Автор: Асылхан Бөрібай

Елордадағы Орталық саябақта абаттандыру жұмысы басталды. Жаңарту жұмысы 15 мың шаршы метрден астам аумақты қамтиды. Бұл – «Қазақстан күні» монументінен бастап Есіл өзенінің жағалауына дейінгі бөлік,- деп хабарлайды Ertenmedia.kz Бұл жерде ескі және зақымдалған гранит плиталар жаңартылып, көше жиһаздарын жөндеу және қалпына келтіру жұмыстары жүргізіледі. Сондай-ақ жарықтандыру жүйесі, сәндік шамдар мен субұрқақ кешенінің коммуникацияларын қоса алғанда, инженерлік желілерге ауқымды жаңғырту жасалады. Жаңартудың басты элементтерінің бірі – субұрқақ бойындағы аллея болады. Мұнда 150-ден астам жөке және шырша ағашы отырғызылады. Жаңа ағаштар саябаққа ажар беріп, серуендеуге қолайлы жайлы орта қалыптастырады. Жөндеу кезінде саябақтағы жаяу жүргіншілер бөлігі ішінара жабылады, дегенмен аллеяның бір жағы…

Бүгін Қызылорда облысының әкімі Нұрлыбек Нәлібаев Шиелі ауданына жұмыс сапарымен барып, биылғы алғашқы дән себу іс-шарасына қатысты,- деп хабарлайды Ertenmedia.kz Бұл шараға облыстық мәслихат төрағасы Мұрат Тілеуімбетов, Қазақстанның Еңбек Ерлері Абзал Ералиев, Имамзада Шағыртаев, аудан әкімдері, зиялы қауым өкілдері келді. Аймақ басшысы ауыл шаруашылығы саласының ардагерлерімен бірге қамба астыққа толып, шаруа еңбегі табысты болуына тілектестік білдірді. Әрі қарай шара қонақтары ауыл шаруашылығы техникалары, тыңайтқыш, гербицидтер және тұқым көрмесімен танысты. Егіс алқабында өткен жиын «Дала күні» семинар-кеңесімен жалғасты. Семинарда мемлекеттік мекемелер мен шаруашылық басшылары саладағы өзекті мәселелерді баяндады. Өткен жылы елімізде диқандарға көктемгі егін, күзгі жиын-терін жұмыстарына 5 пайызбен берілетін жеңілдетілген…

Жетісу облысының Сарқан ауданында жуық арада ауыз су сапасына қатысты мәселе шешіліп, тұрмыстық қатты қалдыққа арналған жаңа полигон салынады. Бұл туралы облыс әкімі Бейбіт Исабаев аудан тұрғындарымен кездесуі кезінде айтты,- деп хабарлайды Ertenmedia.kz — Сарқан ауданында шешімін күткен бірқатар проблемалар болған. Атап айтқанда, ауыз судың сапасын жақсарту және тұрмыстық қатты қалдықтар полигонын салу. Су мәселесін шешуге 200 млн. теңге бөлінді, Сарқан қаласының бас су қабылдағышын ағымдағы жөндеу осы жылдың маусым айында аяқталады. Соның арқасында ауыз су сапасы жақсарады. Сондай-ақ Алмалы, Қойлық және Екіаша ауылдарының су құбыры желілерін реконструкциялау үшін жобалар әзірленді. Және де Сарқан қаласында заманауи қоқыс полигонын салу жобасы…

«Таза Қазақстан» аясында 21–26 сәуір аралығында өңірде «Бүкілқазақстандық ағаш отырғызу күні» экологиялық акциясы өтуде. Бүгін Жеңіс саябағында СҚО әкімі Ғауез Нұрмұхамбетов ардагерлер, депутаттар, қоғам және ассамблея өкілдері және жастармен бірге ағаш отырғызу шарасына қатысты,- деп хабарлайды Ertenmedia.kz Бұл акцияның Жеңістің 80 жылдығы қарсаңында өтуі ерекше мәнге ие. Жасыл бастаманы облыстың барлық аудандары қолдап, бүгін елді мекендер мен орман алқаптарында 42 мыңнан астам көшет отырғызылды. Республикалық акция аясында өңірде жалпы 118 мың ағаш отырғызу жоспарланған. «Орман қорын сақтау және көбейту — баршамыздың ортақ міндетіміз. Бұл — экологиялық жағдайды жақсартуға және келешек ұрпақ үшін қолайлы өмір сүру ортасын қалыптастыруға қосқан маңызды үлес»,…

Қазіргі уақытта Малая-Владимировка мен Қарағайлы ауылдарын жалғайтын 13 шақырым жолға асфальт төсеу басталды,- деп хабарлайды Ertenmedia.kz Жақында аудан әкімі Нұрбек Қошқарбаев пен аудандық мәслихаттың төрайымы Мейрамгүл Абылғазинова жөндеу жұмыстары жүріп жатқан учаскеге барып, атқарылып жатқан істің барысымен танысты. Мердігер ұйым өкілдерімен кездесіп, жұмыстың кестеге сай жүруі мен сапа стандарттарына сәйкес болуын бақылауға алды. Сондай-ақ, биыл «Семей–Бесқарағай–Долон» бағытындағы облыстық маңызы бар жолдың 5 шақырымына асфальт төсеу жоспарланып отыр. Бұл жобалар облыстық Жолаушылар көлігі және автомобиль жолдары басқармасы арқылы іске асырылуда.

