қойды. Аймақтың инфрақұрылымын жаңғыртуға бағытталған жобалар АҚШ-тың қолдауымен іске асады. Осылайша, Ресей талай жыл «бас мәмілегер»…

Қазақстандықтардың көбі елдің қарулы күштеріне сенеді, бірақ әскердегі әлімжеттік пен жемқорлық мәселесі қоғамды алаңдатып отыр, деп хабарлайды Ertenmedia. DEMOSCOPE зерттеу бюросы жүргізген сауалнамаға сәйкес, ел азаматтарының 66,9 пайызы Қазақстан армиясы сырттан төнген қауіп-қатерге төтеп бере алады деп санайды. Дегенмен, қоғамда қалыптасқан теріс пікір әскердің ішкі ахуалынан туындап отыр. Ел тұрғындарының 37,8 пайызы әскердегі әлімжеттік пен зорлық-зомбылыққа алаңдаулы. Одан кейінгі орында жемқорлық мәселесі 34,9 пайыз. Әскердегі техниканың ескіруі мен инфрақұрылымның артта қалуы да қазақстандықтарды мазалайтын негізгі факторлар қатарында. Зерттеу әскердегі ахуалдың жастар арасында теріс қабылданып жатқанын анықтады. 18-29 жас аралығындағы азаматтардың басым бөлігі (44,7 пайыз) армияны толықтай келісімшарт негізіне көшіруді қолдайды.…

Елордадағы тұрғын үйлердің жылу жүйесі мен қауіпсіздігіне байланысты маңызды деректер жарияланды. Қала аумағында 33 мыңға жуық жеке тұрғын үй болса, оның 22 600-і әлі де көмірмен жылытылады, ал 10 400 үй орталық газбен қамтамасыз етілген. Қысқы маусымда пешпен жылытылатын үйлерде өрт қаупі артып, әрбір отбасының қауіпсіздігі сынға түседі. Сол себепті Төтенше жағдайлар департаменті жыл сайын арнайы жоспар жасап, тамыздан бастап сәуірге дейін тұрғын үйлерді аралап, тексеріс жүргізеді, – деп хабарлайды Ertenmedia.kz Астана қаласы әкімінің баспасөз қызметіне сілтеме жасап. Жылу маусымына дайындық жұмыстары ең әуелі әлеуметтік осал топтарға бағытталуда. 765 отбасы есепке алынып, олардың 132-сінде арнайы көміртегі тотығы датчиктері орнатылған. Бұл…

Қазақстан әлеуметтік маңызы бар азық-түлік тауарларының (ӘМАТ) бағасын реттеу жүйесінен бас тартып, халықты қолдаудың жаңа тәсіліне көшеді деп хабарлайды Ertenmedia. Сауда және интеграция министрі Арман Шаққалиев Үкімет отырысында бұған дейінгі бағаны реттеу әдісін нарыққа жасаған қысым деп атады. Министрдің пайымынша, әлеуметтік маңызды өнімдер тізімін жасақтап, өндірушілерге бағаны таңып беру ескірген әдіс. Жаңа жүйеге сәйкес, Ақкөл, Көкшетау және Павлодар қалаларында пилоттық жоба басталды. Әлеуметтік жағдайы төмен отбасылар цифрлық азық-түлік ваучерін алады. Мұндай ваучер жыл бойы азық-түлікті жеңілдікпен сатып алуға мүмкіндік береді. «Бұл тәсіл әлдеқайда тиімді. Өндірушілер де, тұтынушылар да әкімшілік қысымнан босайды. Нарықтың тынысы кеңейіп, бәсеке күшейеді», – деді Шаққалиев. Оның…

Мемлекет басшысы Қасым-Жомарт Тоқаев Нью-Йоркте Amazon компаниясының аға вице-президенті Дэвид Запольскимен кездесті деп хабарлайды Ertenmedia. Келіссөз барысында цифрландыру, жасанды интеллект және ғарыштық байланыс саласындағы стратегиялық ынтымақтастықтың перспективалары сөз болды. Amazon компаниясы Қазақстанды жай ғана жаңа нарық емес, Орталық Азиядағы спутниктік интернет-хаб құратын маңызды плацдарм ретінде таңдаған. Қазірдің өзінде Amazon Kuiper мен «Қазақтелеком» серіктестік келісімге қол қойып, ел аумағында заманауи спутниктік интернет инфрақұрылымын салуға келісті. Алдағы уақытта Amazon Алматы, Ақкөл және Ақтау қалаларында қажетті жерүсті кешендерін орнатуға 200 млн доллар инвестиция құяды. Цифрлық даму министрлігі өкілдерінің айтуынша, бұл Amazon компаниясының Орталық Азияға жасаған алғашқы әрі ауқымды қадамы. Kuiper жобасы бойынша орбитаға…

Астанада «Жұмысшы мамандықтар жылы» аясында жастарға бағытталған ерекше жоба жүзеге асуда. Astana Tourism туризмді дамыту орталығы ұйымдастырған бұл кәсіптік бағдар беру бағдарламасы мектеп оқушылары мен колледж студенттеріне болашақ мамандығын көзбен көріп, қолмен ұстағандай таныстыруға бағытталған. Астаналық жастар нақты өндіріс орындарына барып, зауыт-фабрикалардың, оқу орындары мен қонақүйлердің жұмысын көру – жас буын үшін үлкен тәжірибе. Бағдарлама аясында 120-дан астам мектеп пен 20 колледж қамтылып, сәуірден бері үш мыңнан астам жасөспірім түрлі экскурсияларға қатысып үлгерген. Жыл соңына қарай бұл көрсеткіш 12 500-ге жетеді деп жоспарланып отыр. Балалар өз көзімен тігін фабрикасындағы қарапайым матаның дайын киімге айналғанын көрді, «Аромат» кәсіпорнында парфюмерия өндірісімен танысты.…