Белгілі қоғам қайраткері Қайрат Жолдыбай Шымкент қаласы әкімінің орынбасары Руслан Берденовке жасалған қарулы шабуылға қатысты пікір білдіріп, оқиғаның астарында қызметке байланысты үлкен қарсылық жатуы мүмкін екенін айтты деп жазады Ertenmedia.kz. «Руслан Берден депутат болып жүрген кезінде талай жанның өмірін ойрандаған букмекерлік кеңселер мен құмар ойындарға тыйым салатын заңның қабылдануына бар күшін салған азамат екенін көпшілік жақсы біледі деп ойлаймын. Сол заң жобасын әзірлеу барысында құмар ойыннан миллиардтап ақша тауып отырған букмекерлік компаниялардың артында тұрған ықпалды адамдар Русланға қомақты қаржы ұсынып, заң жобасын тоқтатуға тырысқан еді. Бірақ Руслан одан үзілді-кесілді бас тартқан. Оған көнбеген соң, өзіне де, жақындарына да түрлі жолмен…

Қызылорда облысының әкімі Нұрлыбек Нәлібаевтың қатысуымен Кеңес Одағының батыры Тәйімбет Көмекбаевты еске алуға арналған грек-рим күресінен ересектер арасындағы халықаралық турнирдің ашылу рәсімі өтті. Турнирге 10-нан астам мемлекеттен, еліміздің әр өңірінен келген балуандар 10 салмақ дәрежесінде белдеспек,- деп хабарлайды Ertenmedia.kz Рәсімге Тәйімбет Көмекбаевтың ұлы, ІІ дәрежелі «Даңқ» орденінің иегері, генерал-майор Бағбан Тәйімбетов, ҚР Грек-рим, еркін және әйелдер күресі федерациясының вице-президенті Дәурен Жабасов, басқа да құрметті қонақтар қатысты. Аймақ басшысы қатысушыларға сәттілік тілеп, өңірдің спорт саласындағы ауқымды жұмыстарға тоқталды. «Алаштың анасы атанған қасиетті Сыр өңіріне қош келдіңіздер! Баршаңызды Кеңес Одағының батыры, даңқты жерлесіміз Тәйімбет Көмекбаевты еске алуға арналған грек-рим күресінен халықаралық турнирдің…

Жетісу облысы Сарқан ауданында алғашқы Белсенді ұзақ өмір сүру орталығы ашылды. Облыс әкімі Бейбіт Исабаев жұмыс сапары аясында аталған жаңа нысанның жұмысымен танысты,- деп хабарлайды Ertenmedia.kz Сарқан қаласындағы Белсенді ұзақ өмір сүру орталығы «Жанұя» отбасын қолдау орталығымен қатар орналасқан. Онда зейнет жасындағы тұрғындарды әлеуметтендіру, физикалық және психикалық денсаулықтарын нығайту үшін оларды белсенді мәдени, шығармашылық, спорттық шараларға тартуға барлық жағдай жасалған. Ыңғайлы болу үшін екі орталыққа бір көлік берілген. Белсенді ұзақ өмір сүру орталығына келген ардагерлермен әңгімелескен Бейбіт Исабаев биыл Алакөл, Көксу аудандарында осындай екі нысан ашылатынын айтты. — Біздің міндетіміз – аға буынға қамқорлық жасау. Біз сіздерге еселі еңбек етіп, өңірдің…

Бүгін Орталық сайлау комиссиясының басшысы Нұрлан Әбдіровтың төрағалығымен ҚР ОСК жанындағы мүгедектігі бар адамдардың сайлау құқықтарын қамтамасыз ету жөніндегі жұмыс тобының отырысы өтті. Жұмыс тобының отырысына Еңбек және халықты әлеуметтік қорғау вице-министрі Асқарбек Ертаев, жұмыс тобының мүшелері, мемлекеттік органдардың, ҮЕҰ өкілдері, әртүрлі өңірлерден келген сарапшылар қатысты. Отырысты аша отырып, ҚР Ортсайлауком Төрағасы Нұрлан Әбдіров Мүгедектігі бар адамдардың сайлау құқықтарын қамтамасыз ету жөніндегі жұмыс тобы ОСК жанында 2018 жылдан бері жұмыс істеп келе жатқанын атап өтті. 2022 жылдан бастап ол жаңа ереже негізінде жұмыс істейді және оның құрамы мерзіді түрде жаңартылып отырады. Бүгінгі таңда қатысушылардың 70%-дан астамы қоғамдық бірлестіктердің өкілдері болып…

Алматыда қала әкімі Ерболат Досаевтың бастамасымен көктемгі студенттік іріктеу лигасы басталды. Бұл лига студенттік спортты дамыту мен жастардың салауатты өмір салтын арттыруға бағытталған. Жарысқа 35 жоғары оқу орны қатысады. Биыл алғаш рет жарыс үш спорт түрінен – футбол, волейбол және баскетболдан өткізіледі, — деп хабарлайды Ertenmedia.kz Турнирдің басты ерекшелігі – командалардың жарысқа тегін қатысуы, яғни ұйымдастыру жарнасы талап етілмейді. Ұйымдастырушылар турнирдің сапалы өтуіне ерекше мән беріп отыр. Жергілікті федерациялармен бірлесіп, бекітілген стандарттар мен ережелерге сай білікті төрелік жасалады. Бұл ойындарды жоғары деңгейде өткізуге және әділ бәсекелестік орнатуға мүмкіндік береді. Сондай-ақ, тәртіп пен әділдікті сақтау мақсатында лига аясында даулы жағдайлар мен талапты…